أضف سؤال أو موضوع جديد          

مواصفات لكزس

up 3 down 2
ابو عبدالله الأول 260
قبل 6 سنه و شهر



السلام عليكم ورحمة الله وبركاته
يا اخوان سيارتي كامري موديل ٢٠٠١ قير عادي لها معي ٧ سنوات ما شاء الله ما بقى شي ما صلحته وإلا غيرته وصراحة تعبت من المشاورير والخطوط والعمل بعيد وأب لي سيارة تكون مريحة وكبيرة وفيها فخامة وفكرت بكل السيارات اللي تتوقعونها وكلها غالية كان في بالي جيب هونداي سانتا في الطويل ١٣٠ ريال بس تخوفت من سقف البانوراما هذا غير مشكلة تانكيه الصغير وبعدين قلت برادو اقل من الفل كامل ١٦٨ ريال ولكن ما فيه اي فخامة حتى الزينون ما فيه ويشتكون من قساوته طبعا كلهم جديدة ومن يومين أفكر وأقول انا طول عمري ما ملكت سيارة عليها القيمة وصل عمري ٤٠ وانا للحين على الكامري اللي حتى الشباب المراهقين معهم سيارات وكالة وضاق خاطري وقطتني الغلقة وكنت مخطط اشتري بيت لكن حلم بهالوقت احد يشتري بيت
 واخيرا دقت براسي لكزس ٢٠١٢ او ٢٠١٣ على أساس الماركة والراحة والفخامة وثبات السعر وقطع الغيار 
وش رايكم وش تنصحوني فيه بارك الله فيكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

تدور الراحه لا تاخذ جيب سواء برادو او جيب لكزس لا تتوقع انها مريحه 

بعدين عمرك 40 وتطالع للورعان بالشارع معاهم سيارات جديدة تتوقع مشتريها بتعب وجهد ومن راتبه

كلهم اعمارهم 19 و 20 متى امداه يجمع قيمتها كل واحد ابوه شاري له السياره

او عسكري توه خلص الدورة وطق قرض وراح اخذ سياره سنتين وتحصلها متهالكه ما يقدر حتى على قطع الغيار

واللكزس اللي تقول عنها اسعار قطع الغيار نار

وانت ما عليك من وقت البيع الكامري لها معك 7 سنوات وهي سياره عاديه

كيف لو سياره عليها الكلام اتوقع بتجلس 10 سنوات يعني لا تفكر بوقت البيع استمتع فيها وبعد 10 سنوات

تصدق فيها لا تبيعها حتى

انا اشوف لو محتاج سياره عائلية وعندك المبلغ اللي ذكرته تدور سياره فيه

خذ تاهو او يوكون جديد وخذ سياره صغيرة اكسنت او يارس 2008 خلها للدوام وطلعاتك لحالك

لا تهلك الجمس رايح جاي بكل مكان

او شوف لكزس 430 موديل 2005 تحصلها بحدود 60 الف تخدمك وقطعها حلوه ومريحه 

وتنفع للدوام و السفر وكل شيء

اما ما عندك بيت وتشتري سياره بمبلغ 168 الف سواء كاش او اقساط كثيرة 

اللي ما عنده بيت يفكر بسياره تمشي امورة ولا يمد يده لاحد افضل


up 4 down 2
ابراهيم التركـي 1068
قبل 6 سنه و شهر



شف لكزس es350 الله يفرجها عليك وعلى المسلمين اجمعين 


up 4 down 1
danger712 19
قبل 6 سنه و شهر



وعليكم السلام ورحمة الله وبركاته

وأنا مع كلام ابراهيم  خذلك تاهو 2009 واكسنت 2012 للدوام والمشاوير الشخصية
وكلها مع بعض ما توصل 100 األف


up 1 down 1
w1w1 2206
قبل 6 سنه و شهر



ياحبيبي يطق لكزس يكشخ بها هو سأل لكزس 12 او 13 والامريكي خوي الورش


up 1 down 1
danger712 19
قبل 6 سنه و شهر



اكسبدشن لا تدور غيره
رصاصي من تحت رصاصي غامق هههههههه
تمشي كانك ملك ورخيص


up 1 down 6
i6rb_ 160
قبل 6 سنه و شهر



 




