اللي له خبرة في عازل حماية المقدمة يتفضل اخوكم محتار

ي رجال وش لك بالعازل ووجع الراس 

فصل برقع ب ٢٠٠ وتركبه وتفكه وقت ماتبي العازل واجد الي يشتكون منه 

وسعره مايستاهل والله  وبالتوفيق اخوي 

ابو سعود عيب البرق انه يسد الشبك واحتمال كبير مره ترتفع حراره السياره 
والتغبيره تطفي لمعه السياره 
اتوقع افضل شي تركب عازل من محل كبير يكون عليها ضمان اقل شي ثلاث سنوات
والله يبارك لك بسيارتك وانتبه من السرعه هههههه 

ركب لك عازل من ابو 300 من الغرابي او اي محل زينة سيارات وكل سنة  سنة ونص فكه وركب واحد ثاني عشان مايلصق وماتعرف تشيله 
ولا توقف السيارة في الشمس كثير هذي اهم شي

وعليكم السلام ورحمة الله وبركاته 

- لومار 
- 3M 
- بروفشينال 

أفضل شركات عوازل وعليها ضمان طويل وتلميع للعازل بين فترة وفترة وضمانات على عدم تغير اللون . موفق

نصيحتي لك لاتركب عازل تجاري ابو 300 حتى لو بتغيره كل سنة لإنه كثرة فك العازل وتركيبه من جديد مو كويس للبوية
ركب لك أصلي بضمان 6 سنوات وارتاح تصير تغسله بعد ماتصل من السفر ويحفظ لك اللمعة

في الغرابي تقريبا درايف 7 اصلي والباقي رخيص ابو 300

انا مركب حماية الوجهية عند كاركير والحين صار له سنتين ونصف ولازالت اللمعة رغم انه سافرت عليه مرات كثيرة للجنوب
1200 كيلو وكل عج الربع الخالي يضرب في السيارة

اقولك دام الموتر جديد والله يبارك لك فيه ويصرف عنك شره طعني وسوي له عازل للمقدمه عند جونسون ويعطيك ضمان فوق ال5 سنوات ابعد عن محلات الزينه ست شهور والصدام مشهب مع الانوار بسبب لزقاتهم  واللي يقول برقع هو احد فاضي كل مابغا يسافر يفك ويشد 

حق محلات الزينة نايلون حق دعاية واعلان اياك تركبه لو ان سيارتي موديل 80 ما ركبته وانت سيارتك 2015 وتبي من الرخيص؟!!

عندك افضل الافلام

ثري ام فنشرشيلد موجود عند جونسون جيوشيلد ومعظم المحلات المعروفة 

ثري ام سكوتشقارد افضل بدرجة ما تحصله الا عند وكلاء ثري ام المعتمدون 

بالإضافة أنه ضروري تركيب عازل للزجاج الأمامي من الخارج 

خالي مركب ع اوريون ٢٠١٠ عازل ب ٣٠٠وكل ستهه شهور يفكه وماشي معهةزي الحلاوه

ياخوي انت قل للوكاله قل  ابي  محل تعاملونهم يعطوني خصومات ويرسلونك لمحل ويعطونك سعر كويس وبعدين لو تبي تركب حق الغرابي يبي لك كل فتره تغيره يعني فتره اقل شي 8 شهور على حسب خطوط وعلى حسب الطريق لايهمك الي مركبه ويستخدم سياره داخل البلد 

 ترا فيها فرق  الحين انا اعرف لك اثنين من اخوياي واحد معه اكورد وثاني معه لكزس راعي لكزس مايمسك خطوط وراعي الاكورد حق خط اهله في جيزان ويسافر الشرقيه  دوامه خط يومي 

 وكلهم مركبين نفس الشركه لو تشوف وجهيه لكزس ماشاء  الله العازل حقها باقي لنه مايمسك خط الى نادر وراعي الاكورد تشوف عازل واضح متاثر ومتغير لونه  سياره على حسب الكرف الي يجيها وطريق الشرقيه من عند جبيل وطريق ارمكو هذي معروفه مناطق صحراويه وكلها غبار 

 انت بكيفك على حسب مقتدرتك تبي  تركب ابو 300 ريال  مو شرط يمشيك ترا سنتين  ممكن مع خطوط يتاثر يعني ممكن بعد 7 شهور وتغيره 

وبنسبه لو تركب من  اي شركه  زي لومار او جنسون هذي عوازل  كويسه وعليها ضمان يعني ضمانها مفتوح اذا خرب تجيهم ويخرونه لك انا افضل الشي لكان فيه ضمان 

ي رجال اسمع نصيحتي 
انت لو ركبت العازل ومسكت فيه خطوط وجيت بعد فتره تفكه
راح يفرق معاك لون البدي ومقدمه السياره شي طبيعي 
انا اقول افضل شي تسويه تحط عازل ع الكشافات والشمعات وصل الله وسلم

تبي نصيحتي انحححححححش عن اللي سعره 1800 وتحت تراه تجاري .. هذا لازم كل 6 شهور تلمعه والا يصير لونه اصفر ومع الوقت يقتلب اسود 

انا عن نفسي مركب من 3M شامل 30 سم من الكبوت + الشمعات + الكشافات + القائمين الاثنين الموجودين بين الابواب الاماميه والقزاز الامامي + مسافه 15 سم من السقف البانورامي + المرايات + مسافه 5 ملي على جميع اطراف الابواب الاربعه بطول 1 متر ..  وعليه ضمان 5 سنوات وتقدر تلمعه بأي وقت وسعره 2400 ريال ، بيني وبينك صح غالي لكن والله انه يستاهل

واتوقع يعطونك سعر ارخص لان وجهيه موترك انحف من وجهيه موتري ( هم كذا يحسبونها ) حتى الجيوب لها اسعار خاصه اعلى من سيارات السيدان   

وفيه شي يلعب بوجهيه السياره محدانتبه له 


السررعه 
وفيه ناس مدري وش يحسون فيه يشوف الخط عجاج وطاير 

شوف بعض السيارات تشوه اسود ومحروق ولصق في البودي هذا التجاري ركب اصلي وبعد كم سنه لمن ينعدم يغيرونو على الضمان 

ركب جنسون امريكي وضمان 5 سنوات عكس العوازل الثانيه اذا اخذ سنتين ثلاث يمسك بالبويه ومايطلع وانا مجرب جنسون اخذو 1400 عل صدام وواجهه كامله 

اهم شئ السمك كم ملم انا اشوف ليومار العازل سميك بس عيبهم القص