أضف سؤال أو موضوع جديد          

بالشرح طريقة شراء سيارة من البحرين

up 17 down 5
abofarah 1079
قبل 7 سنه



بسم الله الرحمن الرحيم 
بحكم اني مقيم في البحرين
لاحظت في المنتدى بعض الاخوة يسألون عن شراء السيارات في مملكة البحرين وحبيت ابلغكم بالاتي . 
سألني احد الاخوة عن شراء سيارة من البحرين وبعد البحث  لقينا السيارة 
وسألت احد الزملاء وبلغني ان نظام المرور حاليا يسمح بتسجيل السيارة باسم السعودي بشرط احضار الجواز وبطاقة الاحوال بعدها رحنا لمكتب المرور الموجود في مدينة عيسى ودخلنا المكتب بعدها بلغنا الموظف نصعد للدور 
الثاني قسم الحاسب الالي لتسجيل بطاقة وجواز المشتري في السستم بشرط وجود عنوان في البحرين وعطيته عنواني بعدين نزلنا تحت وسجلنا السيارة في مدة حوالي نص ساعة . 
طبعا مكتب المرور منظم جداً و يعمل المرور من 8 صباح الي حوالي 6 مساء . 

شي ثاني قيمة الرسوم . 

نقل الملكية / 16 دينار = 160 ريال 
تحويل التامين / 5-15 دينار = 50-150 ريال يعتمد هل شامل او طرف ثالث 
تحتاج تأمن عليها عند الخروج من البحرين السنوي وهو الافضل / 55 دينار او 67 دينار مع خدمة المساعدة على الطريق وبامكانك تأمن يوم بدينار واحد وعاد كيفك لادخلت السعودية على مسئوليتك .
رسوم التجديد السنوي / 21 دينار تحضر السيارة للمرور للفحص بعدها يعطيك ورقة ترسلها بالبريد وتعطيهم عنوانك يرسلون لك التجديد . 
رسوم التامين السنوي لداخل البحرين / حوالي 80 دينار سنوي للطرف الثالث 
مميزات الشراء / 

السيارات انظف بكثير . 
الاسعار مقاربة واحيان اغلى واحيان ارخص . 
قرب الدولة من سكان المنطقة الشرقية عموماً .
ماتحتاج تحويل عملة مثل الكويت او الامارات ممكن تدفع بالسعودي .

وسلامتكم 

حبيت افيد اخواني بهذا الموضوع والمعذرة اني طولت عليكم وحياكم الله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سلمت وبيض الله وجهك ماقصرت ، بس تقول.......  بشرط وجود عنوان في البحرين وعطيته عنواني 

طيب الي ماعندة عنوان اقامة عندكم ، لازم يستأجر شقة مثل الامارات ولا بدون 


up 3 down 0
aziz..747.. 2421
قبل 7 سنه



ماشاء الله عليك . ماقصرت وحبايبنا  اهل البحرين


up 3 down 0



الله يعطيك العافيه


كفيت ووفيت بيض الله وجهك


up 2 down 0
abduallh1234 124
قبل 7 سنه



مايحتاج تستاجر ، ممكن تطلب من البائع عنوانه او من اي صديق لك في البحرين 


up 2 down 1
abofarah 1079
قبل 7 سنه



اخوي اذا بدخل السعوديه اقدر امن عليها تامين الشركات الي عندنا؟ وساهر مايصدها؟


up 0 down 0
mohagjer606 555
قبل 7 سنه



قيمه التكاليف +سعر السياره هناك اغلى =تجيب سياره شبه وكاله


up 0 down 0
abdullah9876 -190
قبل 7 سنه



فورد ٢٠٠٦ كم أسعارها عندكم لاهنت شكلي بخربها بموتر بحريني ونظيف المهم كم الأسعار 


و الدتسن ااوتوماتيك ٢٠٠٣ - ٢٠٠٤ كم اسعارها ي ليت تفيدني باسعار هالسيارتين اكون لكك شاكر 


مشكور اخوي وابيض وجه


up 0 down 0
wael1990 99
قبل 7 سنه



ساهر يلقطك :)

ولا ماجربت :)


up 0 down 0
ابو يزيد 000 8712
قبل 7 سنه



بسم الله الرحمن الرحيم 

بالنسبة لساهر اللوحات الكويتية ما تطلع عليك مخالفة 

اما بقية دول الخليج ما عندي خلفيه

أشكرك يا صاحب الموضوع وابيض وجه وماقصرت واللي

يدور للرخص يروح للامارات بس بشرط يعرف احد هناك

لان اغلب الشريطية هناك من السعوديين واذا شافوك سعودي

يصلخونك على الضلعان بالنسبة لقطر اسعار سيارات الجموس 

واللانكروزر ارخص من هنا بكثير بحكم معرفتي بشخص من هناك

وسلامتكم .


up 1 down 0
إبن عجلان 512
قبل 7 سنه



ماقصرت كفيت وفيت 
انشالله الي يبي يشتري استفاد


up 0 down 0
نظره امل 398
قبل 7 سنه



حياكم الله جميع بخصوص ساهر مايطلع وانا معاي موتر بحريني له 3 سنوات مانزلت ولا مخالفة لكن قرأت تعميم من ايام ان نهاية السنة سيتم تسجيل مثل هالمخالفات . 

اسعار الفورد حوالي 30-35 الف موديل 2006 والله اعلم اما الدتسن قليل اشوفه هنا ولا اعرف سعره . 


up 0 down 1
abofarah 1079
قبل 7 سنه



يارجل سياراتهم نفس اسعارنا بس تاخذ موتر استخدام نظيف ولا في خطوط طويله مثل ديرتنا ممشاهم قليل 


up 0 down 0
عبدالعزيز00966 17
قبل 5 سنه و 4 شهر



النظام هذا الحين باقي والا الغوه؟! 

اتمنى احد يفيدني


up 0 down 0
عاشق البنز999
قبل 5 سنه و 4 شهر



اخوي
انا ابي اطلع سيارة من البحرين باسم سعودي و اريد عمل تفويض لشخص بحريني لقيادة السيارة دخل البحرين
شنو المطلوب او كيف الطريقة



up 0 down 0
mohammedli -2
قبل 4 سنه و 9 شهر