أضف سؤال أو موضوع جديد          

XX تنبيه قبل شرائك جوال والجوالات المقلده XX

up 14 down 6
hamodyaz 179
قبل 7 سنه و شهر



السلام عليكم ورحمه الله وبركاته
اسعد الله اوقاتكم 
اليوم احب أنبه اخواني واعزائي في منتدى حراج
ان الجوالات المقلده منتشرة في الاسواق بكثره
وهناك بعض البائعين يبيعون الجولات المقلده
مثل : الايفون ، جالكسي ،النوت ،الخ الخ ..........
على انها
أصليه !!! 
والحين المقلد صار يشبه الأصلي حتى ما تقدر تفرق بينهم 
يعني الحين في الايفون المقلد حطوا فيه نفس النظام الموجود لكن ما تقدر تحدثه لنظام جديد
ووصل أيضاً ان المقلد يكون فيه بصمه يعني كأنه اصلي
وحتى الجالكسي نفسه 
فنصيحه اذا حبيت انك تشتري جوال حاول انك تشتريه ومعه
ضمان محلي مثل ضمان موبايلي اس تي سي جرير اكسترا
ونصيحة أيضاً لو لقيت ايفون بسعر رخيص وخايف انه يكون تقليد 
فشغل الجهاز وافتح الأب ستور المخصص لشركه ابل 
فان لقيته انه نفس الأستور فامورك تمام 
اما لو فتحته وطلع لك سوق بلاي اللي مخصص للاندرويد
فاعلم انه تقليد 


--------------------------
أرجو من الاداره عدم حذف النقاط لان الموضوع مهم 
--------------------------
وفي الختام ارجوا ان الموضوع عجبكم 
والسلام عليكم ورحمه الله وبركاته .....










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله يا ابراهيم ابي انزل في المنتدى الجديد مواضيع 
بس المشكلة ان لما ادخل الموقع من الجوال ما اقدر احمل 
صور


up 3 down 1
hamodyaz 179
قبل 7 سنه و شهر



الساسمسونق ممكن اما الايفون لايمكن تقليد السوفت وير انما شبيه له ب نظام اندرويد فقط

+1 لايك للجميع


up 3 down 0
Abu-Nawaf 337
قبل 7 سنه و شهر



بسم الله الرحمن الرحيم 

الله يعطيك العافيه وأبيض وجه وما قصرت يا راعي 

الموضوع والله يكفينا وإياكم شر الغش وبيني وبينكم 

ما أخرب سوق التجارة ودخل الغش إلا هالوافدين 

أغلبهم لا ذمة ولا ضمير الله يكفينا شر من له شر .


up 3 down 2
إبن عجلان 512
قبل 7 سنه و شهر



جزاك الله خير.  وانا الصراحه انصح اي واحد يبي يشتري جوال.  يشتري من عند محلات مضمووونه زي جرير اكسترا الحداد.  كذا. اهم شي الضمان. 


up 2 down 0
مراجل2 95
قبل 7 سنه و شهر



يعطيك العافيه +1 لايك للجميع


up 2 down 1
Abu-Nawaf 337
قبل 7 سنه و شهر



الله يعيكم  العافيه على مروركم الجميل
الاخ ابو نواف : الحين قدروا انهم يسون نظام ابل
على الاجهزه المقلده


up 0 down 0
hamodyaz 179
قبل 7 سنه و شهر