أضف سؤال أو موضوع جديد          

ثقافة شراء

up 12 down 10
أبو ناصر 60
قبل 6 سنه و 12 شهر




السلام عليكم ورحمة الله وبركاتة
كل عام وانتم بخير واعادة الله علينا وعليكم لا فاقدين ولا مفقودين

الزبدة ابدخل بالموضوع للاسف الشعب همجي ههههههههه

يعني تلقاء واحد هنا بالمنتدى يقولك مثلا اللاندكروزر انتهاء عام ٢٠٠٧ وكذلك تلقاه قالها عام ١٩٩٨ اللاندكروزر انتهاء ١٩٩٧
انا مااتكلم عن اللاندكروزر بس هذا مثال

الغريب بالموضوع انه نفس الشخص اللي يمدح الموديل القديم تلقاه يزعل اذا شاف جيب ٢٠٠٧ مثلا قيمته غاليه !

طيب مو انت تقول افضل وترغبه اكثر من الجديد ليش تزعل المفروض انك تزاود عليه وتعطيه قيمة الجديد ولا تغير رايك ؟


شد انتبهاي اعلان عن هايلوكس ٢٠٠٤ مخزنه اصفار يقول سومها ٩٢ الف وحادها ب ١٠٥

لقيت ردود من بعض الناس اعوذ بالله !


واجزم لو ان السلعه له ماباعها بقيمة مرضيه بالعكس يبي يبيعها على طلب السوق ماهو معقول سيارتك تجيب لك ١٠٠ الف تبيعها ب ٤٠ حتى لو انك شاريها ب ٥ ريال


زعلان ان فيه ناس تهتم بهالسيارات طيب عادي كل شخص وله ميوله ماهو لازم كل الناس يحبون اللي تحبه انت


لا تصير ضعيف شخصه ولازم تصير زي الناس اللي يعجبك خذه اللي مايعجبك لا تاخذه

انا قبل اشتري الالتيما عام ٢٠١٠ كثير قالوا لي وش تبي فيها هذي تطيح قيمتها هذي وهذي وهذي !    وهم اصلا ماجربوها

بالنسبة لي اخذتها لأن السيارة راسيه وفيه انظمة الثبات والامان كاملة

صحيح مطبها قاسي صحيح انها الان ماتجيب لي ٣٠ الف صحيح ان الناس يشوفونها سيارة ابو كلب لكن انا مقتنع فيها ولا علي من الناس ورضيت بعيوبها عشان ايجابياتها


ماهو لازم اروح اخذ كامري صح الكامري مطبها اريح لكن ماهي مثل ثبات الالتيما وانا يهمني اخذ موتر راسي


بعض الناس الله يهديهم تلقاه ساكن بمدينة كبيرة ويجيك واحد اما من الجنوب او الشمال تلقاه ساكن بديرة صغيرة ينزل موضوع عن الددسن وش افضل نوع يجيك الرجال مطفي النور خذ لك بقيمتها اكسنت فل او النترا ستاندر اطلق وماادري ايش ؟ طيب كل واحد واحتياجاته انت ماتحتاج مثل هالسيارة لكن هو عشان يوصل البقالة يمشي كيلو ونص صحراء هو عنده شوارع متكسرة ماهو مثلك



انا لي فتره ادور لي لكزس مستعمل ٤٦٠ المهم استشرت وسألت لقيت كذا واحد يقول لي خذ امريكي احسن مواصفات !

بحثت عن السيارة وجدت ان المواصفات نفس بعض
لكن الامريكي تجي دفع رباعي ( يعني تبهذلني بقطع الغيار ) 

جنط الامريكي شين السعودي اجمل بمليون مره ( طبعا هذا يرجع لذوق الشخص )

الامريكي تبهذلك بخرايط لازم تبرمجها وتحمل خرايط الخليج 

وغالبا الامريكي يجي اسود من داخل 

طيب لأنك شريت كامري وارد امريكي او ماركيز قعدت تمدح كل السيارات وارد امريكي وانت ماتدري عنها

الحمدلله بعد التعب والبهذله بالمعارض اخذت لي ٤٦٠ لونق سعودي ٢٠٠٩



تجي تسأل واحد ليش تبي تشتري ايفون يقولك افضل جهاز
هو اصلا مايدري هو افضل جهاز ولا لا بس لأن الناس يمدحونه صار عنده افضل جهاز

خلاصة الكلام يااخي لا تصير ضعيف قبل تشتري اي شي اسأل عنه ابحث عنه لا تأخذ رأي احد انت اللي تختار وانت صاحب القرار 

وانتبهوا ترا الاسعار هنا خياليه وكلها كذب والمعارض ارررررخص بكثييييير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


زعلان ان فيه ناس تهتم بهالسيارات طيب عادي كل شخص وله ميوله ماهو لازم كل الناس يحبون اللي تحبه انت

لا تصير ضعيف شخصه ولازم تصير زي الناس اللي يعجبك خذه اللي مايعجبك لا تاخذه


 معليش ياابو ناصر عندي تعليق على كلام هذا  نسخته  اكيد كل انسان له ميوله بس الله عطانا عقل نفكر فيه احترمو عقول الناس 

صحيح يستاهل بس مايجي دبل سعره مرتين 


up 8 down 3
سكودر 14927
قبل 6 سنه و 12 شهر



صحيح لكن اقولك ان فيه نسبة طلب وعرض وقت مايزيد الطلب ويقل العرض ترتفع القيمة وهذي العادلة معروفة بكل مكان وتنطبق على كل سلعة 

اضرب لك مثال الجي تي موديلات اواخر السبعين توصل عندنا بالخليج الى ٧٠ الف بالراحة مع اني اقدر اخذ بهالقيمة موستنق ٢٠٠٩ 

