استفسار عن لكزس ES 2004

بصراحه مدري عن اسعار القطع
لكن قطعها نفس قطع الكامري القراندي الV6 وتركب عليها 

ممشاها إذا كان حقيقي فهو قليل بالنسبه للموديل

وإذا هو صاحبها الاول ومحركات وبودي شرط وسعرها مناسب توكل على الله

لكن الكزس معروف أسعار قطعه غاليه

شكرًا للأخوان ماجد وأول مرحبا على الردود الجميلة ،،،

أخ ماجد كيف قطعها زي الكامري؟! نفس المكينة؟ 

اذا انت على قد حالك وراتبك حده حده انا انصحك لاتشتري الموتر للاسباب التالية :

1- ان الموتر موديل قديم انا معك بتقول نظيف وبفحص بس حتى لو ماراح يكون مناسب لك مثل الجديد او الموديلات الحديثة

2- صحيح ان بعض القطع تشترك الكامري مع اللكزس فيها مثل الفحمات اعتقد واشياء بسيطة ، لكن هذا مايدل ان جميع قطعه رخيصة لا بالعكس فيه له قطعه غالية وممكن ماتقدر عليها

3- اقترح عليك اذا كانت مشاويرك داخل البلد وبسيطة تاخذ لك موتر اقتصادي لابعد الحدود عشان مايكلفك ، ولا اللكزس موتر ماعليه كلام

اتمنى وضحت لك الصورة وياليت تبلغنا كم حدك او كم تقدر تدفع يمكن ندلك على موتر احسن كموديل وكنظافة وسهل الاستخدام


تقبل مروري

من افضل السيارات تخدم ومريحة ورخيصة وبإذن الله اشتريها الان وبعد سنتين او ثلاث سنوات احتمال تبيعها براس مالها . (طبعا ان حافظت عليها ) 

توكل على الله 

مرحبا اخوي 
المكينه هي v6 3000cc 
واللكزسes  والكامري القراندي والافالون موديل ٢٠٠٤ جميعهم يتشاركون نفس المكينه والقير ايضا
لكن يمكن تكون في اختلافات في الكمبيوتر او الظفيره 

قطعها حلوه وسعر القطع مناسب
سياره راقيه وناعمه في الخط انصحك فيها خصوصا ان مكينتها جباره وتسمى مكينة المليون كيلو لانها لكزس
الزجاجين الخلفيه بالغالب المشكله من ماكينة الزجاج تكلفتها معقوله ...,

عندي نفسها السياره خدووومه 

عيوبها الاكستسورات القطع الخارجيه غاليه مثل شمعات والداخليه وايضا عيب المساعدات كهرب سعر الوكاله 8 الف تقريبا 
بدلها بمساعدات كامري 2003 او 4 بس انسى نعومه اللكزس اذا بدلت مساعداتها عادبه 

الشاصي من تحت كامري 6 سلندر جميع القطع بالذات الامريكي 

عن نفسي لو ماعلي مخالفات واجد كان بعتها واخذت مديل افضل واجدد 

اسعارها من موديل 2002 الى 2004 من 22 الى 30 حسب النظافه 
من مديل 2005 الى 2006 اسعرها مابين 25 الى 40 حسب النظافه 

انصحك بموتر هذا حق كرف وقطعه رخيصه ماهي غاليه 

غريبه ماحد جاب سيرة ارتفاع الحرارة عن السياره ولا الظاهر إستفتاءات من الكيس!! 

اللكزس ماعليه كلام مع نسيبي 2003 شاريه من وكالته وباعه قبل اقل من 3 شهور ويشهد الله انه موتر كفو 

ماعاب معه في شيء ابد اغلى القطع فيه اللي هو المساعدات تقريبا المساعد الواحد قيمته في وكالة ابو جميل ب2070 ريال 

لكن هذا لا يمنع انك تركب مساعدات انواع اخرى قد تكون متوفره في بعض محلات القطع لكن للاسف ماعرف وين مكانها لاني ما استخدمت الموتر 

انا جربت السياره وجلست معي فتره قبل ابيعها كانت ممتازه ومريحه وهاديه في القيادة وعزمها ما اقولك ممتاز لكن تنفع للاستخدام اليومي والمشاوير يعني ماهي حقت تسارع وتدعيس 

بالتوفيق ان شاء الله 

الله يسعدكم أفدتوني كثيرررر