أضف سؤال أو موضوع جديد          

مكينه لكززes خبطت عطوني رايكم

up 0 down 0
mooom700 363
قبل 7 سنه



السلام عليكم ورحمه الله 








عندي لكزز 2008 es ماشيه 100 الف يعتبر قليل على موديلها لاكن الحمدلله على كل حال 








المهم شغلتها امس وطلع صوت قربعه وتكسير حديد 




وخفت وطفيتها المهم شيكت ع الزيت تمام قلت ياولد حرك لاقرب بنشري واروح واغير الزيت والسيفون والصوت خف لاكن فيه قربعه خفيفه 








المهم الصوت صار موجود معد راح ومريت مهندسين واحد قال مكينتك مودعه وعطاني قطع شديت راسي قال توضيب واغلى شي حصلته عامود الكرنك قيمته 3000 




المهم اجمالي القطع طلع 9000 ريال وشغل يده 2500 




واروح مهندس ثاني قال شغلتك خفيفه ومكينتك جديده لاكن نخرط عامود الكرنك وسبايك جديده والتكلفه كامله 6000 مدري ليه احسهم نصابين 








والله احس الخرط ما يكلف 300 ريال والسبايك 1000 ريال كيف يطلب 6000 








المهم يا شباب تكفون ابي ورشه ممتاز ومنصح ابيه فاهم وسعره مناسب وعطوني رايكم بالمشكله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


التظيب مايصلح اوبالاحرى مايضبط في مكاين التويوتا الي هي نفسها نفس الاوريون والافالون كلها فس الماكينه هذي سلملك الله شوفللك ماكينه حقت اورريون موديل جديد 2012 ماشيه قليل تشتريها بال11الف بالكثير تكون شد بلد وازبط للك ترتاح التوظيب ماعندك صنايعيه يضبطونه


up 2 down 0
سمورة -76
قبل 7 سنه



والله مدري محتار ناس تقول وضب لان مكينتك وعارفه وبالنسبه لي والله نضيفه جدا واغير القطع التالفه بجديده 


up 1 down 0
mooom700 363
قبل 7 سنه



ماعليك من هالسباكين.
ماقي ميكانيكي يقدر يعطيك نوع القطع الي تحتاجها الا بعد مايفك المكينة.
لايضحكون عليك هالنصابين


up 1 down 0
iadnuyh 842
قبل 7 سنه



والله انك صادق انهم سباكين لاكن الي عنده اسم ورشه بالرياض فنان  يعلمني 


up 0 down 0
mooom700 363
قبل 7 سنه



رح للصناعيه القديمه ودر عليهم وكل واحد بيعطيك علم ومن كلامهم بتعرف وش الخراب الي بموترك


up 2 down 0
hassanaa 161
قبل 7 سنه



ياصاحبي نصيحتي لك لاتوضب المكينه المنيوم وصدقني مابترجع مثل اول
انصحك شفلك موتر مصدوم والمكينه عليه لاتاخذ من الي عارضينها في الورش
وترى مكينة الافالون والاوريون نفسها بالتمام 



up 3 down 0
الرفاعي33 13914
قبل 7 سنه



ابحث في موقع حراج 
مركز لكزس التخصصي عنده قيور ومكاين مجددة عليها ضمان شهر واسعاره احسها جدا مقبولة


up 0 down 1
أأبو نوااف 1641
قبل 7 سنه



اخوي حبذا 2008 es 350 ومكينتها نفس مكينة الافالون والاويون تماما ولاتختلف

مكينة اوريون وافالون قيمته 7000 -8000 ريال

التوضيب مشكله وخسارة والعمالة اللي توضب غادرت البلد ولا باقي غير السباكين


up 3 down 0



اخوي مركب مكينة افالون وسيارته 2008 350 لكزس واشتراها 7000 ريال موديل 2009 ومن اروع ما يكون


up 1 down 0



ياصاحبي انصحك لوجه الله ومن باب المنفعه لك

اقول لك لاتوضب ابدا ابدا ابدا اتحدى اي مكينه تزبط بعد التوضيب في كل السيارات عموماا

لأن ماعندنا مهندسين متخصصين كلهم سباكين وعليميه يتعلمون من بعضهم

ولا يعرفون يوزنون حتى عامود الكرنك له وزن دقيق 

اسمع كلامي ودور لك مكينه نظيييفه وممشاها قليل ويضمنها لك هذا اهم شي

وثاني شي نوعية الزيت ورقمه مهم جداا السيارات الجديده مايناسبها الزيوت القديمه والثقيله ابداا

لو توضب تطيح لك في مشاكل ضعف عزم وحراره وتهريب زيوت وانت في غنى عنها

خذ مكينه من التشليح تحت الضمان ونظيفه وممشاها قليل افضل واريح واوفر لك

وخبرنا وش يصير معك وبالتوفيق.. 


