ما رايكم بالجيب اللكزز

وعليكم السلام ورحمة الله وبركاته 

اخي العزيز تبي رأي ناصح والا مطبل !!

اذا تبي رأي ناصح الموتر ما يصلح وماشي واجد ولا احد يجي يقول لكزس ومادري ايش 

ترا الموتر بيطلب منك واجد واذا كان استخدامك يومي عز الله انك كل اسبوع حاط فيه مبلغ وقدره 

ولد عمي معه واحد 1998 بأسمه وكاله وبديه وكاله ماشاء الله لكن من كثر الاستخدام الموتر يطلب واجد والممشى 450

وريحة شكمانه قويه وتعمي العيون بعد ويشمها اللي في اخر الرياض 

الجيوب القديمه استهلكت خلاص ماعاد تنفع لا احد يجي يقول ياباني والا لكزس 

لو الموديل 2007 وماشي 160 اقولك اشتر وانت مغمض ولا تشاور اصلا 

تبي رأي مطبل ؟ 

بقولك روح افحص واذا طلع الموتر نظيف اشتر بس الله يعينك على التصليحات بين كل فتره وفتره 

وصدقني واتوقع ان بقيمته بتشتري لك جيب نظيف حتى لو اف جي 2008 وماشي قليل احسن من هالموتر وشكله قديم وما يلفت النظر خلاص راحت هيبته 

انا انصحك بعدم الشراء 

بالنسبة للسعر لا يتجاوز 55 الف

بيض. الله وجهك  وفعلا انا خايف انه كل شوي يخرب ويطلب ورشه

لالا اتركه... ماشي واجد

كامري  قراند    نصحك  نصيحه  اخووووووو   خذهاااا   

والله  يوفقه ويوفقنا  ويااكم

اذكر   رفيقي  كان  معه  جيب لكزس  قديم  99 او 2000
 الموتر  مربوود

ودخله  بالوكاله  يبي  ينفظه
طلعو  له  سعر  تقريبي  قبل  يشتغلون  فيه
فوق  30 الف
وطلعه  ماصلحه
وبالقوه  باعه

بقيمته  خذ  جكسار  نظيف   وابيع
افضل  من  خردة  لكزسسس

موفق

ووجهك يالغالي ولا هنت 

نعين ونعاون وانا اخوك 

اذا انت صامل على جيب وتبيه للبر الفورتشنر سعره فيه 

اذا تبي جيب بر ومدينه دور لك باترول 2007 وفوق يكون نظيف وبتنبسط معه لأنه ينفع للبر والمدينة والخطوط 

بالتوفيق ان شاء الله 

الله يجزاكم خير لا بنميل للفكسار 

انت شكلك تحب 8 سلندر معناها عليك ب 2008 وفوق لان الموديلات القديمة خلاص راحت والنظيف منها سعره مبالغ فيه جدا خصوصا 2007 

خذ لك فكسار 2000 v8 نظيف ممشاه 200 300  قير عادي ورهمه هدد بسعر  5000  شي خررررررررررررررررررافي 

انا معي واحد موديل 2005 ... ماشي 300 الف .... اللهم لك الحمد .. استخدامه شبه يومي .. طلعات جبال اودية عقاب .... وماطلب شيء 


عمر الممشى مايضر اذا كان الموتر نظييييف .... ركز على كلمة نظيف .... للمعلومية اسعار قطع غياره رخيصة جدا  واسال عنها 



اللهم لك الحمد ...  والمثل يقول اسأل مجرب ولاتسأل حكييييم 


واذا انت في ابها .. وتبي تجرب حياك الله 

تدري وش المشكلة واناخوك ..أن سعر الصيانة وأجور اليد لموديل 2000 وموديل 2010 كمثال هي واحده

خذ جديد ترتاح من مشاكل المستخدم اللي قبلك وماتدري هل السيارة جائعا كد وشموس وطعوس ومدري إيش ..

الحين الجديد عساه يركز ما يطلب فكيف بالاقدم ...


أما ادا تعرف راعي السيارة واستخدامه حشمه هذا كلام ثاني

كيف استخدام هذي السيارة بشكل عام
وهذي الي تسال عنها من موديلها ١٩٩٩ الي هذا الممشى في ٢٠١٤

هي حسب النوع  شي للكرف وشي للاستخدام الادمي والممشي والموديل وانا خوك بعد ١٥ سنة تقول ماتبغا شي يتعبك !! 

هذى مأخوذ خيره وش عاد تدور بعد ٤٥٠ ألف 

لو تأخذ بقيمته صغيرة ٢٠١٠ ماشية ١٠٠ ألف أفضل

موديل 99 ،، لا إنت اللي كشخت ، ولا إنت اللي سلمت من غلا قطع الغيار

صدقت والله
لا انت الي كشخت ولا سلمت من غلا القطع
وفوقها نراه بدا يطلب 
يعني المحرك والقير
وغيرها

الله المستعان بس انا سمعت ان محركاتها تعيش الى ٧٠٠ الف هل هذا صحيح 

٩٩ مثل ٢٠٠٦  ليش مافية كشخة ، ، اذا كان بحالة ممتازة وهذا المفروض له

اناقصدت بردي ان السيارة هذي من استخدمها الي وقتنا هذا
اغلبهااااا بحالة جيدة جدا وبعضها تاخذ الممتاز ، بدي ومحركات

طبعا ع موديله يحتاج شوي صرف ويعيش دبل عمرة 

٤٠٠ الف = تحت ال ٣٠ الف بالسنة بسبب الاستخدام الراقي له هذا ماقصدتة
الحكم بالممشي بالسنة له مقنع جدا 
كم تبغوه ب١٥ سنة ٢٢٠ مثلا او ١٢٠ الف كم شوي حساب تتضح لك تصلح او لا
بالتوفيق ومبروك مقدم

انا من راي تاخذه اذا ديكوراته ممتازة وجلدة نظييف مو مقطع او مهتري
واول شي تسال عنه بجيب الكزز ، هل تغيرت مساعداته او لا
واذا مغيرة عادي مو هيدروليك ، مو كلها بس مايطمن 

للتوضيح ليش خصيت ...المساعدات لجيب الكزز
لانها من اجود الانواع وعملية واعتمادية وتعيش عمر طويل ، عن غيرها 
وبالاخذ انه الهيدروليك فجيب الكزز هذا الشكل تحديدا ، والواقع يشهد لها 
ينزل ويرتفع يعني نظام هيدروليك كاملللل وصامد طوال ١٠ و ١٥ سنة ،،في كثير منها ووواذا تغير بسبب او بدون يشكك في طريقة الاستخدام مو الادمي ههههه
وتضل وجهة نظر ....

والله اني في حيره هل اخذه ولالا علما اني بفحص الموتر عند البريدي ولا كاركت

وعليكم السلام
نصيحه ابو حاتم ,,, ابعد عنه واللي يقول قطع الغيار رخيص روح اسئل عن القطع وشوف 
والبريدي هل يعلم عن المكينه او القير والدفرنسات وغيره كلها اجهزة تعتمد على صفاوية السياره , يعني يقحص المكينه ويقولك نسبتها 80 % , ارجع وغير بواجي وراح يقولك النسبه 95 %

مع العلم اني سبق اني فحصت عند كاركت قسم بالله اني نازل مع الفلبيني اسفل السياره , والسياره على وقتها وكان القير عندي علم انه مفكوك القير والمعجون واضح جداااا ويقول القير ما انفك , وانا كنت جاي افحص بدي فقط 
فنصيحه هذه المراكز لفحص البدي فقط لا غير