أضف سؤال أو موضوع جديد          

اسوء المدن في بيع وشراء السيارات

up 9 down 6
صوت العزاوي 523
قبل 7 سنه و 7 شهر



السلام عليكم ورحمه الله وبركاته 
كيف حالكم ياخوان ان شاء الله انكم جميعا بتمام الصحة والعافية 
اليوم جايب موضضوع بسيط وعلى قدي هههههه
مادري  ياخوان انتم مثلي او لا جيت  تشتري لك سيارة مستعمل  الاسعار فلكية وما تحصل الي تبي
ولا جيت تبيع  ليت لو تجيب نص سعر السوق ولا حولك احد 
والسبب قبل فترة  صديقي اشترى  هايلوكس 2011 بـ45  واستعملها شهرين وضبطها ونزلنها السوق
وقفت على 36 الف  مع انه  يو اشتراها مستانس ويقول حصلت خواتها على 55 الف 


طبعا ياخوان اذكر على ايام 2005  و2006 قبل لا تطيح الاسهم يعني ههههههه
وايام سعر البنزين غالي وما نزل كانت الاسعار رخيصة للسيارات يعني تاخ الجمس البهبهباني ابو عبر الاحمر
ابو حوض تاخذه 5000 ريال او 7000   وو 10000 اذا مخزن ونضيف واوراقة سليمة وقابل للاستعمال 
بالطرق السفر  والحين زين لو يوصلك للبيتك وبـ25 الف 
اذكر  قبل تقريبا اخوي اخذ صابونه  موديل 91  بـ11 الف ريال  يوم كان يبيعها فل بـ75 ريال  
طبعا  كان يعبيها فل تقعد 7 ايام معه الحين لو يعبي فل 2 يومين وتخلص والسبب زحمة الشوارع 
يعني ما كو فرق برخص البنزين ههههه
المهم كان ابوي يشتغل بتجارة السيارات طبعا والاسعار كانت رخيصة حيل يعني اذكر 
بعضهم ياخذ سيارة اقساط ويبيعها كاش علشان يبي فلوسها  كانت ما تنزل من السطحه وحتى اللوح ما تركب
ينزل من سعرها 5000  والحين كادها له سنة ويبيها بمكسب بعد ويقولك ياباني اصلي 
وواذكر حتى سيارات جده والدمام  ما يرغبونها تجي مصديه وماكلتها الرطوبة  وينخاف منها 
الحين شين وقوي عين يقولن لا تراني رشيتها من تحت بديزل يعني خلاص راح الصدى

اتمنى كل واحد يذكر الاسعار بمدينته من ناحية السيارات  وهل يشوفها معقولة او لا  
انا ساكن بمحافضة حفر الباطن وقريبة جدا من الكويت واغلب شوارعنا ماهي مزفلته  وكلها بر بر هههههه
السيارات هنا قرنبع لو تشتريها على  طول الصناعية مساعديات وعضلات للسيارة 
الاسعار رخيصة تقريبا عندنا بس الطلب قليل وحتى هنا الشريطية
صارو يجيبون امريكي ويشترون من الشرقية ويبيعون هنا  والمكسب خير وبركة وعندنا قاعدة
الملك خالد العسكرية يرغبون بالفرودات  مريحة 
وقبل فتررة مريت  سوق المعارض  بريدة  والاسعار ياهي فلكية جيوب موديل 2001  و2002 
ما فيه شعيب الا راحو له والممشى حدث ولا حرج والاسعار تبدا من 60 الف و70 الف
وقلنا يا زين اسعار الحفر بس هههههههه ورجعنا 
واذكرر فيه ناس من جماعتنا  من اهل الشمال يقطع مسافة 1200 كيلو علشان يشتري سيارة 
سوق حراج عرعر حدث ولا حرج نصب واحتيال وتزوير وسرقه بعد 
وتشوف اربعه ثلاثه قاعدين يحرجون لو اخوانك قاعدين يزاودن لا تدخل احتمال 95% انهم متفقين مع بعض

