طريقة شراء سيارة من خارج المملكة ؟؟

علی ما اعتقد والله اعلم
انك تشتريها من هناك وتدخلها السعوديه وانت تسوقها
هي لها طريقه بس بدل الفلوس الي بتحطها في السفر وكذا والتعب وتدور عقد اجار امارتي وما امدري ايش
بتكون كانك مشتريها من هنا بنفس السعر
دور هنا ووان شاء الله تلاقي النظيف

لازم تكون عندك بطاقه سكنيه هناك ، تطلعها بمبلغ وقدره ثم تسجلها باسمك وتدخلها هنا ب لوح الامارات وامورك تمام بس ماتقدر تبيعها وتجدد الاستماره الا في الامارات فقط 

شوف انا مره حصلت واحد هنا بالموقع قال ادخل لك السيارة 
وبطاقه جمركيه باسمك واصله لبيتك ب٥٠٠٠ غير الرسوم الجمركيه
وضيعت رقمه للاسف

الطريقه اللي قالك اياه رد ٢ 
تحصلها هناك يطلعونها ب٥٠٠ مدري ١٠٠٠ درهم
وتدخل بها طبيعي جدا بس التجديد والبيع هناك
وان بعتها هنا ترى احتمال يستدعيك الانتربول 
مثل ماحصل لزوج خالتي وهو كويتي الجنسيه
باع سيارته لواحد من ربعه وسيارته جمس 
وبعد فتره اللي من ربعه باع الموتر 
وراح الموتر من واحد لواحد الين اخرتها وقف ف التشليح بلوحاته
وشافتها الحكومه وسوو له استدعاء بالانتربول 
وكلموه المباحث بالكويت وراح لهم وقالوا له عن السيارة ومع مين
وذكر لهم ماحصل من بيع 
واخرها بصم ان ماعليها اي مشكله او استخدمت في امور غير شخصيه
ومن هالكلام 

فاحرص انك اذا شريتها ماتبيعها الا هناك عشان مايلحقك شيء فقط

أخوي قبل كانت سهلة تجيبها من الإمارات الآن تعدل الوضع إلى الأصعب أصبح من شروط البطاقة السكانية عقد زواج أو عمل أو رخصة تجارية
سابقا عقد إيجار يكفي :(

ايش اللي عاجبك فيها اغلب سيارات الامارات سكراب امريكا تتظبط و تترش و تتباع و النظيف عندهم
نفس النظيف عندنا في السعر و الشريطيه ماكلين السوق هناك مثل عندنا و اخس لان عندهم ورش محترفة
اكثر من اللي عندنا عشان كذا يسهل الغش

الله يجزاكم الخير ياخوان ماتقصرون الله يعطيكم العافية ويسهل دربكم 

شوف موضوعي استيراد سيارات من الامارات

طيب ياشباب واحد قلي اذا اشتريت سياره من الامارات وجبتها هنا واسستخدمتها ٦ شهور تقدر تاخذ ورقه من الجمارك وتحولها هلا كلامه صحيح ولا ؟؟؟

طيب ياشباب واحد قلي اذا اشتريت سياره من الامارات وجبتها هنا واسستخدمتها ٦ شهور تقدر تاخذ ورقه من الجمارك وتحولها هلا كلامه صحيح ولا ؟؟؟

من سابع المستحيلات يا اخ عبدالله انك تحولها