ايهم افضل الافالون او لكزس es350

زي بعض.. خذ اللكزس اكشخ اذا فيها بانوراما
بدون بانوراما مايحتاج تحتار سو حقرا بقره 
اذا الكلام عالموديل الجديد.. اللكزس اوسع داخليا واكبر خارجيا 

كلهم نفس الشي مكينه وقير ،، الفرق بالشكل شوف اللي تبيها واخذها واحس اللكزس افضل كهيبه

كم سعر es350 فل وهل فيه فرق في السعربينها وبين افالون

+1 لايك للجميع

ان شاء الله ناوي على لكزس بانوراما ورادار بس القير حقها نفس المشاكل اللي انا ذكرتها سوء استخدام او عيب مصنعي

الدفع الامامي عموما معروف بخرابات القير 
لكن في التويوتا افضل من غيره 
وبالتشليح واجد هو نفسه قير الافالون القديم والجديد ومستحيل تحصله باكثر من 10 الاف
وعادة مايخبط الا مع الاستخدام السيء وعدم المحافظه على الزيت اول باول 

حياك يالغالي
شوف يالطيب بالنسبة للمكينه والقير فهي وحدة الافالون والكزس
بس اقولك شي الافالون الافالون اثقل من الكزس وارسى وانا مجرب الشي هاذا
اتكلم من موديل 2007 الى 2012
بالنسبه للامريكي والسعودي
ابدا مافية اي فرق الا حاجه وحدة
الي هي ان الافالون السعودي يجي بفئتين لميتد واستاندرXL
والامريكي يجي 3 فئات لميتد الي هي الفل وفئةXLS الي هي تحت الفل بدرجه
وفئة XL الي هي استاندر
انت محتار بين الكزس والافالون 
الكزس معروفة قطعه ناار اتكلم عن الشمعات والصدام والامور هاذي اغلا بكثير
انا انصحك بالافالون 2011 امريكي بتحصل لميتد بطاقه جمرك بحوول 85 الف
اوسع من الكزس وارسى واثقل 
والمواصفات مافية ذاك الزود
هاذي فيها ستارة خلفية وهاذيك مثلها
هاذي فيها تسخين وتبريد وهاذيك مثلها
هاذي فيها جلد وشاشه وهاذيك مثلها
يعني مافية شي يستاهل انك تاخذ الكزس
اما قطع وما قطع الافالون السعودي نفس الامريكي
واصلا الافالون السعودي يصنع في مصنع تويوتا بامريكا
يعني السعودي والامريكي نفس بعض خووات مافية فرق
وسلامتك

انصحك باللكزس من واقع تجربه
مريح وناعم وعزل ممتاز ورساوره عالية جدا 
وجودة ماشاء الله ماعليها كلام 
ويكفيك شعار لكزس افضل بكثير من شعار تويوتا كمنظر وهيبة
وسعر ٢٠١٠ الى ٢٠١٢ تقريبا من ٨٠ الى ١١٠ الف

الافالون برأيي احلى بالشكل الداخلي والخارجي واضمن لك بما ان اللكزس عليها خلافات
 او اذا ملزم على اللكزس اصبر لين تنزل موديلات 2016 عشان يتفادون العيوب المصنعيه الي ذكرتها

لكزس طبعاً
لكل الأسباب التي ذكرها الإخوة أعلاه .
وأيضاً لأنها (لكزس) وصناعة يابانية خالصة
بينما الأفالون (تويوتا) وصناعة أمريكية ليست خالصة !!!
وتقبل رأيـي المتواضع طال عمرك .

ابو سعود
الشرقية1
al_orainy
الرفاعي 33
أأبو نوااف
ابو كاس
جاسم الدوحة
مشكورين على الرد جميعا كفيتهم ووفيت الله يعطيكم العافية الاكثر الاصوات على اللكزس ان شاء الله بادور لي وحده سعودية 
او اخذ بطاقة جمركية 

الديكورات الداخليه والمراتب جودتها عاليه اكثر من جودة الافالون وعزل الصوت من صالح اللكزس 
كلها فيها رساوة بس الافالون اكثر وزن الافالون الزائد معطيها رساوة مع المنعطفات هالكلام عن تجربه اضيفها على كلام الاخوان

الافلون اوسع واثقل

السلام عليكم اخوي والله الافالون سياره حطها علي يمناك بالخطوط وبديره 
انا كانت معي ٢٠١٢ اخذتها اصفار سافرت عليه دبي قطر عمان ابها مافي مكان مارحت له 
وبعتها وهي باقي ماكملت معي سنه شريتها بداية ٢٠١٢ وبعتها نهايت ٢٠١٢ سياره عزل ورساوه ونور تطربك بالخط 
والله من عام ٢٠١٢ لين الحين وانا ندمان قد شعر راسي اني بعتها 
شريت تورس شريت تاهو شريت لاندكروزر بس ماش مالقيت مثل الافالون والحين مامعي سياره جالس علي سيارت الدوام بس نصيحه خذ الافالون ولا تشاور صح الكزس هيبه بس برضو فكر بالي تكرف وقطع غياره رخيص 
والله يكتب لك الي فيه الخير لك ولجميع المسلمين

من قالك الكلام الفارغ هذا  قيورها تخبط 

لايخبط قيرها ولاشي اشاعات افالونتي معي وطالب و مطفر و ي العسل معي