أضف سؤال أو موضوع جديد          

هل هناك مخالفة لانوار الزنيون

up 8 down 3
al_jasser22 183
قبل 6 سنه و 4 شهر



السلام عليكم 
سيارتي لكزس es300  2006
قبل  اسبوع  وقفني  عسكري نقطة تفتيش بحجة  اني  مركب زنيون 
المهم اقول للعسكري الي وقفني   هذا شد  بلدها قالي مخالف
واذا عندك اعتراض  روح  المرور 
المهم العسكري اعطاء اوراقي للعسكري الي يكتب المخالفة وجلس يكتبها  قالي ايش  مخالفتك
قالت له تركيب  زنيون  قالي  انت  تتريق على سيارك لكزس  قالت اسال زميلك  المهم  ساله  قاله  سجله تركيب
زنيون المهم  صار  يضحك ويكتب المخالفه  قالت  ايش  رايك قالي  مالي شغل  روح اتفاهم  مع الي
وقفك 
المهم  اختصارا  للوقت والجهد ههههه  اخذت المخالفه  وروحت  لاني مستعجل شويه


و بعد مرور 4 ايام  نزلت المخالفه 100 ريال
اتصلت  علي المرور  وشرحت  لهم  القصة قالوا  راجع  المرور 
وراح  يشلونها  
راجعت  المرور  قسم  الفصل شرحت لهم الموضوع  قالوا  جيب
خطاب من الشركة  ان سيارتك فيها  زنيون شد  بلدها  (الشغله 100 ريال لكن ابغى اشوف ايش نهايتها(
 المهم كنت  امدح  المرور واقول  في نفسي خليه يضبطوا  المخالفين 
لكن الحين  عرفت  انهم  اغبياء  وجاهلين  ومتخلفين 
اقول  للعسكري يعني  لزم الخطاب يكون مع الاستمارة  اخاف يعطوني  مخالفه  ثانيه
يضحك  يقول  صور 100 خطاب  وحطهم  معاك
المصيبه  لي ممكن شهر  فاحص  السيارة  اقولهم  كيف  عدة الفحص 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


القانون عندنا بالمزاج

لو اني مكانك كنت دفعت 100 ريال واحتسبتها عند ربي


up 6 down 0
أبو عبادة 4852
قبل 6 سنه و 4 شهر



الله يعينك قوية اروح اتمرمط واجيب خطاب من الشركة والشغلة ١٠٠ ريال وحتى الشركة ممكن يقولوا مالنا شغل بالشي هذا


up 1 down 0
أأبو نوااف 1641
قبل 6 سنه و 4 شهر



توك تدري ان ربعنا يحبون الدراهم

انا صار معي شخصيا واتحاسب على كلمه اقولها عند ربي

دخل موقع المرور يقولون 02 ماهو ممنوع التظليل 

هذا كلام موقعهم ويوم ظللت قعدت شهر ويوقفني تفتيش

اقوله ياادمي موقعكم كاتب 02 عادي 

يقولي لا التظليل الامامي مخالف 

وبالموقع مكتوب مسموح 

هيا من نصدق الحين

المهم اني سددتها واني منغبن 

وكانت ااول مخالفه لي حسبي الله عليهم 


up 1 down 1
amear 1347
قبل 6 سنه و 4 شهر



و عليكم السلام و رحمة الله و بركاته .

الزينون ممنوع ..

بس فيه نوع ممو ممنوع اعتقد يسموه ( غازي ) >> و هو اللي يجيك في اغلب السيارات من الوكالة 
وتقدر تركبه من محلات الزينة . 
يعني زيه زي التظليل   فيه نوع ممنوع ونوع عادي اللي هو العازل حق الشركات .. الغالي :)


up 0 down 5
w1w1 2206
قبل 6 سنه و 4 شهر



الحين الصح تضليل ولا تظليل ؟؟

ترى جد سؤالي ما اتتريق .


up 4 down 3
w1w1 2206
قبل 6 سنه و 4 شهر



وعليكم السلام ورحمة الله وبركاته 

صحيح كلامك للأسف المرور ما يحطون في الميدان إلا عسكر أغبياء وجاهلين ومتخلفين ، المفروض 

العسكري من البديهي أن يعرف أن هذه السيارة أو تلك الزينون المركب فيها هو تركيب شد بلد من عدمه

يعني خلاص إذا عرفت أن طراز السيارة هو لكزس أياً كان فئتها وموديلها من فوق 2000 من المنطقي

والبديهي أن الزينون المركب فيها من المواصفات الأساسية ، يعني ما رايح أكلم صاحبها عن الزينون 

