لكزس ES 2015

تسألني عن الشكل 

ولا أفخم 

رايقة بمعنى الكلمة 

سمعت أن الشكل راح يتغير 
بس تأكد 

صراحه ماتستاهل انا اقلك مواصفاتها فتحه وكامير وجي بي اس وحساسات اماميه خلفيه ستاره و٤ سلندر ١٥٠ الف حطها ف امبالا فل كامل او افالون

سبحان الله والحمد لله ولاإله إلا الله والله اكبر 

في خيارات متاحه افضل من اللكزس 
صراحة مااعجبني شكلها احسه تقليدي ولا فيه اي ابتكار نهائياً .. 

دفع امامي ذي الكلمه تخليني اصرف النظر عنها


حرام تحط مبلغ كبير في سياره دفع امامي

يااخوان انا صامل بااذن الله اشتريها ، سياره خدومه ومستحيل يطيح سعرها وقطع غيارها متوفر

ياليت تجاوبوا على الاسأله الي بالموضوع الله لايهينكم لو على سؤال واحد منها

مارجعنا ورى الا امثال مستحيل يطيح سعرها 
انا اشتري سياره تناسبني ولا تناسب اللي بيشتريها اللي بعدي 
وش هالتخلف ؟؟؟! وش ضمنك انك مابتسوي حادث فيها طول فترة استخدامك وتروح تالف! 
وش ضمنك انك بتبيعها وهي سليمة والله ماخلى الشريطيه وحقين المعارض يلعبون على العالم الا هالاشكال ! 

بالنسبه ل 6 او 4 اكيد 6 سلندر افضل بكثير واريح للمكينة وعزمها احسن (مهو قصدي تسابق فيها) يعني تتجاوز او طلوع....

وخذ الشكل الجديد الي الشبك حقها نازل لتحت، والعروض دايم رمضان فيه عروض عالسيارات 

واخر شي قبل تشتريها استاجرها واستخير. 

هذي الي اقدر افيدك فيه يفيدونك الاخوان اكثر.... 

دامك وصلت للكزس أي اس فصراحه بنسبه لي ما اعجبتني شكلها الخارجي قبيح من وجهة نظري



خذلك جنسيس شكل احلا بكثير خارجيا و داخليا


ولو انا مكانك اخذتها لانها افضل الموجود بنسبه للي حولها بالفلوس ..

لاتاخذ لكزس es والله انا انغثينا منها من كثر مااشوفها في كل مكان اناميزانيتي في حدود150الف وافكر في اللكزس is250 اذاماشتريت سياره دفع رباعي

كان عليها عرض بالوكاله قبل كم اسبوع ب 136 الف ويقولون بالمعارض ب 133 الف والله معقول سعرها 

وممكن ينعاد العرض برمضان

والكاميرا ترا سعرها 100 ريال بالكثير وفيه على 70 ريال بالغرابي وترا الغرابي فيه محلات فخمه لا تحسب انها كلها المترديه والنطيحه

كل شيء تحصله بالغرابي 

ما انصحك بالاربع سلندر 
انا كنت اقول زيك انها مو مهمة القوة في سيارة فخمة 
بس المشكلة ١٨٠ حصان ما تنفع على سيارة بذا الحجم :(

بعض الناس لو يلقى علامة لكزس على حمار - اكرمكم الله
نوى يشتري حمار لكزس لو الحصان اقوى منه لكنه مهو لكزس

انا مثلك كنت ناوي على الاربع سلندر وترا عزمها ممتاز ومش بطال
لكن جربت الستة سلندر جدا رائع عزمها وقوتها وصرفت نظر عن الاربع والحمدلله مااستعجلت 
بالنسبة لفئة الca  قيمتها وكالة ١٤٦٤٠٠ وتعتبر استاندر الستة سلندر جلد وفتحة سقف 
والاربع سلندر نفس المواصفات ب136000

طبعا انصحك بالستة سلندر ويقولو الاخوان موجودة بريمي ب١٤٠ الف شامل كل شي  اضافة عن السعودي جناج ولمبات داخليه ليد لكن القزاز الامامي طبقة وحدة 
في معارض الرياض. 

