لاصحاب اللكزس LX 570 ارجو الدخول

شف الكاتلوج هو اللي بيفيدك اكثر السيارات مش سوا تختلف زيوتها ودرجات اللزوجه

والوكاله محد يروحها صيانتهم ماعليها حسافه لاكن القطع خذ من الوكاله او موزع معتمد

وروح اي ورشه بلعكس في ورش افضل من الوكاله بمليون مره ...... ب التوفيق

الزيت استعمل زيت موبيل 0w40
او زيت تويوتا 5w40 تخليقي يمشيك 10 الاف اما زيت القير نصيحتي بدله بالوكالة ولاتوديه للورش يلعبون فيه ادفع 1000 ريال زياده بس اشتري راحة بالي من الورش يجون يتعلمون عليها ولاتنسى ترى سيارتك جيب لكزس مو اكسنت مستخسر 700 ريال او 1000 ريال فيها . انا هذه قناعتي بخصوص زيت القير لان عندهم المعيار الصحيح لهم او خرب شي الاهم يعوضونك وشف كم سيارة باليوم يغيرون زيت القير لها فهم متعودين وعارفين شغلهم ويضمنونه لك والضامن الله .

الزيت الموصى به حسب كتالوج السياره هو 5w30 .

أنا عندي 2012 له 3 سنوات عندي أغير له كاسترول ماجناتك أشتري كرتون من محلات الجمله ب 270 و أشتري الفلتر من أصلي و أغيره.عند العصيب ب 50 ريال

السلام عليكم اخواني 
بعد اذن صاحب الموضوع 
انا بشري لكزس 15 سبورت وحصلت لكن في نص علية كتابات سبورت ونص مافي ياليت تفيدوني هل هي تركب او تجي باي نوع او اي وكيل لاني بطلع من اليحيى لاهنتم

كلمة سبورت المتوبة تجي على الخليجي اما السعودي لا انا مشتري سبورت من جميل ماعليه كتابة ولكن ترى الكتابة صارت تجي جاهزة يسوونها بالغرابي