استشارة في رساوة اللكزس LS430 .........

اللكزس الموديل هذا معروف برساوته ومركبه المريح لكن العيب الوحيد اللي بيصادفك فيه انه قديم يعني 2005 له الحين 10 سنوات وداخل على ال 11 سنة وان اسعاره مع احترامي مبالغ فيها يعني بقيمته ممكن تاخذ افلون 2012 او 2011 من ناحيتي افضل لك شكل ومركب نفس الشي تقريبا والاهم من ذلك موديل حديث مايطلع لك خرابات بايخه وايضا صيانة الافلون اسهل وارخص من اللكزس

واذا على موضوع الكفرات وضربتها ف الواحد يوكل الله وانا اخوك ودامك مركب كفرات نوعية كويسة وشركة معروفة ومتابعها ومحافظ عليها اول بأول بأذن الله ماعليها الا العافية

انا قد ضرب معي كفر على سرعة 160 الى 170 تقريبا على كيا اوبريس 2009 ولله الحمد وماشاء الله تبارك الله مادريت عنه اللهم سمعت ضربت الحديدة في الصاجه وشقتها شق بسيط جدا والكفر بنشر ، طبعا رفعت رجلي وسحبت شوي فرامل والموتر ماشاء الله مالعب ولا شي اللهم اذا فكيت يدي من الطارة حذف شوي يمين ووقفت وزبطته ومشيت بعدها 180 ههههههههههههههههههههههههههههههههههههههههه امزح امزح بس اقصد اني مشيت وركبت الاستبنة ولا فيها الا العافية ماشاء الله تبارك الله ، وهذا اللي خلاها تكبر في عيني زود


تقبل مروري واللكزس والافلون عينين في راسن واحد كل واحد احسن من الثاني لكن اقترح الافلون بحكم جدة الموديل فقط وارخص قطع نسبيا ، واذا انت مصمم على 430 توكل على الله بس الله الله بالنظيف واسأل عن قطعه قبل كل شي


تحياتي

مشكور وما قصرت
بالنسبة لي ما يهمني شكل السيارة وموديلها او قطعها قد وكثر ما تهمني الرساوة والاستخدام اليومي للعمل وزحمات المدارس وخلافه