صحيح الستة سلندر تستهلك وقود كثير وايضا تقيمها حسب مركز كفاءة الطاقة والتقييم الدولي للاستهلاك (سيئ جدا)

دفع امامي واربعة سلندر ادفع فيها 150 الف عشان علامة !!!!

بتقولون اني اكره اللكزس ولا متعصب لشركة ثانية اقول لك ريح عمرك اخوي ترى معه 2013 cc ستة سلندر بانوراما
واشياء واجده تنقص موتره ولا فيه مبرر يخلينا ندفع فيه 180 الف


ياحبيبي ياصاحب الموضوع لاتجلس تلعب على نفسك انا ماتهمني المكينة واهم شي فيه فتحة وكاميرا فكر بعقل شوي


الحين اشتري موتر بفوق 100 الف ركز 100 الف واهم ماعلي يكون في موتر فتحة وكاميرا خلفية


ياحبيبي هذي موجودة في سيارات ما تعدت 50 الف وانا بلكزس ابحث عنها عشان علامة


ليش ما اخذ لي موتر بكامل مواصفاته واستمتع بالفخامة مع قوة المكينة اللي تريحني في الخطوط لا حنه ولا ونه ولا طاعون


يعني الحين افوت الجينسس والافلون والكرايسلر هيمي 8 سلندر والتورس واشتري اربعة سلندر بقيمتهم
جعلك تاخذ ستة سلندر cc بانوراما مستعمل ولا تاخذ ذا جديد

بالتوفيق

مع احترامي ياصاحب الموضوع لكن كلام الاخ fx2y ينطبق عليك 100%

مارجعنا ورى الا امثال مستحيل يطيح سعرها
انا اشتري سياره تناسبني ولا تناسب اللي بيشتريها اللي بعدي
وش هالتخلف ؟؟؟! وش ضمنك انك مابتسوي حادث فيها طول فترة استخدامك وتروح تالف!
وش ضمنك انك بتبيعها وهي سليمة والله ماخلى الشريطيه وحقين المعارض يلعبون على العالم الا هالاشكال !

يعني اسألك بالله انت شاري السيارة عشان توديك وتجيبك صح ولا لا ؟؟؟ واكيد تبي ترتاح في مركب السيارة وتبي فخامة تستمتع فيها تبي قوة مكينة عشان ترتاح وانت ماسك الخط تبي شكل مبهر وفوق كذا فكر انت دافع 150 الف ركز على المبلغ يجيب لك ثلاث سيارات


تحطها في سيارة اربعة سلندر دفع امامي ماكلفتهم شي صناعتها ليه طيب ؟؟؟


وش اللي خدومه وتوفر قطع يعني الشركات الثانية او السيارات الثانية قطعها طلبية ولا ماتخدم من قال لك


فيه الف سيارة بقيمة اللكزس افخم منها منظر وافضل منها قوة بدي وافضل مواصفات وقيادة وبسعرها


ليش اروح ادفن نفسي في علامة وافكر في البيع بعد 5 سنوات انت ضامن تعيش بكره عشان تفكر بعد 5 سنوات متع نفسك واشتر الموتر اللي يطربك

وبعدين سالفة ذي انه مايطيح سعره يعني فرق بالله 5 الالف ريال يخليك تشتري موتر ساده او اقل مواصفات وبمكينة اربعة سلندر عشان خمس الالف بعد خمس سنوات وش يضمنك لاقدر الله ان الموتر ما يروح تالف وتقعد بها لنتاب اللي متعت عمرك ولا استفدت من فلوسك


انا بقول لك اياها اللكزس ومعنا وانا جربته وركبته مانقلت لك تجربة شخص ثاني ولا كلام ناس

اخوي شراه ب 180 الف بعد خصم البنك بحكم انه موظف فيه

والحين لو يدخله السوق وقف على 130 الف وبيتعب على ما يجيبها يمكن اقل يعني راحت 50 الف على الفاضي وين مسكت السعر فيه وبعد سنتين زيادة بيصير حده 80 الى 85 وزين ان جابها يمكن للسبعينات


لا تلعب على نفسك فكررر بعقل الف مررة وصحصح شوي اعرف وش انت تبي من الموتر

راجع ردودك ، بالتوفيق