مواصفات لكزس

وعليكم السلام ورحمة الله وبركاته

تدور الراحه لا تاخذ جيب سواء برادو او جيب لكزس لا تتوقع انها مريحه 

بعدين عمرك 40 وتطالع للورعان بالشارع معاهم سيارات جديدة تتوقع مشتريها بتعب وجهد ومن راتبه

كلهم اعمارهم 19 و 20 متى امداه يجمع قيمتها كل واحد ابوه شاري له السياره

او عسكري توه خلص الدورة وطق قرض وراح اخذ سياره سنتين وتحصلها متهالكه ما يقدر حتى على قطع الغيار

واللكزس اللي تقول عنها اسعار قطع الغيار نار

وانت ما عليك من وقت البيع الكامري لها معك 7 سنوات وهي سياره عاديه

كيف لو سياره عليها الكلام اتوقع بتجلس 10 سنوات يعني لا تفكر بوقت البيع استمتع فيها وبعد 10 سنوات

تصدق فيها لا تبيعها حتى

انا اشوف لو محتاج سياره عائلية وعندك المبلغ اللي ذكرته تدور سياره فيه

خذ تاهو او يوكون جديد وخذ سياره صغيرة اكسنت او يارس 2008 خلها للدوام وطلعاتك لحالك

لا تهلك الجمس رايح جاي بكل مكان

او شوف لكزس 430 موديل 2005 تحصلها بحدود 60 الف تخدمك وقطعها حلوه ومريحه 

وتنفع للدوام و السفر وكل شيء

اما ما عندك بيت وتشتري سياره بمبلغ 168 الف سواء كاش او اقساط كثيرة 

اللي ما عنده بيت يفكر بسياره تمشي امورة ولا يمد يده لاحد افضل

شف لكزس es350 الله يفرجها عليك وعلى المسلمين اجمعين 

وعليكم السلام ورحمة الله وبركاته

وأنا مع كلام ابراهيم  خذلك تاهو 2009 واكسنت 2012 للدوام والمشاوير الشخصية
وكلها مع بعض ما توصل 100 األف

ياحبيبي يطق لكزس يكشخ بها هو سأل لكزس 12 او 13 والامريكي خوي الورش

اكسبدشن لا تدور غيره
رصاصي من تحت رصاصي غامق هههههههه
تمشي كانك ملك ورخيص

 




جــيـــر تـومــاتــيــك 




فـــتــحـــه سـقـف بـانـورامــا 




شــاشــه خرائــــط 




تـشـغـيـل عـن بـعـــد 




تـحـكــم بالـدركـســـون 




كــامـيــرا خـلـفـية
ســعــــر الـسـيــــاره : 159.000 بـطــاقـه جـمـركـيـــه 

http://haraj.com.sa/116856825/%D9%84%D9%83%D8%B2%D8%B3_350_ES_%D8%A8%D8%B1%D9%8A%D9%85%D9%8A_CC_%D8%AA%D9%8A%D8%AA%D8%A7%D9%86%D9%8A%D9%88%D9%85_2015_%D8%A8%D8%AF%D9%88%D9%86_%D8%B1%D8%A7%D8%AF%D8%A7%D8%B1_%D8%A8%D8%AF%D9%88%D9%86_%D8%B1%D8%A4%D9%8A%D9%87_%D9%84%D9%8A%D9%84%D9%8A%D9%87_/

اللكزس ٤٦٠ ما تصلح
غالية و غير عملية
اما بالنسبة لل ٤٣٠ صار موتر قديم و يحتاج صيانة كثير 
يعني ممكن تدق لك ١٥ الى ٢٠ الف صيانة حط في بالك

مخاوي مطرقه

430 لو كان نظيف وش اللي قديم ويحتاج صيانه

شرط تمر عليك سنه كاملة ما حطيت فيه ريال 

بعدين قطع غياره ارخص من es موديل 2007 وطالع

430 قطع غياره متوفره ورخيصة نسبيا وعملي وصيانته ماهي صعبه

جزاكم الله خير جميعا
الأخ ابراهيم التركي ما قصرت بس تراني ما ارغب الامريكي ابدا والسيارة ابيها الدوام على أساس الراحة
الأخ danger712 فعلا لا مقارنة مع ال لكزس وعرضك أفكر فيه
الأخ w1w1 نفس الشيء مالي نظر بالأمريكي
الأخ مناوئ الطرقة المطلوب جيب لا أكسيد ٥٧٠ وليس ال آس ٤٦٠

هههههههههههههههههه

اما مخاوي مطرقة

مخاوي الطرقة من جمع طريق


عموما



ال 430 النظيف غالي جدا


و هو موتر كفو بس



وين النظيف

اذا انت صامل على موتر خذ مني نصيحة اخ يحبك فالله انصحك بالجنسس 2015 سعرها 146 والنص فل 153 ابواب شفط

ما شاء الله فخامة راحة رساوة عزل مواصفات قوة ويسعر معقول اما الكزس غالي حتى اللكزس الصغير نص فل ب166 اغلى

طيب حتى لو تقول جنسيس كوري مافيه جودة زي الياباني ترى عليها ضمان مدة 5 سنوات مفتوح الكيلو يعني حتى تمشيها مليون

كيلو في اقل من 5 سنوات مايروح الضمان هذا دليل على انهم واثقين جدا من صناعتهم حتى افضل الشركات ما اعطت ضمان

زي كذا وترا عليها صيانة مجانية حتى مية الف كيلو صيانة شاملة كل شي اش شي يحتاج تغيير سواء فحمات او سيور او غيره

طبعا هذا غير الزيت والفلتر وش تبي احسن من كذا؟

والله يرزقك من حيث لا تحتسب وبالتوفيق

انا انصحك لا تطلع عن التويوتا
لانك متعود على انتشار و سهولة صيانتها
شف افالون او كامري جديدة للي مثل وضعك
و ان كان تبي جيب خذ كروس اوفر راف فور نفس مكينة و قير الكامري

الأخ أبو صلوح 911 سبحان الله الصباح وأنا رايح للدوام شفت جنسس وقلت والله حلوة وفخامة ولا أروع بوركت والله يرضى عليك
الأخ ابو نجوى صحيح أن التويوتا قوية لكن المقصد أن الواحد بعد سنوات طويلة طفش من العايدي ومشاويره زادت ويبي يطور ولا تنسى ولا يهونون الأخوان أن فيه شي أسمه
(متعة القيادة) وهذا مجرب ياخي أحيانا تلاحظ أنك تروح مشاوير تطفش بسرعة وتزهق منها وتلاقيك تركب مع أحد تحس أن نفس الطريق سهل وبسرعة وصلت وهذا يرجع للراحة في المقصورة الداخلية والتجهيزات
ربي يوفقك