أضف سؤال أو موضوع جديد          

سلامة الإطارات - معلومات تهمك عن كفر سيارتك

up 10 down 4
سآآآل 318
قبل 6 سنه و 5 شهر



احفظوا هذي الصورة عندكم بالجوال ؛ ولا جيتوا تشترون كفرات للسياراه عقدوا اهل المحل اللي بتشترون منه !

في اشياء مهمة جدا ممكن لا قدر الله توصل لدرجة حياة او موت ؛ مثل درجه الحرارة اللي يتحملها الكفر والسرعه ؛ 

وفيه اشياء غافلين عنها مثل مؤشر التآكل ؛ وتاريخ الصناعه والاحتكاك .. 

كلها مهمة وبتفرق معك ؛ انت كذا كذا بتدفع مبلغ وقدره ف الكفر ؛ ليش ما تاخذ احسن شي يناسبك ويعيش فترة اطول ؟ 


فيه شغله مهمة بعد وهي ضغط الكفر ؛ انا بصراحة من النوع اللي ما اشيك عليه كثير ؛ لكن اتضح انه لو ضغط الكفر مثلا ينقص عشره بس ؛ ف انت كذا بتحمل الكفرات وزن فوق طاقتها ب كثير؛ 

مثال لو ضغط الاربع كفرات كان ٢٠ بدل ٣٠ ؛ وانت ماشي به ولا همك ؛ ولا تدري عنه ؛ الكفر وقتها يكون يعاااني كنه شايل حموله ٨ اشخاص زيادة عن الوزن الطبيعي اللي يقدر يتحمله !!

شايفين الفرق البسيط بالهواء قد ايش يفرق ف تحمل الكفر ؟؟ عشان كدا الضغط لازم تراقبه بنفسك وهذي السيارات الفارهة كلها فيها مراقبه ضغط الكفرات لانه مهم جدا ؛ وترا صعب جدا تميز النقص البسيط بمجرد النظر

 ثاني صورة تبين طريقه تبديل اماكن الكفرات كل ٨ الاف كيلو ؛ front weel drive  للدفع الامامي و rear and four weel drive للدفع الخلفي والرباعي ؛ طريقة التبديل واضحة ف الصورة ؛ تعكس الكفرين وتحطهم مكان اللي عندهم الدفع ؛  

طبعا كل كفر يتآكل حسب موقعه ف السيارة من جهة معينة اكثر ؛ ف عشان يطول معك الكفر ويكون التآكل متساوي ومايحبل الكفر من جهة ومن جهة ماجاه شي ؛ غير موقعه ؛ 

بسسس هذا الموضوع كله ؛ واترككم مع نصيحة اخويه ..

لا تسرعوا اكثر من ١٣١ عشان لا يجيكم اللي جاني بالصورة الاخيرة :'(

تبا لـ ساهر هذا وانا اهدي لما اشوفه ؛ اللي ب ٣٠٠ هذي طريق الدمام المدينة .. جدة الدمام .. وحده بالروحه ووحده بالرجعه ؛ وال ٣ اللي ب ٥٠٠ هذي طريق المدينة جده بيوم واحد ؛ المشكلة كل ما شفت ساهر هديت وضربت فلتشر وشوف كم مخالفة جت ؛ اجل لو ما اهدي ولا انتبه له ؛ كم كان جتني ٢٠ مخالفه ؟ 

 انتهى ؛ مع تمنياتنا لكم ب قيادة آمنة ؛ ومخالفات مسددة غير مدبلة :) 

