لكزس es250

يمكن تكون خليجيه لان الكزس والتويوتا وحتى التورس منتثر بالاسواق من الخليج اذالسياره نفسها من عبداللطيف جميل خذها ولاتشاور قبل ماتروح واذاخليجيه تاكد من الظمان حقها انوساري عند ابولطفي لان السيارات الجديده كثرة مشاكلها وبدات تخوف- اليوم انابوكاله هنداي واحد جايب سياره الظاهراكسنت 2014 فيها طقه بالقير

بالله مقتنع فيها بهذا المبلغ تركب موتر مافيه اﻻ علامة ﻻفخامة وﻻ مواصفات وﻻ مكينة لو اني مرة صامل على ماركة ابو جميل ﻻخذ افلون على الاقل وﻻ اشوف بديل من شركة ثانية وعندك الجنسس الشكل القديم ب124 فل ومكينة 3.8 

135 الف في 4 سلندر ! عندك خيارات كثيره افضل منها وهي امبالا او تورس او حتى افلون

الاسعار تتفاوت من وكاله الى وكاله يا الغالي

انا اشور عليك انك تاخذها من عماد الدين واساله عن الضمان وهل يشملها ضمان ابو جميل

والصيانه ما عليك منها ماهي مهمه

السياره بتمشي 100 الف ولاتطلب منك ان شاء الله الا بواجي وفحمات

حرام تدفع فيها السعر هذا .. صدقني لو فكرت شوي بتقتنع البدائل افضل وكثيييييره!!
شوف مواصفات الامبالا بالقيمة اللي بتدفعها في سيارة خاليه من المواصفات!

اذا انك تسمع الشور فكر فيها تراه 135 الف مهب مبلغ بسيطة تدفعها في سيارة مافيها شاشة ونفقيشن مافيه بانورام تندته صمعاء وشكله سيئ وفوق كذا دباب اربع سلندر وش الله حادك اذا انت مررة مقتنع من الموتر شف لك es350 فئة cc واخوي يمتلك واحد يفرق 180 درجة خذ لك واحد مامشى الا 10 الالف او 20 على حسب ولا تاخذ لك واحد مع احترامي مايستاهل ولد خالي شراء نفس موتر اخوي طبعا ماطلعه وكالة مثل اخوي شراه مستعمل خليجي طبعا وشاملة صيانته في عبداللطيف خذاه بحدود ال 150 وفيها يزيد او ينقص شوي ماذكر بالظبط لكن ماشاء الله وكالة كنه موتر اخوي وفيه عازل وجهيه وتظليل وله جناح بحكم انه خليجي طبعا اتكلم عن 2013 ال 2014 اظاهر نزل جناح لcc لكن نصيحة لاتدفع فوق المية الف في اربعة سلندر ... اتمنى اني افدتك وتقبل مروري ولا تنسى تستخير

ياعزيزي امس زميلي اشترى نوع جديد اسمه CA 6 سلندر بفتحه سقف بدون بانوراما ب 147الف ريال يوجد خصم بالوكالة مقداره 10 الاف ريال
لموظفي ارامكو - الاتصالات-سابك-البنك الاهلي لو تعرف اي واحد من قرايبك بهالشركات خليه يطلعها لك بالسعر االى ذكرت لك 147الف ريال فقط وبالتوفيق

إذا اشتريتها علمني يقولون الالنترا 2000 سي سي تطرحها الشكل القديم 

عندي وحده وحاب اتقاوم معك 

شاكر لجميع من رد

انا اشتريت الفل منها وسعره 200 الف
ولكن السيارة 124 الاستاندر حلوه عزم جيد وفخامة 
اذا حاب لكزس توكل على الله اما اذا براسك سيارة ثانية فالاستخارة افضل لك