أضف سؤال أو موضوع جديد          

لكزس .. حسب الطقس

up 0 down 0
جاسم الدوحة 187
قبل 6 سنه و 5 شهر



السلام عليكم جميعاً .

معي لكزس GS300 موديل 2006 ، قاطعة 230 ألف كلم

مشكلتها من العام الماضي - في الشتاء فقط - وبعد وقوف عدة
ساعات ، ورغم إني أسخنها حوالي 4 دقائق ، إلا أن حنـّة المكينة
تكون واضحة لما أتحرك ، والسيارة تكون ثقيلة ، والجير ما يبدل بسرعة ،
ولازم أمشي فيها بشويش فترة معينة (10 دقائق مثلاً أو مسافة 5 كلم تقريباً)
لحدّ ما تفـكّ المكينة لحالها ، وتصير بعدها طبيعية جداً ، وتباديل الجير تصير
سلسة .

هالمشكلة طلعت لي العام الماضي في الشتاء ، ورجعت معي هاليومين
مع تغير الجوّ ، وسرعة برودة المكينة .


وديتها الوكالة ذيك الأيام قالوا السيارة ما فيها إلا العافية ، وما طلع
أي شيء خطأ في جهاز الفحص الإلكتروني ، وتركت
الموضوع على حاله ، إلين صار الجو دافي ، وجاء الصيف
وراحت المشكلة تماماً ونسيتها .

يا ترى يا إخوان .. هل مرت هالمشكلة على أحد منكم؟
أرجو معرفة تجاربكم وآرائكم إذا تكرمتوا .. شاكراً لكم
اهتمامكم ومشاركاتكم مقدماً أحبتـي .. زملاء المنتدى .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


احتمال لزوجه زيت القير ثقيله 


ومايتحرك داخل القير بسلاسة الا لما يسخن شوي


up 0 down 0
ابو هيثم 7 2253
قبل 6 سنه و 5 شهر



اللكزس ياخذ اكثر من ٤ دقايق عشان يسخن ويطول في التسخين
وبالعاده اكثر السيارات وهي بارده ماتشتغل بأداءها الطبيعي الا بعد ماتسخن وتوصل لحرارتها الطبيعيه خصوصا في الشتاء لمن تكون درجات الحراره منخفضه 
لكن ما توصل بالحاله الي انت ذكرتها 

جرب تسخن السياره لفتره اطول الين عداد الحراره يبدا يرتفع وشوف اذا في فرق
واذا تستخدم زيت ثقيل استبدله بخفيف 


up 0 down 1
majed112345 855
قبل 6 سنه و 5 شهر



عادي معروف الشتاء وقت صخاين وتعب للبشر والسيارات 


up 1 down 1
bandara 1134
قبل 6 سنه و 5 شهر



مرحبا اخوي انا معي جيب تويوتا نفسك أيام البرد أو إذا كانت السياره واقفه يوم علي الأقل مايعشق القير زين لين امشي عليه واذا احترت السياره لطبعي كل شي تمام


up 0 down 0
تركي بن خلف -58
قبل 6 سنه و 5 شهر



ما ازود على كلام التركي مشكلتك بين 3 لزوجه زيت وحركه بلف وبرمجه مروحه


up 0 down 0
xpoldx 1432
قبل 6 سنه و 5 شهر



معروفة السيارات اليابانية وقت البرد تحس انها تبغى وقت عشان تسخن 
لكن الامريكي ما عنده مشكلة وقت البرد 


up 0 down 0
088mansour 798
قبل 6 سنه و 5 شهر



مشكورين جميعاً يا إخوان
وبيض الله وجوهكم ما قصرتوا .

ودي أوضح إن لزوجة الزيت هي 5W40
وهي اللزوجة المعتمدة في الوكالة لكل اللكزس .

وراح أفحص بقية النقاط في أول زيارة للورشة
بإذن الله .. ومشكورين مرة ثانية .


up 0 down 1
جاسم الدوحة 187
قبل 6 سنه و 5 شهر