استفسار بخصوص IS 350 F 2015 عند عبد اللطيف جميل

اخوي نسخة is f رياضية بحتة يعني رياضي كامل من مساعدات وكراسي (حشوة الكراسي) والكت تبع السيارة 
وانخاض السيارة عن مستوى الارض 

اما نسخة ال CC فهي لا نص نص 

من ناحية انها ما تستاهل السعر فهي ما تستاهل ابدا ابدا ابدا 

فيه بدائل افضل و اجود بكثير

 عندك الالماني  كمثال المرسيديس E250 حول سعرها و اودي A6  وعندك بي ام الفئة الخامسة ب 170 الف

والأمريكي كابريس رويال . و  دودج تشارجر SRT . و كلايزلر SRT 

 اذا تبغا باب واحد عندك فورد موستنج . شيفورليه كمارو . دودج تشالنجر ( اذا الميزانية تسمح خذ الهيل كات 707 حصان)

من الكوري الجنيسيس جميلة وفخمة وقوية اذا اخذت ال 8 سلندر 420 حصان 

وكل ذي السيارات من وجهة نظري افضل واجود و حول سعر اللكزس او ارخص وتوفر الباقي بجيبك

السلام عليكم..

لا ماتحتاج سعرها والسبب التالي..

من بعد 2012 جات هذي السياره 
بمسمى 350 إف - أي مجرد كيت إف

السياره هذي نزلت بأعداد نادرة وقليلة في سنة
2010 - 2011 - 2012 
بأسم IS-F بماكينة 8 سلندر و 420 حصان ( عدد الاحصنه اربعمئه ولا اعلم عن الكسر ولست متأكد)
وكانت بـ كت رياضي وجنوط مختلفه ومنخفضه وتصميم داخلي مختلف وقوية جدا جدا اقوى من تشارجر SRT8

وطبلونها 300 وحاجه وعدادها مختلف وكل شي 

ويوجد منها حبات وصيدات للبيع واسعارها عاليه والمطلوب عالي ..

اما من 2013 نزلت السيارة بنفس الاسم 
ولكن بماكينة 350 و مجرد كت ( زيك زي اللي مشتري مارسيدس 300 ومغير كت AMG) 

يعني بالكثير لا تاخذ الاف خذ الفل من وجهة نظري بعد 

من وجهة نظري هذي الفئة السيارات السيدان الصغيره مافيها بدائل كثير اذا بنقارن فأنا اشوف اللكزس هذي حلوه 
اما اذا من ناحية سعر ماني عارف الاسعار بالظبط سواءا سعرها او سعر باقي السيارات ولا كان افدتك بالبدائل

ولكن انا احسها اعتمادية نوعا ما وشبابية يعني..

و هذي هي تجربه للأي اس اف موديل 2012 
اللي اقصده لك واحس حرام احد يشتري آي اس اف 
من بعدها..

http://www.youtube.com/watch?v=kDJJ5wWlGyA

الظاهر يفرق بعد بالصوت عن العادي
لكن اشوف فئة cc مناسبة 
ورهم الواجهة لشكل f ووفر على نفسك
بيكفلك تقريبا 4500 شغل وكاله 

فئة f تختلف في أشياء كثيرة عن dd الي هيه الفل كامل .

الf تجيك طابلون LFA وكذلك مراتبها واضف عليها تقنيات كثثثيييير أهمها وهي ميزة تتحدى فيها سيارات لكزس جميع الشركات هي DHL<<<<< ماني متأكد من الصيغة وهي انعطاف العجلات الخلفية


وليست موجودة سوى في فئة الF


بالنسبة للعضو SO71 فكلامة هو الصواب ان فئة الF من 2012 ونازل افضل واقوى ومكينتها 8 سلندر ... ولكنها نادره واسعارها خيال

افضل اجابه على اسئلتك من ناحية المواصفات ستجدها بالوكاله لا تضع نفسك بين ضنون الناس 

ماتلاحظ ان السياره صغيره مرررررررررررررررررره وقيمتها اكبر من حجمها

عندك الباسات CC روح شوفها
ارخص واكبر حجم واقوا وافخم وصناعه المانيه

السياره موجوده عند اخوي بصراحة صغيره من الداخل وقيمتها تاخذ فيها سياره اكبر وافخم مثل لكزس gs350 2014 مستخدم نظيف
وبالتوفيق لك

وعليكم السلام


اخوي السيارة تجي بكامل المواصفات مثل ما ذكرت من عدادات و كت و ساوند سستم و تصميمها جدا حلو
و شبابي و رياضي

لاكن عيبها الاول صغر المساحة فيها لدرجة ان المقاعد الامامية مافيها غير حامل اكواب واحد فقط
و السيارة من الخلف اعتبرها كوبيه لضيق المساحة

و الشي الثاني اللي اشوفه فيها طبعا ماهو عيب لاكن بنسبة لي يعيب السيارة او الفئه اللي انت تبغاها

يعني اللكزس ذا ارخص نوع و الاستاندر ب 120 جديد و ما يفرق من الخارج غير جنوط و زوائد حتى ماهو كت
و الاستاندر مالي الشوارع كانها كامري

طبعا عشان الاسباب هاذي انا ما اشوفه مناسب

انا ارشحلك جي اس 350 و حط عليه 10 الاف كت جي اس اف يطلع بطل لانها نفس المكينة
او ممكن تشوف الكرايسلر اس ار تي بلاك ايديشن برضو حلو

و عندك الكاديلاك الجديد حلو
و الانفنيتي الجديد
على العموم هو في النهاية راجع لذوقك روح الوكالات و اركب كل سيارة و شوف ايش اللي يعجبك
و لا تستعجل فلوسك تجيب لك شي طيب

الانفنتي ابعد عنه وانت بخير تراني
مجربه مجرد شكل ومكياج.. 

وبعد الاستعمال ودك تشب فيها حريقه 
اللهم بلغت اللهم فشهد من كل النواحي سيئة 

اتركك من الامريكي بعد كبير وماحيناسبك 
شوف الكاديلاك ATS مرا حلوة ونفس الحجم والقوة لا وافخم بعد واندر
وعندك الفولكس ويجن باسات جميلة والاودي الصغيرة والمارسيدس سي و البي ام اصغر شي 

هذولا هم تقريبا من فئه وحده 
الانفنتي ابعد عنه 

واحد من الاعضاء يقولك التفاف كفرات.

حبيبي هيا هيا الـ350 فل فكو جنوط النجمه وركبو جنوط مكحله 
فكو الصدام الامامي وركبو صدام اف 
فكو الطبلون ركبو طبلون ال اف اي 

مافي اي تقنيات او اختلاف ابدا!!
هيا هيا