وحاليا اشوف  اسعار الرياض افضل   الاسعار سواء لا جيت تبيع او تشتري 
وموقع حراج هذا انصح الاخوان بعدم  الدخول  للقسم تويوتا ونسيان  وحتى الفوردات 
والسبب الاسعار الفلكية والغبية 

وشكرا لك  











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك الله ياصوت العزاوي بس. تكفا امسح صورت البنت


up 2 down 0
مراجل 194
قبل 7 سنه و 7 شهر



والمواتر كل مالها ومالها   ترتفع اسعارها الله يعين


up 1 down 1
مراجل2 95
قبل 7 سنه و 7 شهر



ابشر مراجل     بلي يرضيك ويسعدك  
المشكلة ترتفع وما في ضيء نضيف  
مثلا تنزل السوق 
 97% من السيارات غير مناسبة لك او ما تسوى سعرها او مع شرريطي او مهربدة او واو 
و3% هي الي فكر بها 
 اوالمشكلة بعضهم يتشرط تشرط يبي قير توماتيك والممشى قليل واللون ابيض ونص فل وبـ20 الف ريال يبيها وبدي وكالة 



up 3 down 1
صوت العزاوي 523
قبل 7 سنه و 7 شهر



ما يقهرك الا الشريطي ابو مسبحة ومربي دقن تقول بيطلع في قناة الساحة والدعوه ديكور سيارتك تسوى 50 الف ويجيك يقول ب14 الف بعتني ترى السوق نايم وتلقى سياراته منتفه ومسمكره وما تسوى 10 الاف ويحدها ب40 الف يا رجال خذلك جديد ولا من الصالات ارحم من المعارض وخليهم يخيسون هم وسياراتهم 
تسلم اخوي صوت العزاوي 


up 3 down 0
ابوخلوودي1 5070
قبل 7 سنه و 7 شهر



يسلم راسك ياصوت العزاوي. وجزاك الله خير


up 1 down 0
مراجل2 95
قبل 7 سنه و 7 شهر



الشريطية ماعنده ضمير ولا ذمة ولا يخاف الله
واذا جيت تبي تشتري سيارة منه يحلف ب الله وبراس عياله انها نظيفة
وهي اصلن ملعون ابوها بس ملمعها وحاط لها زيت ثقيل عن لا يطلع دخان وصوت للمكينة ومره كنت بشتري سيارة لخوي الصغير قلت ابي سيارة بحدود 15 ألف قبل 4 سنوات وانا اصلن مااعرف احد ب المعارض ولا عمري جيتها بس نصحني واحد قال لا تشتري من اي شريطي قلت زين رحت الحراج وحصلك واحد مطوع لحيته الين بطنة معه ابيكا قلت بس هذا المطلوب مطوع اكيد يخاف الله ويقول كل شي
ماراح يغشني وقفته وسألته قال انا اصلن مو من اهل الديرة ولا اعرف احد ببيع سيارتي وامشي وسألته عن محركاتها قال نظيفه مافيها شي
المهم يوم قعد يحلف ب الله ويحلف ب عياله وبذمتة قلت خلاص هذا مطوع مستحيل فيه احد يبيع ذمته علشان فلوس المهم خذيت السيارة ورحنا مكتب ب المعرض علشان نخلص البيع واعطيته فلوسه وكتبنا ورقة مبايعه المهم شوي ويدخلون علينا ناس ويسلمون عليها ويقولون له ها ابو محمد بشر كيف السوق اليومين هذي المهم هو قعد يتلعثم يبي يسكتهم طبعن اخذ الفلوس بجيبه بس انحرج قام طلع
انا على طول سألت المصري حق المكتب قلت تعرفه هذا قال ايه معروف هذا اكبر شريطي هنا يخرب بيته والله يارجال لو شفتو حلفه ماتصدقون انا انقهرررت ولحقته ماحصلته وحقدت عليه قلت وربي لو يوصل الدم لركبة مااخليه وثاني يوم ادورة ولا حصلته المهم قلت للمصري ابي رقمة كلمته وقلت له لا ماني مرجعها خلاص بعنا وانتهينا
قلت طيب انا اوريك قال تهدد قلت لا بس انا اوريك
واسال عنه الين حصلت بيته والسيارة ما اخذتها خليتها ف المعرض
المهم واراقبه انا ولد عمي واحصله الساعه 21 ف لليل عند مطعم ونمسكة ونحشرهم وربي انه صار تقول قطوو قلت عطني فلوسي قال بكرا لا لو تموت الحين مافيه غير الحين وااحصل ب جيبه 2500 وناخذه لصراف حقت السيارة ويحول الفلوس لحسابي ويوم حولهم قلت يلا انزل قال طيب وصلني سيارتي قلت تعقب انا لي اسبوع ماانام من القهرر انزل يلا وقال السيارة قلت تحصلها عند المصري