 وصلى الله على سيدنا محمد وعلى آله وصحبه اجمعين ؛ 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكورا
على المعلومه المفيده 


up 3 down 0
نواف f15 81
قبل 6 سنه و 5 شهر



يعطيك العافيه +1 لايك للجميع


up 3 down 0
الشرقية1 266
قبل 6 سنه و 5 شهر



حياكم الله شباب ؛ نورتوا وان شاء الله انكم استفدتوا :) 


up 1 down 0
سآآآل 318
قبل 6 سنه و 5 شهر



انا اذا بغيت اروح لشرقيه اثبتها 120 لانها قريبه وخطها زين

اما الغربيه خطها طويل امشي اخر النهار عشان اشوف سواهر اخر حبة ساهر في حلبان بعدها 160 بس قبل ضلم ركد الوضع ههههههههههههههه


up 3 down 0
ابو ابراهيم2021 350
قبل 6 سنه و 5 شهر



خخخخخ شيخ يا اخي انا عادة عاقل ؛ من بدأ نظام ساهر ما اخذت الا مخالفة بخط تبوك من سنة ؛ ومخالفه وانا راجع من الدوام كنت مفهي ع ١٤٠ هههههههههه

بس الله يهديني اول مرة تطيح بيدي سياره عدداها ٢٦٠ :# واددددددددعس 

وعاد مو قاهرني ف هذي المخالفات الا اني اشوف ساهر واهدي ؛ عاد اللي مصورني شلون مصورني ؛ شلون مخبينه !! الله اعلم ؟ 




up 1 down 1
سآآآل 318
قبل 6 سنه و 5 شهر



معلومات مهمه والله يعطيك العافيه

وبخصوص ساهر والله حرام خصوصا الخطوط الطويله

يعني 120 ياخي على الاقل زودوها

انا رحت من الرياض للكويت مشيت من الرياض 3 ونص ولادخلت الكويت الا 12 ونص الظهر

على سرعة 120 صحيح انه امان بس الخط طويل وممل بهل السرعه

جدا لازم يلتفتون لهل النقطه لان انا والشاحنات نمشي سوا بنفس السرعه مايصير الكلام هذا

يعني لازم نتحايل ونلزق لوحات وكل قبل تفتيش نفك اللزاق وقروشه وفك وركب

والله حرام خط طويل يعني اللي ساكن بالشرقيه وبيروح لمكه تقريبا فوق 1200 كيلو لازم يدخل للرياض ثمن

يروح لمكه بسرعة 120 صدقوني ساهر بالخطوط جدا سيء


up 1 down 0
amear 1347
قبل 6 سنه و 5 شهر



اي والله صادق يا عامر ؛ 

بس عاد تدري ؛ شي لاحظته وقت رجعتي للرياض ؛ من طريق الطايف طبعا ؛ لان روحتي من القصيم ؛ الموهم ؛ انه السرعه ف طريق الطايف الرياض ١٢٥ ؛ ماهي ١٢٠ ابد ؛ انا اول لوحه شفتها شكيت انهم مخربين الصفر مسوينه خمسة تعرف شعبنا مايسلم منه شي ؛ رغم اللوحه سكلها نظيف مو ملعوب فيها ؛ لكن تاكدت من اللي بعدها واللي بعد بعدها كل اللوحات ١٢٥ ؛ هذا ببداية الطريق ؛ حتى ساهر مافي ؛ ولا تصورنا الا لما قربنا من الرياض ؛ اخوي كان يسوق وقدامنا تشارجر مسرع ؛ وللاسف كنا قريبين منه ؛ ويجيك صندوق ساهر تحت الكبري ؛ فلش فلاش واحد ؛ والظاهر انه اخذ لنا صورة جماعية ههههههههههههههههههه


up 1 down 0
سآآآل 318
قبل 6 سنه و 5 شهر



تسلم ي صاحب الموضوع


وبخصوص التصوير الجماعي نعم نعم صورني واللي قدامي فلاش 1


up 1 down 0
snoon 335
قبل 6 سنه و 5 شهر



مشكور اخوي على المعلومات


والله يكفيكم شر الطريق وما يترصد بكم


up 2 down 0
amh2222 418
قبل 6 سنه و 5 شهر



اجل مشتغلنا صور جماعية ياحبه ساهر للفلوس ؛ يوفر حتى بالفلاش ههههههههههههههههههههه

اهم ؛ امين امين يارب والسامعين :"(


up 1 down 0
سآآآل 318
قبل 6 سنه و 5 شهر