ما هو الحل لشراء لوحه مميزه ..؟

الفلوس اللي بتشتري بها اللوحة سدد مخالفاتك تری اللوحة شكليات لا تسمن ولا تغني من جوع 
موفق

موضوعك حساس لزوم نبلغ الشيخ بالسالفه

المخالفات راح تكون عائق بالنسبة لك لأنك راح تصدر استمارة جديدة تتطلب خلو سجلك من المخالفات المرورية.

1- تقدر تشتري لوحة بدون تسديد المخالفات؟
ج- النظام يمنع ذلك

2- تقدر تحتفظ باللوحة؟
ج- اذا شريتها من المزاد بيكون عندك 30 يوم تسدد فيها مخالفاتك وتصدر فيها استمارة جديدة لسيارتك باللوحة المشتراه. اذا انقضت 30 يوم وانت ما اصدرت الاستمارة راح تنسحب منك وتعاد للمزاد مره ثانية والمبلغ المدفوع لها سابقاً يعتبر غير مسترد.

3- هل يجب امتلاك السيارتين لنقل اللوح بينهم؟
ج- نعم وشرط اساسي امتلاك السيارتين عشان تقدر تنقل لوحة الاولى على الثانية.
المتطلبات:
1-وجود ملفات السيارتين بمنطقة وحدة (فيه اشخاص يقدرون ينقلونها بدون هالشرط بس كل شي بحقه)
2- فحص دوري حديث للسيارتين
3- تامين للسيارتين 
4- دفع رسوم استمارة جديدة ولوح للسيارتين (250 ريال لكل سيارة)
5- تعبئة الاستمارات في قسم المرور المختص بنقل اللوح. مثال: بالرياض تتوجه لمركز الوثائق بحي الروضة فقط لان باقي اقسام المرور ما تنقل اللوح بين سيارتين


الله يوفقك

وش الفايده بحروف وارقام تدفع فيها الاف 
سدد مخالفتاتك احسن
وبعدين من عيوب اللوحه المميزه اذا صدمت احد تنحفظ على طول ههههههه 

اشكر كل من رد
على موضوعي ووللعلم الي يقول طفران والي يقول سدد ترى علي 700 ريال مخالفات مهو بمبلغ كايد
لكن والله في ناس ما ظن تحترم الواحد الا لوطء على رقابها أمثال السفهاء

ذكرتني بطاش ما طاش حطها على حمار

عقليات متخلفة مع احترامي الحين تشتري لوحة مميزة عشان تترزز فيها قدام الناس ، وانت مديون من المخالفات مايكفيك

اسمح لي
اتضح لي انك من الناس اللي تتظاهر امام الناس ان لوحتي مميزة طيب وش بتضيف لك يعني اللوحة ، لو انك مقتدر ماديا ولا عليك اي التزامات ودراهمك واجد بكيفك اشتر ان شاء الله 5 لوحات مميزة وركبها في موتر واحد ولا تبي تسوي انك بتعاقب المرور انهم معطينك هالمخالفات مردك بتسدد طال الزمن ولا قصر منتاب قادر تشتري موتر ولنتاب قادر تجدد شي لأنك ماسددت وبتبلش العالم معك تسجل مواتر بأسمائهم


اربح العافية وسدد مخالفاتك بعدين فكر في اللوحة

طيب عليك 700 ريال منتاب قادر تسددها ، ترى وانت واقف عند الصراف دقيقتين برقم اثباتك تطيح عنك المخالفة وانتهى الموضوع

وشوله كل هاللفه واخذها واخليها عندي

سدد ال700 وانقل اللوحة باسمك وبشكل نظامي وانتهى الموضوع



ولاتزعل من ردي او رد الشباب لأن فعلن سؤالك ماله داعي علي مخالفات وابي اشتري لوحة مميزة

انت تطبق المثل اللي يقول باب النجار مخلع ، يعني لو انك قايل اني على قد حالي وبشتري سيارة متواضعة تمشيني وعلي مخالفات نقول والله مسيكين ما معه يسدد مخالفاته او انها سابقة وعنده ظروف لكن معك لكزس وبتشتري لوحة مميزة وخسران تسدد 700

ياليت توضح ليش ماتبي تسدد ذا 700 مامعك حقها ؟؟؟

حركة اللوحة مميزة ورقم الجوال مميز قديمة فالناس ماعادت تهمها هالأمور . . . . .