أضف سؤال أو موضوع جديد          

المكيف يفصل والسبب غطاء الرديتر

up 14 down 6
أأبو نوااف 1640
قبل 4 سنه و 2 شهر



السلام عليكم 
مساء الخير
الكثير منا تواجه مشكلة بسيطة في سيارته ويتجه لإحدى الورش و
ويسمع الكلام من اول ورشة ويخسر مبلغ وقدره وبالاخير لم تنته
المشكلة

معي لكزس es وكانت فيها مشكلتين الاولى المكيف يفصل 
كل مابين فترة وفترة يفصل 10 دقائق ويشبك من حاله والمشكلة
الثانية ماء الرديتر ينقص بإستمرار وأخذت لفه على قوقل وبسببها
قدرت اربط بين نظام التبريد وفصلة المكيف وكان المويا ينقص
بإستمرار مما زاد شكوكي من غطاء الرديتر وصار هو المتهم 
الاول المهم سافرت وكانت ناوي امر ع الوكالة ولكن للأسف تأخرت
الى بعد العشاء وكانوا مسكرين وقلت ع النهدي ولا لقيت عنده 
غطاء لكزس واخذت منه غطاء كامري وكان نفس غطاء اللكزس 
لكن تختلف قوة الظغط لكن قلت اخذ كله 45 ريال إن ضبط كان بها 
وإن ماضبط اخذ حق اللكزس من الوكالة واللي صار انه ماضيط
فإتجهت بعد اسبوع لمجمع وؤش العقيق بالمدينة وطلع مافي 
اي تهريب الحمد لله ولكن للأسف مريت ع واحد سعودي على 
طول شطح وقالي غير الرديتر من غير مايفهم المشكلة اصلا 
ويتكلم بلهجة الواثق جدا ولا اقتنعت بكلامه ورحت بواحد يمني
المهم قالي فك الكبوت وشيك عليها وقال مافي اي تهريب 
فصل اللي اللي من الرديتر الى القربة واللي لاحظته ان المويا
يطلع من الرديتر الى القربة مما يدل على ضعف الضغط بغطا 
الرديتر المهم وع الوكالة واخذ الغطاء ب 69 ريال حسب 
رقم الهيكل والحمد لله انتهت مشكلة المكيف ومشكلة 
نقص المويا والفائدة من الموضوع اذا واجهت مشكلة 
اولا    اتجه لقوقل ففيه من التجارب والخبرات الشي الكثير
ثانيا    مر ع اكثر من ورشة لان بعضهم سباكين درجة اولى
ثالثا    حاول تبدأ بالاسهل فالاسهل 
رابعا   القطع الحساسة واللي تحتاج دقة حاول تأخذها من الوكالة 
برقم الهيكل
واخيرا تقبلوا اطيب تحياتي / أخوكم نايف الحربي








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اهنيگ على تتبع المشكله خطوه بخطوه وانك ما تأخذ بكلام اول واحد يشخص المشكله ،، وفعلاً ممكن تلاقي بالشبكة العنكبوتيه حلول كثيره لبعض المشاكل صادفت ملاك السيارات ويوفرون الوقت و الجهد عليك ،،


مشكور لطرحك الجميل،،


up 1 down 1
panamira 1885
قبل 4 سنه و 2 شهر



مشكور ع مرورك الاجمل ياغالي


up 0 down 1
أأبو نوااف 1640
قبل 4 سنه و 2 شهر



قوقل عالم زي مصباح علاء الدين 


up 1 down 1
ابو سلمى المحاسب 163
قبل 4 سنه و 2 شهر



بالتوفيق يابو نواف كلام صحيح إبدأ بالأسهل لعل المشكله تكون منه وبعدها تطرق للأصعب أعرض السياره على أكثر من ورشه

حتى يترجح الكلام عن المشكله الحقيقيه وتفتك من الخساير. وفك وتغيير أشياء لاتخص المشكله


up 2 down 0
ابــو ســنــد 10635
قبل 4 سنه و 2 شهر



ما شاء الله شغال مباحث ههههههههههه كلامك عين العقل ويعطيك خيرها ويكفيك شرها


up 1 down 0
ابوخلوودي1 5046
قبل 4 سنه و 2 شهر



رابعا اطرح تجربتك ليشاهدها ويستفيد منها الاخرين


up 1 down 0
wael1990 92
قبل 4 سنه و 2 شهر



أبو سند شكرا لمرورك والله يوفقك
ابو خلودي جزاك الله خير
وائل وابو سلمى مروركم زاد الموضوع رونقا وجمالا


up 0 down 0
أأبو نوااف 1640
قبل 4 سنه و 2 شهر