كيف يتم التعامل في الموقع

نصيحه يد بيد افضل بـ مليون مره ياخي شوف الموضوع الي تو منزله اخونا في الله يقول شاري جهاز على انه اصلي واتفاجأ انه تقليد انا رأيي التعامل يد بيد و الفحص

^^اخوي فيصل المشكله التعامل تم يد بيد

الحياة درس مافيه احد ماانغش بشي
في البيع والمشترا فتح عيون عقلك وليس عيون قلبك
والثقة الزايدة في البيع والمشترا تعتبر سذاجة
اذا نويت تشتري سيارة من الموقع وغيرة
قل للبايع ترا بدفعك قيمة الفحص اذا طلع
في السيارة عيب واضح من محركات وبدي
اذا شفته متردد سلم عليه وقلة مع السلامة

وباالتوفيق

حبيبي افضل شيء يد بيد ...د واذا ماتوفرت هالطريقة

الفع عند الاستلام في مكتب الشحن افتح ام الكرتون وافحص الشيء طلع مثل ماهو مكتوب وحسب الاتفاق كان بها طلع ابو كلب رجعته للمكتب وقلت ماني مستلمه .. وانزل موضوع هنا لعيونه وافضح ابو ابوهـ ... وسلامة فهمكم

صارت معي في موقع سوق دوت كوم وانا في مكتب الشحن فتحت كيس الشحن الا الجوال مغلف تغليف سامسونج ... ياحبي لزوجتي قالت لا افتح الكرتون تأكد من اللون والجهاز فتحت الكرتون الا طلعت المفاجأة جوال مهربد مكسر اللون زهري وغيره من المخالفات ...
فتحت الاعلان ووريت السوداني اللي في مكتب الشحن قال حسبي الله ونعم الوكيل في الحرامي ...
والقهر الكيس مكتوب عليه قابل للكسر ههههههههههههه وتم تعليق عضويتي هناكـ والشراء اصبح الدفع مقدم

والله العلي العظيم اني 
اشتريت رقم من شخص ب٧٠٠ ريال بدون مااشوفه وحولت له
واشتريت طابعه من شخص ب١٠٠ريال بدون مااشوفه وحولت له 
واشتريت صانعه قهوة من شخص ب١٥٠ ريال بدون مااشوفه وحولت له
واشتريت سياره من شخص ودفعت له عربون ب٢٠٠٠ ريال بدون مااشوفه وجابها لي لرياض 

وكلهم ورب الكون صدقو معي  وانا مااعرفهم ولا يعرفوني بس اني اتوكل الله 

وعندي مبدا بهالحياه اذا راح شي بهالدينا مايروح عند ربي 
ولا حتى اشتكي او شي اخليها عند ربي 

الحرص واجب صح الثقه مطلوبه بس خلك حريص