أضف سؤال أو موضوع جديد          

اصلاح حنه في لكزس es350 للفائدة

up 8 down 0
majedeln 139
قبل 7 سنه و 6 شهر



السلام عليكم ورحمة الله وبركاته

هذا الموضوع للفائدة 

عندي لكزس es350 موديل 2009 
مشكلتها مع المشي في حنه مع المشي ماتسمعها إلا 
بعد ١٢٠ وكل مازدت السرعة زادت الحنه طبعاً الصوت 
من وراء عند الكفر الخلفي يمين شيكت ع الكفرات اشوفها
سليمة بدّلت الكفرات الي وراء حطيتها قدام والي قدام حطيتها 
وراء ولا راحت الحنه 
وبعدها قلت هذه رمانات واروح عند كم ميزان ويقول لي الرمانات سليمة
والي يقول نظف APS 

واروح عند واحد واقوله فك الرومان ابغى اتأكد 
طلعنا الرومان واشوفها عادي لا هو الي منتهي ولا هو الي كويس 

واقوله فك الرومان حق الكفر الخلفي يسار واشوفه ممتاز وقلت مالي 
إلا اغير رومان خلفي يمين 

طبعاً محلات قطع الغيار يبيعونه كامل مع الفلنجه وسعره فوق ٨٠٠ ريال حق افلون

واكتشف ان فلنجة كامري ٢٠٠٩ نفسها واشتريها ٥٧٠ ريال

وركبتها وشغل اليد ١٥٠ ريال 

والحمدلله راح صوت الحنه

وشكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يالطيب ، كيف صوت الحنه بالضبط ، وهل هي متواصله انا عندي حنه يقولون جربكس بس ماني  مقتنع الجربكس ممتاز وتعشيقاته ممتازه

اوبالاصح ونه وووووووووووووووووووووووووووووووون كذا 

خاصتاً اذا مشيت 40 ، اذا عديت الاربعين تروح بس انا احس انها ماتروح مع صوت الهوى وكذا يختفي احس ان الونه موجوده

طبعاً عندي الرمان الخلفي يمين فيه مشكله اعتقد ، كامري 2009


انت اذا مشيت 40 كنت تسمع الصوت 

هل المشكله من الرمان وياليت تشرح لي الصوت كيف بالضبط ،
وشاكر لك أخوي يعطيك العافيه 


up 2 down 0
عادل - 3adel 513
قبل 7 سنه و 6 شهر



ايه الكزس اي اس تقريبا اكثر قطعها قطع كامري.  والفحمات ايضا فحمات كامري


up 1 down 0
مراجل 194
قبل 7 سنه و 6 شهر



عادل 

الصوت ونه اسمعه اذا الطريق فاضي وافتح القزاز 

وانا ماشي ٩٠ 

واذا وصلت ١٢٠ الصوت يكون واضح مره


up 0 down 0
majedeln 139
قبل 7 سنه و 6 شهر



يعطيك العافيه ، اخوي .. بالنسبه لي يقولون لي الجربكس ، بس ماراح افك الجربكس او اي شيء
يقولون عندي البطيخه ، دفرنس الجربكس او كرونة الجربكس ، بس ماراح اسوي شيء وباخليها ماراح تأثر

بس بصراحه الصوت مضايقني .. أتمنى اروح لشخص فاهم يطلع لي الصوت من وين بالضبط ..
ويعطيك العافيه ماقصرت ، انت افدت ناس كثيرين الله يجزاك خير

موفق يالغالي  


up 1 down 0
عادل - 3adel 513
قبل 7 سنه و 6 شهر



ياابن الحلال شف سيارتك وشيك على الرمانات مثل خوينا صاحب الموضوع

لاتهملها وتخذلك وقت الحاجه او السفر الطويل


up 1 down 0
نوار الوذيناني 510
قبل 7 سنه و 6 شهر



الفلنجة بالسوناتا سعرها 350


up 0 down 1
mfh2009 372
قبل 7 سنه و 6 شهر