لكزس 350 ES 2015 الفئة النادرة EE

نغس مواصفات DD 

سعرها جدا جدا جدا غاالي عشان جنوط غير ومراتب اوف وايت وتحديد مسار وتنبيه الخروج عن المسار تبريد تسخين مراتب خلفية سعر ٢٢٢٠٠٠ 

اطقلي مرسيدس e class ٢٠١٥ بذا السعر ارسم واجمل وافخم والماني اهم شي شف الدوريات ماشاء الله 

السعر غالي حبتين احس فيها زود ع الاقل 30 الف والاخ بنز لوفر ترى ياغالي مااحد ينكر ان المرسيدس افخم من اللكزس es لكن من ناحية اعادة البيع ومن ناحية الصيانة والجودة العامة للسيارة اللكزس افضل بكثير وفيه ناس ماتهمه اعادة البيع ولاتهمه الصيانة والعكس صحيح 

ابونواف لاتحاول انك تبرر غلاوة السعر في سعر اعادة البيع الخ ...

هذا الكلام غير صحيح وماخذو غيره


يعني عبداللطيف لما حطه ب 220 الف قال عشان جدوته ولا عشان بيجيب لهم قيمة عند البيع ، مادرا عنك


والواقع يقول ان 220 الف ما تحطها في سيارة مكينتها نفس مكينة الافلون وقيرها ودفع امامي ماتكلف شي عشان شوية مواصفات اضفتها هي من الاساس فيها ، يعني الرادار والشنطة الكهرب الخ موجودة في الخليجي ونفس سعرنا يعني ما تحس انه ملعوب عليك لما تشتري هذا


وبعدين الب ام 730 ب 250 الف صيانة مجانية حتى 100 الف شكل لايمكن اني اقارنه فيه مركب أمان ثبات كلها افضل


لا تدافع سعره عالي جداً ولا يستاهل كل هالمبالغ ، وبعدين وشي الجودة اللي تتكلم عنه وش قصدك ؟؟؟ هل تقصد جودة مكاين هل تقصد جودة محركات


ولعلمك قطع اللكزس حتى وهو es نفس قطع اسعار البي ام واخوي يمتلك 2013 وسأل عن قطعه ولي زميل يمتلك 730 2010 سعر الفحمات واغلب القطع نفس بعض او مقاربه وشلون تقول افضل ؟؟؟


راجع ردودك

انا ما اقول الكلام هذا لأني اكره اللكزس لكن للأسف البعض يعطيه اكبر من حجمه لأنه يشوفها سيارة الحلم له

اخوي غير فحماته على 40 الف او 45 الف وماكمل سنة ونص واغلب الممشى هذا خط يعني ما استهلك الفحمات ودوامه قريب من البيت وانا اعرف اخوي لا يهدي بقوة ولا يلحم في الناس رجال كبير وفاهم وبدت تصرصر عنده الفحمات وتحتاج خرط هوبات يعني هل يعقل 2013 يدخل ورشة فحمات امامي وخلفي وخرط هوبات ؟؟؟

ليش مسمينه لكزس وهو فحماته نفس الكامري ونفس مدى صبرها الخ ... ولين قلتوا قلتوا عشان ارخص تركب حقت كامري ، هذا دليل انه يشترك مع الكامري في اغلب القطع ولا تلكفوا على صناعته

يااخوان المواصفات هاذي موجوده عند البازعي بالضبط ١٩٧ الف من اول ما نزلت وهو جايبها 

لايكثر بس قطع البي ام نار اللكزس رخيصه ولا يعني انت احسن من الناس 

طيب فيه اسلوب افضل من الطريقة اللي انت تكلمت فيها

انا ما اعتقد في كلامي قلت اني احسن من الناس ولا عمري نظرت للنظرة هذي الحمدلله وكلن يتمنى يركب سيارة فخمة وتليق له

ما اقول الا الله يهديك ، عمر النقاش بينا يا اعضاء المنتدى ما يوصل لألفاظ السب والشتم وكلام الاستراحات

ابراهيم كلامك فيه شي زن الصحة لكن انا يوم تكلمت هن الجودة وعن سعر اعادة البيع كنت ارد على ينز لوفر يوم يقول اطق مرسيدس بهالقيمة 
عشان كذا قلت المرسيدس افضل لك ماتصلح لكل واحد تخيل شخص عادي ياخذ مرسيدس او يس ام وهو على الراتب وبعد خمس سنوات يبيعها بخسارة
200 الف علشان كذا الكزس يتفوق على المرسيدس ببساطة الصيانة وبسعر البيع بعد الاستخدام 
وكلن وظروفه

على فكرة اكثر ثلاثة افخم ماركات مبيعا حول العالم هي المرسبدس والبي ام وأودي ترى هنا بالسعودية فقط لكزس يمسك سعره لان ابو جميل مو مقصر مع الشعب

والله إني أنصح كل شخص يُقدم على شراء سيارة وكالة وخاصة من عبداللطيف جميل .. فليذهب الى معارض السيارات يجد الخليجية ارخص بفارق 40 الف ريال عن السعودي
وانا اقولها لكم من واقع تجربة عندما بحثت العام الماضي عن لكزس كامل المواصفات موديل 2014 لكزس es cc وجدت الاسعار متفاوتة عن عبداللطيف جميل تبدأ من 170 ألف وانت نازل واقل سعر حصلته بعد البحث والدوران هو بـ 154 الف ريال بدون رسوم اللوحات والتأمين و155ألف برسوم اللوحات والتأمين أعتقد في معرض العمر بالنسيم نفس المواصفات اللي بالوكالة جناح وتحكم خلفي وبانوراما وكاميرا خلفية واللون لؤلؤي والداخلي سكري واصفااار بغباره واكياسه .. والوكالة كانت تبيعه بـ181 ألف .. فلما سألت المعرض ليش الوكالة غالي وانتم ارخص قال لان الوكالة سعودي وهو مرغوب في السوق واللي عندنا خليجي ولا يفرق عنه مسمار واحد .. وفوق هذا الخليجي يضمنه عبداللطيف جميل 3 سنوات ضمان دولي او 100,000 الف كيلوا

يعلم الله جلّ وعلا اني أخذتها درس بعد هذه التجربة واني انصح كل شخص ان يشتري من المعارض ولايشتري من الوكالات لتوفيره ماله

بنفس المواصفات وافضل تاخذ كلايزلر ب١٥٠ 

الى يشتري اللكزس راح يدفع حاجتين 
١ ثمن السيارة 
٢ ثمن العلامة التجارية .
وفعلا بحسب الخبراء نفس قطع التويوتا اللهم الفرق في الاكسسوارات والشكل