جــيـــر تـومــاتــيــك 




فـــتــحـــه سـقـف بـانـورامــا 




شــاشــه خرائــــط 




تـشـغـيـل عـن بـعـــد 




تـحـكــم بالـدركـســـون 




كــامـيــرا خـلـفـية
ســعــــر الـسـيــــاره : 159.000 بـطــاقـه جـمـركـيـــه 

http://haraj.com.sa/116856825/%D9%84%D9%83%D8%B2%D8%B3_350_ES_%D8%A8%D8%B1%D9%8A%D9%85%D9%8A_CC_%D8%AA%D9%8A%D8%AA%D8%A7%D9%86%D9%8A%D9%88%D9%85_2015_%D8%A8%D8%AF%D9%88%D9%86_%D8%B1%D8%A7%D8%AF%D8%A7%D8%B1_%D8%A8%D8%AF%D9%88%D9%86_%D8%B1%D8%A4%D9%8A%D9%87_%D9%84%D9%8A%D9%84%D9%8A%D9%87_/


up 0 down 1
danger712 19
قبل 6 سنه و شهر



اللكزس ٤٦٠ ما تصلح
غالية و غير عملية
اما بالنسبة لل ٤٣٠ صار موتر قديم و يحتاج صيانة كثير 
يعني ممكن تدق لك ١٥ الى ٢٠ الف صيانة حط في بالك


up 0 down 1
مخاوي الطرقة 394
قبل 6 سنه و شهر



مخاوي مطرقه

430 لو كان نظيف وش اللي قديم ويحتاج صيانه

شرط تمر عليك سنه كاملة ما حطيت فيه ريال 

بعدين قطع غياره ارخص من es موديل 2007 وطالع

430 قطع غياره متوفره ورخيصة نسبيا وعملي وصيانته ماهي صعبه


up 0 down 1
ابراهيم التركـي 1068
قبل 6 سنه و شهر



جزاكم الله خير جميعا
الأخ ابراهيم التركي ما قصرت بس تراني ما ارغب الامريكي ابدا والسيارة ابيها الدوام على أساس الراحة
الأخ danger712 فعلا لا مقارنة مع ال لكزس وعرضك أفكر فيه
الأخ w1w1 نفس الشيء مالي نظر بالأمريكي
الأخ مناوئ الطرقة المطلوب جيب لا أكسيد ٥٧٠ وليس ال آس ٤٦٠




up 1 down 0
ابو عبدالله الأول 260
قبل 6 سنه و شهر



هههههههههههههههههه

اما مخاوي مطرقة

مخاوي الطرقة من جمع طريق


عموما



ال 430 النظيف غالي جدا


و هو موتر كفو بس



وين النظيف


up 1 down 0
مخاوي الطرقة 394
قبل 6 سنه و شهر



اذا انت صامل على موتر خذ مني نصيحة اخ يحبك فالله انصحك بالجنسس 2015 سعرها 146 والنص فل 153 ابواب شفط

ما شاء الله فخامة راحة رساوة عزل مواصفات قوة ويسعر معقول اما الكزس غالي حتى اللكزس الصغير نص فل ب166 اغلى

طيب حتى لو تقول جنسيس كوري مافيه جودة زي الياباني ترى عليها ضمان مدة 5 سنوات مفتوح الكيلو يعني حتى تمشيها مليون

كيلو في اقل من 5 سنوات مايروح الضمان هذا دليل على انهم واثقين جدا من صناعتهم حتى افضل الشركات ما اعطت ضمان

زي كذا وترا عليها صيانة مجانية حتى مية الف كيلو صيانة شاملة كل شي اش شي يحتاج تغيير سواء فحمات او سيور او غيره

طبعا هذا غير الزيت والفلتر وش تبي احسن من كذا؟

والله يرزقك من حيث لا تحتسب وبالتوفيق


up 1 down 2
أبو صلوح 911 131
قبل 6 سنه



انا انصحك لا تطلع عن التويوتا
لانك متعود على انتشار و سهولة صيانتها
شف افالون او كامري جديدة للي مثل وضعك
و ان كان تبي جيب خذ كروس اوفر راف فور نفس مكينة و قير الكامري


up 0 down 3
أبو نجوى 2442
قبل 6 سنه



الأخ أبو صلوح 911 سبحان الله الصباح وأنا رايح للدوام شفت جنسس وقلت والله حلوة وفخامة ولا أروع بوركت والله يرضى عليك
الأخ ابو نجوى صحيح أن التويوتا قوية لكن المقصد أن الواحد بعد سنوات طويلة طفش من العايدي ومشاويره زادت ويبي يطور ولا تنسى ولا يهونون الأخوان أن فيه شي أسمه
(متعة القيادة) وهذا مجرب ياخي أحيانا تلاحظ أنك تروح مشاوير تطفش بسرعة وتزهق منها وتلاقيك تركب مع أحد تحس أن نفس الطريق سهل وبسرعة وصلت وهذا يرجع للراحة في المقصورة الداخلية والتجهيزات
ربي يوفقك