up 9 down 0
ســامــر 1057
قبل 7 سنه و 7 شهر



الاسعار نار عندنا بتبوك 
جيب 97 بـ 105 هههههههههههههههههههههه


up 1 down 0
البـــراء 385
قبل 7 سنه و 7 شهر



عندي سؤال الحين ماتخش معرض الا وهوه فل سيارات مستخدمه وما اشوفها تنباع المعارض مليانه سيارات مستخدمه بشكل كبير
واغلبنا صار ياخد سيارات تاجير لغلاء المستخدم النظيف تتوقعون يصير إيقاف لتأجير السيارات والتقسيط
 لأن أكيد كلمتهم مسموعه 
 و الوضع أشوف المعارض 
صار يطلب الف ريال علشان تدخل سيارتك  عنده


up 0 down 0
واحد من الناس12345 119
قبل 7 سنه و 7 شهر



اسواء معارض 
معارض الخميس في الجنوب ومعارض الطائف اسعار فلكيه
 للي بيشتري 


up 2 down 1
siaf 348
قبل 7 سنه و 7 شهر



اعرف لكم احد الشريطية الانجاس
بالاصح هو زميلي في العمل
انسان تشوفه وتسمع كلامه ونصائحه للي يبي يشري موتر تقول هذا انسان فيه ذمة وامانه

لكن تشوف افعاله افعال اليهود والنصارى
بسبب كذبه واحتياله على المسلمين

انحرق بيته بالكامل مرتين وانسرق مرة ودخل في الاسهم وانزرف منه 350 الف ريال وانسرق مرة من احد الخونة امثالة قي هذا الموقع موقع حراج وانسرق منه 14 الف ريال من سرق مثله وصار له عدة حوادث وازيدكم من الشعر بيت طلق مرته ثم حاول ارجاعها وطلبوا منه مهر جديد يقص الظهر ورجعها ثم طلقها وتزوج مرة ثانية بمهر 75 الف ريال ثم طلقها ثم دفع رضوة ورجعها
جاه مرض الله لا يبلانا والى الان وهو يتعالج منه ثم انتقل في احد بناته


والله المستعان
كل هذا بسبب اكله اموال الناس بالباطل نسأل الله السلامة والعافية ,,,


up 7 down 0
الصاعدي - مكة 14
قبل 7 سنه و 7 شهر



واذكر في احد المرات نزلت انا واخوي لمعارض جدة قبل تقريباً 14 سنة
نبي نشري لاخوي موتر لكزس ls 400
صاحب المعرض يحلف بالله ايمان ومغلضة ان السيارة وردة ..!
طبعاً الموتر امريكي وقلنا له نبي نشيكها من الصدام للصدام
قال تم ..
اخذنا السيارة ورحنا لورشة تفحص الموتر بالكومبيوتر

والله لحصلنا فيها النون ومايسطرون


بلاوي عدد شعر راسك

قلنا كم التكلفة الاجمالية للاصلاح مع قطع الغيار

حسبها الفلبيني قال لا تقل عن 27 الف ريالمع شغل اليد
واكتشفنا ان بها اعوجاج في الشاسية ورفرفين مسمكرين