نهائياً ، لكن لو لاحظت سيارة صغيرة مثلاً اكسنت أو يارس أو سيارة ونيت هايلوكس أو ددسن ومركب 

صاحبها زينون أعرف تلقائياً أن الزينون إلي فيها مركب تركيب عن طريق محلات الزينة وبحسب 

تقديري للحالة إذا وجدت أن النور مشتت ومجهر للعين أوقف صاحبها ومخالفة ، المفروض العسكر 

إلي يوقفون في الميدان لا يمكنون من العمل الميداني إلا بعد تلقي دورات عن أساليب مقابلة الجمهور 

وتعريفهم بأنواع السيارات وما يتوجب فيه مخالفات من عدمه ، أنا أرى أن تتصل على حقوق الانسان 

بالأمن العام وتشرح لهم السالفة كاملة ووقت وتاريخ حدوث الواقعة وأسم العسكري وخويه إلي أعطوك

المخالفة إذا تمكنت من معرفة أسمائهم ، واتوقع إنشاء الله ينصفونك منهم ، والله أعلم .  


up 1 down 0
رعد 4 3254
قبل 6 سنه و 4 شهر



تضليل 
وعشان تفرق زين بكل الكلمات 
انطقها بالمصري 
تزليل = تضليل 
معرز = معرض 
بالمصري الضاء تنطق زاء 
واللي تكتب ظاء تكتب بالمصري ذاء 
نذافة = نظافة 
ذرف = ظرف 



اتمنى اني افدتك 



up 4 down 13
ابو فرح مازدا 538
قبل 6 سنه و 4 شهر



الكلمة الصحيحه تظليل 
ماخوذه من كلمة ظل.. وهي الصحيحه

اما تضليل معناها ثاني 
ضل.  ضل عن طريقه.. او ضلالا 
وتضليل. تضليل عن الحق وماشابه 




up 14 down 0
al_orainy 56
قبل 6 سنه و 4 شهر



شكرا لك يا العريني على المعلومة الحلوة 
اضافة للثقافة العامة 

بس الرجال يسال عن الاملاء 


up 2 down 1
ابو فرح مازدا 538
قبل 6 سنه و 4 شهر



يبوي 100 بسيطة اعطيتها ولا فكرت فيهم اما عسكري الله لايوفقه لافدنيا ولا ف اخرة معطيني مخالفة من دون م ادري 
اجراء تعديل ع هيكل المركبة ب500 وسيارتي شد بلد ماني مبرز ولا سادحها ولا شي


up 0 down 0
صهيب أحمد 31
قبل 6 سنه و 4 شهر



خل عنك اللي يقولون لك ميه ريال ادفعها وارتاح ﻻكن لو
تسكت اللحين بتجيك مخالفه ورا مخالفه ﻻ والله ﻻتوقف عند
الخطاب وانهم يشيلونها اشتك العسكري نفسه وخله يكون عضه
لغيره من بعض العسكر .


up 2 down 0
الشمري 1414 224
قبل 6 سنه و 4 شهر



العريني -- نواوت

يعطيكم العافية ع التوضيح 

أنا اأقصد من سؤالي ..في جميع الأحوال سواء نطق أو إملاء أو معنى

و اأعتذر من صاحب الموضوع ع المداخلة


up 1 down 1
w1w1 2206
قبل 6 سنه و 4 شهر



ما في اختلاف بينها وبين الضرائب .

تاخذ راتبك منها وتصرف عليهم بدال ما تستفيد منها ..



up 0 down 1
yazeed793 7884
قبل 6 سنه و 4 شهر



اجل اللي مركبها على سيارات عادية ومزعجنا بالتكبيس وش بيسون فيه 
من الافضل انك تركب زينون نفس الاصلي

وانا ما قد صارت معي لان الزينون اصلي وكالة 


up 0 down 0
amh2222 417
قبل 6 سنه و 4 شهر



ههههههههه انا قبل شوي مشيك على مخالفاتي ومتأكد ان عندي مخالفة وحدة بس

واتفاجأ بمخالفتين 

كيف لاتسألني 

شيكت على الموقع بالداخلية للاسف ما اعطاني نتيجة 
تاريخ المخالفه 04/25 
يعني لها اكثر من 3 اشهر وهي 300 متى نزلت ما ادري 
وكيف نزلت ما ادري
وليه نزلت ما ادري 
ووين نزلت ما ادري

يبي لهم شكوى 


up 0 down 0
xpoldx 1432
قبل 6 سنه و 4 شهر