أضف سؤال أو موضوع جديد          

تقريري عن تركيب جناح لكزس es 2014 بيدي مع الشرح بالتفصيل

up 12 down 1
a.a.77 2843
قبل 7 سنه و 2 شهر



السلام عليكم 




اليوم جايب لكم تقرير بسيط من عملي انا 
واللي هو تركيب جناح لكزس es 2014 




بالبدايه شريت الجناح من موقع حراج صناعه امريكيه ب 400 ريال طبعا كلنا نعرف اسعار عبداللطيف جميل و كيف الشطحات بالاسعار 




المهم نرجع لموضوعنا طلبته من الرجال و تقابلنا و اخذت الجناح




 و جيت للخطوه الثانيه ان الجناح يبي له رش و من هنا بديت عمليه البحث عن ورشه تضبط اللون و زي ما تعرفون اللون اللؤلؤي صعب تقريبا 




رجت لوفاء اللي بالصناعيه القديمه قال 1000 قلت نعم و من هنا و هنا نزلها ل 700 و سحبت عليه 




طبعا الكلام كله بدون تركيب المهم طلعت للبازعي جنبه و قال 650 و ما رضي يطيح ريال سحبت عليهم و رحت صناعيه العروبه و الف على الورش و كل ما شافوا السياره لكزس رفعوا السعر المهم بدينا ب 300 ريال عند اول ورشه 




رحت للي بعده و اللي بعده لين طحت بواحد قال اعطيك ضمان على الرشه سنه قلت ممتاز و كم سعرك قال 180 و احاول فيه و نزلها ل 150 




المهم رش الجناح لي و رحت للمرحله الاخيره اللي هي تركيب الجناح 
وبديت بمشوار طويل من عمليات الاستغلال ترطيب الجناح بلصق 3m وانا اللي اشتريه لهم كان ارخص محل يقول 120 ريال 
المهم احاول فيه ينزل لي كان رافض وقام يقول انتا سياره جديد فلوس كثير هنا انقهرت عرفت انهم ناوين يستغلوني 




ومن هذي اللحظه قررت اركبه بنفسي و جلست ابحث عن طريقه تركيبه و دخلت على فديو باليوتويب امريكي يركب على سيارته جناح بلصق 3m و مشيت على نفس طريقته و بشرحها لكم بالصور و الحمدلله ضبط و وفرت 120 انا اولى فيها منهم 








بالبدايه بكتب الاغراض اللي استخدمتها :
-الجناح 
-مقص 
-لصق 3m ابو وجهين من ساكو الواحد ب 12 ريال و بمحلات الزينه الواحد سعره من 25 الى 30 تقريبا 
-مشرط 
-شطرطون كهرب اسود و شطرطون شفاف 
-متر 
مناديل و علبه مويه 








بالبدايه حطيت الجناح و وزنته بالمتر من الجهتين 




بعدها حطيت شطرطون الكهرب على الشنطه بحدود الجناح عشان اضبط الوزنيه اذا جيت اركبه 




المهم حطيت مويه و مسحت المنطقه اللي بيركب فيها الجناح و نظفتها مضبوط 




و بديت احط لصق 3m على بطن الجناح و حطيت بطل نقطه ههههههههههه خايف يطيح 




المهم و ثبتت الجناح على الشنطه و ضغطته بقوه عشان يثبت 




و حطيت عليه شطرطون شفاف زي ما تشوفون بالصور عشان محد يحركه او يجيه لين يثبت 








و بكذا ركبته بنفسي و ضبط على السياره 




علما ان سعره مع الرش و التركيب بالوكاله فوق 2200 ريال 




خلونا نحسبها مع بعض كم كلفني 
400 ريال قيمه جناح 
150 ريال رش الجناح فرن 
24 ريال لصق 3m لان الواحد ب 12 و احتجت 2 طبعا من ساكو 
6 ريال شطرطون 




المجموع = 580 ريال مع الرش و التركيب و كل شي 




و ماشاء الله طلع مضبوط و اتمنى يفيدكم الشرح و اترككم مع الصور و اعذروني على طول الموضوع #اخوكم a.a.77




#الموضوع من جهدي الشخصي ما نقلته من احد#







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


رفض يحمل الصور :( 
وش الحل ؟


up 2 down 0
a.a.77 2843
قبل 7 سنه و 2 شهر



افا يالعلم حملها من متصفح ثاني متشوقين نبي نشوف الجناح ضبط ولا ماضبط


up 1 down 0
الرفاعي33 13914
قبل 7 سنه و 2 شهر



حاول تدخل من المتصفح قوقل كروم 
وثانيا خلك مثلي لا بغيت اصلح سيارتي البس ثوب نوم واحط شكلي متبهذل واهم شيء احط بالمخباة
الامام ريالين   لان مثل منت عارف بعضهم نظرة 3d  ويشوف كم بجيبك وحتى احيانا اجيب  صرف 


up 1 down 0
صوت العزاوي 523
قبل 7 سنه و 2 شهر



ماقصرت.. وهذا المطلوب من كل شخص يسوي مثلك بدل الاستغلال ذا 


اللي قال لك يرش لك الجناح ب 1000 مفروض انه يندفن مكانه ، وش هالنصبة

لكن عجبتني انك خلصت شغلتك بأقل التكاليف 


up 0 down 0
alkathiry 706
قبل 7 سنه و 2 شهر



واقسم بالله قهر كان ودي اشوف الصور حاول ترفعها ياخوي من متصفح ثاني او من كمبيوتر ثاني 




up 0 down 0
do8sh 208
قبل 7 سنه و 2 شهر



سلام عليكم ابغى استفسر منك الله يحفظك هل بالامكان التواصل


up 0 down 0
majjed1
قبل 6 سنه