استشارة بخصوص جيب لكزس

الصيانه وقطع الغيار مرتفعه صحيح

ولكن مشاكلة واجد !!! لا والله حمار مكدة سواء داخل البلد او بالخط او بالبر بالعربي موتر تحطه على يمناك وفوق هذا كله يمسك سعرة اذا كنت محافظ عليه ماعليك من كلام العذال واللي ماجرب اللكزس لايتفلسف عليك


روح لصناعية 17 وصناعية السلي وام الحمام والخليج ودور على جيب لكزس اتحداك اذا لقيت

مر على وكالة لكزس وشوف الملاك هناك هل يعانون من مشاكل تحصلهم جايين يسوون صيانه وتشييك فقط

بيض الله وجهك ما قصرت 

اكيدماتلقاه بالصناعيه لان عددها قليل وماحديتركه بالورشه 

يارجل لا تشاور على مثل هالسيارات لأن تويوتا ولكزس تلقى الواحد يطلعه وكالة ولا يسوي له صيانه عندهم ولا يهتم بالصيانه لأنها سيارات معروفه وذات جودة عاليه بغض النظر عن اسعار قطع الغيار ولعلمك قطع غيارها معقوله 

ولا تهمك بعض السيارات اللي اصحابها يتكلمون عن الضمان وهمهم الاول والاخير الضمان ليش انا شاري سياره عشان تمشيني ١٠٠ الف بس ؟ 

اخوي من ناحية المكينه والقير نفس vxr الفرق بالمواصفات . طبعا علامة اللكزس لها سعرها 

بالنسبة لقطع الغيار اللكزس فيها غلاء فاحش وهذا طبيعي على سيارة فخمه 

وايضا سعره غالي 
بس سيارة عملية ومريحة وموتر ان بغيته في بر ولا مدينة 

الفكسار بعد لا جاك فل ممتاز 

اذا رغبتك لكزس اشتر لكزس ولا تقرب الجكسار 

حتى ما تتحسف 

الف شكر لكل من شارك برأيه  والله يعطيكم العافية 

اخوي والله اني من مستخدمين السيارتين وتجيلك النصائح : 
اول شيء الكزس م يتقارن مع الجكسار او الفكسار من كثر مميزاته حتى القصايد والشيلات 
تحصلهم يمدحونه لكن اذا تقدر على سعره وقطع غياره اشتره لكن متى بتحط قطع غيار وينننننك ياذاك اليوم اللي اخر مره غيرت فيه القطعه الفلانيه  
يعني بالمختصر بتسأل الناس بيقولولك مافي سياره ماتخرب على حسب استخدامك لكن والله الكزس غيرهم 
معي 2008 من سنته للحين ماحك الا قماشات وزيوت وكفرات بس وكارفه كرف طبعا ماعندي سياره الا هو واطعس به واعطيه اخواني يداومون عليه اذا 
سياراتهم خربت وماخليبه ولا ديره لكن اذا صدمت به الله يعينك اقرب فرق بينه وبين الجكسار والفكسار علامته علامة اللكزس ب 1870 وعلامة التيوتا ب 80 ريال