شراء سياره من شخص لا يعرف عيوبها

16 34

لايمكنك التصويت حتى الحصول على 20 نقطة على الأقل
إضغط هنا للإخفاء

أبـو عبدالعـزيز -142
قبل 9 سنه و 11 شهر

السلام عليكم ورحمة الله وبركاته
احيانا تشتري سياره من شخص لا يعرف عيوبها او مشاكلها 
ويكون هو يشوفها طبيعيه جدا ولا يلاحظ شيء عليها
ليس لجهلة بالسياره ولكن قد يكون تعود عليها ويشوفها طبيعيه
واحيانا يكون جاهل بالسيارات ولا يعرف انها مشكله
احيانا تدور سياره تحصل صاحبها يقول بإسم واحد من الوكالة
هذا لا يعني انها ممتازة ولا يوجد بها مشاكل او استخدامه يكون نظيف
كثير من السيارات استخدام شخص واحد من الوكالة وبعد 3 سنوات تخبط معاه او تطلع فيها مشاكل كثيرة
قبل فترة اخذت سيارة اخوي وهو مطلعها وكالة 2011
واستخدامه نظيف ولكن ما يعرف يتعامل مع السياره بشكل صحيح
تسمع صوت المكينه بشكل واضح مع اهتزاز ملحوض والسياره واقفه
هذا يدل على ان كراسي المكينه تعبانه وهي لا تزال حقت الوكالة حتى لو استخدام نظيف
الكراسي تجي جلد قوي ومع الوقت تخرب حتى لو الاستخدام نظيف
قلت له عن الملاحظه لكن قال اشوفها عادي ولا لاحظ شيء عليها
لان الكراسي ليست مثل المساعدات لو انفقع عليك المساعد تطلع صوت مباشرة 
وتبقى فيها اصوات قربعه 
كرسي المكينه يخرب بالتدريج ينتهي عمرة مثل الكفرات لذلك صاحب السياره نفسها ما يلاحظ عليها
الا بعد ما تندمر الكراسي بشكل نهائي ولكن بنصف عمرها ما يلاحظ مثل غيره
ملاحظه اخرى بسياره اخوي وهي الدركسون تلفه يمين خفيف 
تلفه يسار يكون فيه ثقل بشكل واضح اكثر من الجهة الاخرى
كلمته عنها ما لاحظ الشيء هذا الا بعد ما قلت له عن الملاحظه وجربها بنفسه حس فيها

لذلك احيانا تشتري سياره صاحبها يمدحها على حسن نية منه ما يشوف فيها ملاحظات ويقولك نظيفه
هي نظيفه فعلا تعتمد عليها وقد تستخدمها بالمشاكل الموجوده فيها
مثل كراسي المكينه وكرسي القير السياره تقدر تسافر فيها بدون خوف ولكن تسمع صوت المكينه
مع اهتزاز بسيط
مثلا فتحة السقف متعطله ومسكره عادي او الزجاج الخلفي ما يفتح خربان
وصاحب السياره يمدحها ويقول نظيفه
هي فعلا تكون نظيفه والمشاكل الموجوده ما تأثر على أداء السياره 

لذلك صعب تشتري سياره حتى لو من اخوك او قريب لك بمجرد وصف صاحب السياره لها
ويرى انها نظيفه ولا يوجد بها مشاكل لانه تعود عليها
وتشتريها انت وتقول غشني ونصب علي
قد يكون البائع بحسن نية

لكن لو كانت السياره تعرضت لحادث واخفى هذا الشيء عنك هنا الوضع يختلف تماما

واحيانا تفحص سياره لشرائها بمركز فحص كبير
ويطلع لك عيوب كثيرة بالسياره تحتاج صيانه حتى صاحب السياره نفسه يستغرب من هالشيء
اغلب مراكز الصيانه تروح له عندك رجه بالسياره مثلا 
يقولك تحتاج مساعدات وكراسي مساعدات ومسامير توازن و اصلاح رأس العكس
بالنهاية تطلع كلها سليمة والمشكله من ترصيص 
او وحده من المشاكل مثلا رأس العكس يحتاج صيانه وهو يطلع لك كل الاشياء المسببه للرجه

وكثير من الاحيان يطلعون لك مشاكل كثيرة تقدر تستخدم السياره بنفس الوضع بدون اصلاح اي شيء

لكن المشتري يقول ابي ارتاح ويروح يخسر مبلغ وقدرة بالصيانه وهي غير مهمه ابدا

http://www.youtube.com/watch?v=53owME99UIk

http://www.youtube.com/watch?v=4MEyVO_JtIo

إبلاغ

الردود