شف البلاد حق قطع لكزس صح جلادين ولكن احس بضاعتهم نظيفة ويعطونك ضمان اما التشاليح سكر في موية ماتدري خيرها من شرها 


up 0 down 1
benz lover -79
قبل 7 سنه



جزاكم الله خير بعيد النضر في شراء مكينه افضل بس الي يعني كنت متوقع ان عموع الكرنك والسبايك امره سهل لاكن شكلها شغلتها شغله وبمر كذا مهندس وبشوف في النهايه كيف جزيتم خيراا


up 0 down 0
mooom700 363
قبل 7 سنه



وش يدريك انها مكينه احتمال تكون اصوات العكوس لانها دفع امامي سيارتك وصارت معي في هوندا اكورد ٩٩ صوت قربعة تحس المكينه تطحن نفسها واخرتها طلعت عكوس


up 2 down 2
saif2257 121
قبل 7 سنه



والله يالغالي ان اشك ان الموتر يبي له توضيب لان الموتر جدييييييييييييييد وممشاه قليل يعني لو قلت موديله 2004 يمكن اقول يبي له توضيب 

تبي نصيحتي شيك على طرمبة الزيت ترا الطرمبة لو كانت ضعيفه او خربانه تطلع صوت قربعه في المكينة وهذي حصلت معي في كامري وبعضهم يقول توضيب لكن سبحان الله مشيت عليها يمكن نص ساعه وانقطع السير علي 

وانكسرت الطرمبة حقت الزيت وطفى الموتر وانا قلت بس خبطت هههههههه

بس سبحان الله رحت غيرت طرمبة زيت وطربمة موية وسير وبفضل من الله راحت القربه اللي في المكينة وصوتها صار هاديء ما ينسمع وبعتها ونسبة مكينتها 96 في الميه ماشاء الله وللعلم الموتر ماشي اكثر من 400 الف 

يعني انصحك تصبر وتروح كذا ورشه لين تتأكد مو على طول تغير المكينة او توضب 

وحتى لو صار الخلل فعلا من العمود والسبايك خلاص لا توضب 

غير مكينة مثل ما قالوا الاخوان احسن لك واضمن 

بالتوفيق ان شاء الله واتمنى اني اكون افدتك واتمنى بعد تشيك على الجنزير 

بس بسألك انت تغير زيوت من البناشر ؟؟؟؟؟؟؟؟؟ اذا جوابك نعم فالله يعينك شكلهم جابوا العيد في موترك 

ياما نصحنا لكن الله يصلحكم بسسسسسس 


up 0 down 0
camry grandi 99 7274
قبل 7 سنه



http://haraj.com.sa/114120096/**4120096**5073946


شوف هذا الموضوع


up 0 down 0
أأبو نوااف 1641
قبل 7 سنه



اذا انت من جده كلمني هذا رقمي 0567337788


up 0 down 0



يا الغالي انا قد قريت عن نفس المشكلة وأكثر الردود كانت حساس كرنك الظاهر فأنت تأكد منه 


up 0 down 0



وأذا طلعت المكينة يبيلها توضيب نصيحة ﻻ تشتري اﻻ مكينة راكبه على موتر ﻻنهم ياخذون مكينتك ويوضبونها شغل تجاري ويبعونها عليك ويقول لك توني فاكها من السيارة ومن ذا الكلام ﻻتصدقهم وﻻ تصدقه يوم يقول لك ان السيارة موديل 2011  على طول رح شف الكرت اللي يجي في طرف الباب مبين فيه تاريخ الصنع


up 1 down 0



نعم لاتخاذ إلا مكينة راكبه.ع السيارة وظائف رقم الهيكل مع السيارة
لأن.الرجيع يتوضب ويقولك مكينة مستعملة


up 0 down 0