رجعنا بالسيارة لصاحب المعرض وقتا له ان سيارتك فيها عددة بلاوي
زعل وسبنا وشتمنا وقطع الاوراق ورماهي في وجيها وقال لاعاد اشوفكم في معرضي ووالله طردنا

ناس كفرة فجرة,,,




up 7 down 0
الصاعدي - مكة 14
قبل 7 سنه و 7 شهر





عندنا بخميس مشيط الاسعار فلكية 

لدرجه الي يبي يبيع سياراتهم يجون من الشمال يبيعون بلخميس

بس الشهادة لله مواتر الجنوب نظيفه اغلبها 

اول شي المكيف مايشتغل بالسنه الا شهر او شهرين 

ثاني شي الشوارع كويسه نوعا ما 

ثالث شي مافيه رطوبه وصدا وهالاشياء


up 1 down 1
maximum speed 578
قبل 7 سنه و 7 شهر



بارك الله فيكم ياخوان وشكرا لكم 
بس انا عندي سوال بسيط
معقوله فيه احد يشتري باالاسعار هذه ؟؟.. واذا الججواب لا اجل ليه الاسعار كذا وواثقين بانفسهم الشريطية
صادق ابها وخميس مشيط للاسف  حتى هنا لا شفت اعلان لهم اطلع على طول عارف وضعهم 
يقعد شهرين يقول اطلب الزود  ولو تسئله حدك جلطك بمكانه 
واذكر خووي بالاستراحة خاله اشترى فورد 2001 بــ18 الف ريال واستعملها ست اشهر 
وبعدها  حصلت له سفر ياباها او الطائف المهم نزل السيارة بالمعرض وكب الشريطية والمعارض عليه وباعها بـ26 الف ريال
يعني شف كم المكسب 


up 0 down 2
صوت العزاوي 523
قبل 7 سنه و 7 شهر



أنا مرة شريت كرسيدا مديل 96 بيضاء جي ال
من صديق لي ب 24000 أقساط كل شهر 2000 وجلست معي سنة رحت للطايف دورة واحتجت فلوس نزلت المعارض وبعتها 48 كاش وتراجع صاحب اليعة وحط عذروب في الاستمارة خرجت من المعرض بعتها من المعرض اللي بجنبة 49000 مجانين كرسيداء اهل الطايف النهار الثاني نزلت ادور سيارة بمبلغ قليل لقيت سيارتي الكرسيداء معروضة على 54000


up 0 down 0
masssss 985
قبل 7 سنه و 7 شهر



شريتها 42000 اعتذر للخطاء


up 0 down 0
masssss 985
قبل 7 سنه و 7 شهر



فعلاً اسعار فلكيه مع العلم ان اغلب السيارات بويتها نظيفه ماتعرضت للشمس كثيير شوف اسعار الجيب 2001 يوصل ال 70 وايضا اليوكن 2005 70 الف


up 0 down 0
شكلين مابحكي 3159
قبل 7 سنه و 7 شهر





سيارات ابها والخميس غالية

اشتريت كابرس 2006 ستة سلندر شهر 7 الماضي ال اس
بمبلغ 26 الف
مبلغ غالي جدددددا

لكن قسما بالله ان كانها توها خارجة من الوكالة
ماشية 100 الف ومتماسكة ومن ذاك الوقت الى الان بنزين فقط وزيت

فبعض سيارات الجنوب ((((( المستخدمة)))) ف الجنوب غالية ونظيفة


up 0 down 0
الفارس2022 475
قبل 7 سنه و 7 شهر



المناطق تختلف عن بعض والسيارات أغلى في المناطق النائية أما المناطق الكبيرة فحسب اذواقهم فأهل الشرقية مثلاً يحبون الهوندا ويغالون فيها والغربية يرغبون التايوتا بزيادة 


up 0 down 0
تقع سهاله 7
قبل 7 سنه و 7 شهر