نقاش-العمر الافتراضي للمحرك

وعليكم السلام ورحمة الله

عمره ينقاس بالاستخدام والله أعلم

لو عندك مكينية صينية حافظ عليها وغير الزيوت اول بأول وراح تعيش معك ان شاء الله

وعليكم السلام 
تعتمد علي الاستخدام النظيف

شف ابي اضرب لك مثال وانت افهمها

الاعمار بيد الله لاكن لاصار واحد مهمل بصحته ياكل اي شي ولا حركه ولا رياضه ومهمل كل شي
هل تتوقع ان يكون بصحه جيده

والثاني رياضي واكل صحي ونظيف العقل يقول ان هذا ممكن يعيش اكثر من هذا

السيارات مثل كذا انتظم بتغيير الزيت ولاتدعس لها والتسخين الي ثلاث دقايق ممتاز

احرص علي صيانتها وان شاء الله تعيش معك

عندنا هايلوكس ٩٨ماشيه ٦٥٠ الف وباترول ٢٠٠٠ ماشي ٦٢١الف

اكيد الاستخدام هو اهم عامل من عوامل عمر المكينة

يعني فيه سيارات ماشيه 200 الف او 150 الف موقفه في ورشة توضيب وفيه سيارات ماشيه 300 الف ومكينتها شد بلد وادائها احسن من ام 150


انا كانت معي سوناتا 2006 شريتها ماشيه 240 الف وارد امريكا مطلعها من صالة اداء مكينتها والبساتم فوق 95% وبعتها ماشيه حدود 310 وعليها وماشاء الله قيرها ومكينتها وكالة شد بلد واداء المكينة والبساتم ف حدود 92% وطالع شفت ان الاستخدام فوق كل شي

أتوقع حسب الإستخدام وأيضا حرارة الجو لها دور

مرة تابعت مقطع في اليوتيوب لرجل من السويد عنده سياره يستخدمها أكثر من 30 سنة وممشاها جاوز المليون وأمورها ف السليم يعني لم يسبق له توظيبها .

والله ياخوي مالها عمر محدد بتجربه مني جربت مواتر يقول انها تنقص لكن مانقصت معي  يعني تقدر تقول على حسب الرجل اللي تستخدم الموتر

كل شي يحدد عمره الاستخدام ماهو فقط السيارات ومكائنها :).
لكن كمقياس عملي..لايمكن ان تقيس الا المسافة..الاستخدام ماتدري عنه الا من كلام راعيها او تفحص مكينتها.
يقولك استخدام جراح..او شايب..بتصدقه والا بتروح تفحص؟

اول شي جودة المكينة يعني فيه سيارات مكاينها عالية الجودة وسيارات تكون رديئة 

طبعآ اللي يحافظ على المكينة بتعيش اكثر يعني فيه سيارات تلقاها وصلت ٢٠٠ الف وخبطت وسيارات كملت ٦٠٠ الف 

وطبعا احيانا تخبط المكينة بسبب الاهمال مثل ارتفاع حرارة السيارة يخبط فيها مثلا اهمال الجنزير او سير التيمن يسبب تخبيط والمكينة سليمه 


يعني عشان تدوم معك المكينة يجب عليك الاهتمام اولا والمحافظه ثانيا

حسب لاستخدام واتظام تغير الزيت والفلتر وتسخين السيارة مدة كافية بعد التشغيل........الخ ايضا حرارة الجو تلعب دور كبير من ناحية كثرة لاعتمتاد ع مكيف السيارة في ظل الاجواء شديدة الحرارة اكيييد راح يقلل من العمر لافتراضي للمكينة 

عداد القياس للمسافة فقط للقياس
اما طول عمر المكينة يقاس بالمستخدم نفسة >> الي يعرف للــ عوااااااامل الي تساعد في طول عمر اي منتج ..........
وبشكل عام المكاين الحديثة مصممة ع ان لا تطول مدة عملها 
عشان يحركوا قطع الغيار ومراكز الصيانة 

المكاين الي تطول مكاين الشاحنات الديزل ، وللسببين 1يرجع في نفس تصميم هذي المكاين الجبارة 2احترافية السائق

الاستخدام الجيد وتغيير الزيوت والفلاتر بانتظام تساهم في طول عمر المحرك ، شيء مهم آخر دورة التبريد أهم شيء يحافظ لك على المكينة إذا نقصت موية الرديتر بالتالي ترتفع الحرارة وبالتالي يتأثر رأس المكينة ثم البساتم والشنابر ، الرديتر إذا عرفت أنه خربان لا يجب عليك أن تمشي بالسيارة كثيراً بل يجب إصلاحه أو تغييره بأسرع وقت ممكن ، لأن بداية مشاكل الحرارة من الرديتر كلما حافظت عليه تضمن بمشيئة الله أنه ما يكون عندك مشاكل في حرارة السيارة ، والله أعلم .

أيضاً نوعيات المكائن لها دور ، المكائن الصغيرة القديمة ذات القوة الحصانية المنخفضة لا تتحمل السرعات العالية وبالتالي تتعب المكينة مع الوقت بعكس المكائن الجديدة ، فمثلاً محرك الهايلوكس الجديد من أجود أنواع المحركات وتضمن أن تمشي عليه فوق 800 ألف دون أي مشاكل طبعاً مع المحافظة .

جوده المكينه والاستخدام الطيب ... ولاتنسى في كل مكينه معامل احتكاك حاطه الوكاله عشان لاتمشي عليها مليونين كيلو هههههه ومعامل الاحتكاك يتاثر بادنى لفه عموما في اغلب السيارات تجي نسب معامل الاحتكاك قريبه من بعض بس تفرق كل ماقل معامل الاحتكاك عاشت المكينه اكثر اذا كان مستخدمها كويس واسال في النت اضن تقدر تعرف كل سياره كم معامل الاحتكاك فيها

لاطالة عمر المحرك ..
1- العناية التامة والمراقبة لزيت وماء المحرك ونوعية الزيت والماء المناسبين .
2- العناية بالراديتر والتوصيلات للمحرك .
3- الشكمان والقزوز ايضا تلفهما يسبب التهالك للمحرك .
4- عدم صيانة المحرك الا عند مختصين به .
5- السرعات الزائدة والضغط الزائد علی المحرك حتی يبدأ التقطيع بصوته ( التفتفة ) يقصر عمر المحرك .
6- الوقوف عن تشغيل المحرك لزمن طويل يسبب التلف لبعض أجزائه .

حسب جودة المحركات وحسن الإستخدام 

عندي ماركيز 2001
تعدت حاجز الــ 500 الف 

المكائن الحديثه اصبحت اقوى لانها تصنع من الالمنيوم وصعب تخبيطها

الله لا يوفقك

الله يحكم بيننا