لكن يجب اني احترم الناس كلن عقله براسه يااخي والطلب زايد والعرض قليل طبيعي يرتفع السعر لأي سلعه كانت 


up 2 down 3
أبو ناصر 60
قبل 6 سنه و 12 شهر



لايك يبو ناصر 

بالنسبه للمعارض اشوفها اغلى من الموقع غالبا 
لأني شريت من الموقع يمكن 8 سيارات وبعت 4 سيارات في الموقع 
فأشوف ان اسعار الموقع منطقيه نسبيا 

اما اذا كان قصدك السيارات اللي يعرضونها اصحابها في المعارض بدون ما يوقفونها في المعرض 
فصحيح ان اسعارها ممتازه غالبا


up 1 down 3
siaf 348
قبل 6 سنه و 12 شهر



انت تتكلم عن سيارات قديمه  وعلى كلامك انها غاليه بمكانك تشتري موديل احدث صحيح كلامك  انا معك بشي هذا 

 وزيدك من الشعر بيت  موستنق الينور اخر نسخه  1967  مافيه بعالم الى   سياره نادره تباع بمزادت 130 الف دولار 

 انا اكلمك عن شعب مستهلك مو شعب رفاهيه  وطنخه واشتري اي شي بفلوسي  بس هذا الي ابي اوصله لك 


up 1 down 0
سكودر 14927
قبل 6 سنه و 12 شهر



اللي يقلك القديم احسن ولا احلى بالنسبة لي أعتقد انه ماعنده قيمة الجديد ويبي العالم يوقف عند الشي الي شراه وما يتحدث اذا مستخدم طبعا


لكن الي يعشق موديل معين بيدفع فيه ما يهمه السعر وتكون مهي استخدام كرف يعني للاقتنائ 

زي الي يقلك اخر موديل للكابريس الصابونة متاكد انه ما جرب الجديد ولا عنده قيمتها لأنه أحلى وافضل بمليون مرة


up 1 down 0
albroker99 742
قبل 6 سنه و 12 شهر



انا قبل فترة وللاسف لو كنت عارف كانت صورت كلامه الرجال وحفضته 
الرجال حصلته بقسم سيارات روزلويس وسايم روزلويس بـ40 لف ريال وموديلها  يمكن بالتسعينيات 
ويوم سامها يقول هذا سوق وطلب وعرض وسيارتك قديمة وهذا طول لسانه  ورحت ودخلت على رددوده 
وحصلته سايم كابرس بـ20 الف ريال ويتررجاء صاحب الاعلان انه يتصل عليه ويقوله انه جاد يعني شف بالله 
قسم بالله لم اكن اعلم انه يوجد بكم الهائل من الدلاخه هنا بالموقعع 


up 1 down 0
صوت العزاوي 523
قبل 6 سنه و 12 شهر



وايضا ابو ناصر انصح الاخوان بعدم شراء سيارات تويوتا ونيسان هنا بالموقع  والسبب الاسعار 
والله كنت شوف الاسعار هنا وااقول ما في امل اركب سيارة دام الاسعار كذا ولو تنزل المعارض تشوف العجب
بيعت قبل فترة قدامي فورد 2008 ابيض سعودي هلوز داخل 30 الف ريال فقط وجايب معه ورقة فحص 
وهنا بموقع مقلوبات  مقلبة ويطلبون سعر  فلكي وتوصل هنا 50 الف 
والمشكلة يبو ناصر لا جيت تشتري سيارة الاسعار فوق فوق سماء وما تحصل ولا نزلت سيارتك تبي تبيع محد يسومها حتى منك


up 1 down 0
صوت العزاوي 523
قبل 6 سنه و 12 شهر



وبخصوص اللكزس الدفع الرباعي المستمر  غير جيد ولاحضته من اغلب ملاك اللكزس هنا بالموقع
ما يمدحونة الافضل الخليجي يجي دفع خلفي وفقط 
والمستمر مشاكله كثيرة وتخاف منه 


up 0 down 1
صوت العزاوي 523
قبل 6 سنه و 12 شهر



كلام معقول وحكيم يابو ناصر وفقت بنقل الواقع 100% 100 + 1


up 2 down 1
ابــو ســنــد 10639
قبل 6 سنه و 12 شهر



السلام عليكم يبو سند وكل عام وانت بخير وبصحه وسلامه 
وين مواضيعك الي وعدتنا بها  واكرك  قاعدتجمع صور للموضوعك


up 1 down 0
صوت العزاوي 523
قبل 6 سنه و 12 شهر



^^^^^^
أهلين أخوي محمد وأنت بصحه وسلامه وتقبل الله منا ومنكم صالح الأعمال .... خلها على ربك بس بالفتره الأخيره تكاسلت واجد

وبعض الأحيان ماكون متفرغ  وخبر حذف المنتدى له تأثير كبير ومايشجع على طرح المواضيع لكن إن شاء الله لاحقين عليه

والبركه فيك و بالشباب المتواجدين 


up 1 down 0
ابــو ســنــد 10639
قبل 6 سنه و 12 شهر



اسعدني مروركم يااخوان


بالنسبة للمعارض انصح اللي بيشتري يشتري من الناس اللي تبيع ابعد عن المعارض نادر تحصل شي سعره معقول وابعد عن الشريطية
واحسن شي انك تنزل اكثر من مره للسوق عشان تعرفه زين لين الله ييسر لك وتحصل اللي تبي

اخوي صوت العزاوي منهو الرجال اللي يسوم الرولز والكابرس وليش تبي تصور كلامه ترا مافهمت عليك زين 


up 0 down 1
أبو ناصر 60
قبل 6 سنه و 12 شهر