قيمة 4500 يسحبله قيمة 450000

المشكله مكانه محد يغرز فيه بس شكله ماشي على مهله مرره على غشامه 

اقسم بالله لن اشتريه لو املك مال الارض  

جيوب كثيره ارخص واقوووى

انت ماتكد ان سعر اللكزس 450 مو 320 ؟

لاني ملاحظ تناسق الارقام 

45000 و 450000

طيب من قالك الكزس للبر !
ولا عشانك تشوف اهل الابل يشترونه 

سيارات البر معروفه فتك -شاص وخصوصآ بالغراز 

الجموس االقديمه والله انها قويه  انا ماتكلم عن جديده ام دبل كهرب اتكلم عن القديمه قويات 

ما نقلل من قوة و متانة الطرازات القديمه بس الواضح صاحب اللكزس مايملك معرفة كيفية التعامل مع القيادة بالرمال لان المكان جداً بسيط لو بسيارة بيك اب تمشي فيه،،،

وودي اللي يصور ماكان بين صاحب اللكزس واضح انه انسان كبير بالسن و محطوط بموقف لا يحسد عليه  ،،

غفر الله لي و لكم كل ذنب ي رب

أقول شكله راعي الجمس مصبح شوف كيف عيونه ههههههههههههههههههههههههه

الفتك موتر البر الاول ولا قصور بالشاص والربع يكفي انها دفرنسين مستقلة مو عكوس والرانجلر بطل 

يارجال اسمح لي باين من راعي اللكزس عليمي ولا له بالبر .. ترا السالفة مو معك 4ْx4 تدخل البر ولاهمك عندك انظمة تساعدك بالسيارة خصوصا هذا الجيب عنده نظام التحكم بالزحف لو شغله طلع سلام سلام لازم تعرف متى تستخدم هالتقنيات الي معك
واذكرك ترا فيه مقطع ل شاص قيمته 100 الف يسحب جيب مرسيدس قيمته مليونين ونصف ابو خمس دفرنسات 6x6 من صبخة.. هل معنى ذلك الشاص افضل ؟؟ الجيب المرسيدس فيه انظمة قوية جدا ولكن الامر يعتمد بالمقام الاول على السائق

ahoh
ماتنفع الانظمه والتنكولجيا والخرابيط الفاضيه بالغراز

اللي ينفع دبل دفرنس اما نظام الزحف ينفع بالغراز اللي تطلع الهايلوكس والددسن معه
وبعدين نظام الزحف من اسمه الناس راحت وانت تزززحف بدبل دفرنس تطلع على طول 
وبالزحف انزل وصور وتقهوى لين يطلع هههههههههههه

^^ ماقلنا شي لاكن هالادمي باين عليمي ولا يعرف شغل دبل حتى .. والدبل والدفلوك والاشياء هذي لازم يكون يعرفلها ويعرف هو هنا وش يحتاج دبل خفيف ثقيل الخ .. بخصوص الانظمة ادري انه بيطول بس بالاخير بيطلع ولالا ؟؟ يعني بالله يروح ينادي واحد يفزع له ويسحبه اسرع من انه يشغل النظام وينتظر لين مايطلع ؟ المشكلة فيه ناس تشتري اللكزس سمعة وجأه فقط .. ولاتعرف فيه شي

العيب مو بالسيارة أبدا السيارة قوية ماعليها 
الأمر يرجع للسائق و للضغط الكفرات وأخر شي اللي هو فصل التراكشن كنترول بعضهم ما يعرف يفصله 
لو فصله من البداية وشبك الدبل ونسيم كفراته وخلى فيها الهواء  بين 15 الى 20 ودعسته بالانطلاقه خفيفه بإذن الله مايغرز 
وبالنسبه لمكانه هذا ادخل له بهايلكس قديمة واطقطق عليه فيها بس اني ما ألف يسار لفه كامله بس يمين عشان الدفرنس ولا 
احشرها بواحد لو ايش مايصير 

للمعلوميه بأغلب الهايلكسات الدفرنس الخلفي قوة دفع الكفر اليمين أعلى من اليسار ليش ما أدري اللي يعرف لا يبخل علينا 

حتى الباترولات الكفر اليمين يدعس اقوى    هذا والله أعلم علشان اذا غرزت تفحط كفره وحده ويصير التغريز أقل وتشبك الدبل وتطلع بشكل أخف 

باين راعي الجيب غشيم المفروض يرفعه هيدروليك ويشغل نظام الزحف ابن امه يوقفه هذاك الوقت