محتار بين ES2014 أو GS2013-2012 h او LS2010-2009

احسن شي تاخذ es  جديده وعلى يدك تاخذ مستخدمه تحصله حقت ورع ماما ماعمره صينها ولا سواء فيها شي ولا تعرف استخدام راعيها 

 خذ جديده اقل شي تشممم ريحه وكاله ماتحط فيها ريال 

على فكره ls  صيانتها متعبه انا اعرف شخص بعضيب  لو تشوف فواتير صيانه  تمسك راسك وتهج بس من راعيها  

 ساعده عميد فلاني    مدير بنك  فرع العليا  وهي كبيره وسواقتها مريحه بعيد عن زحمه  بس es   تقدر تخيط فيها بدائري 

حط في بالك ان الجي اس دفع خلفي نقطه مهمه لا تفوتك 

أبو ندا
يعني هو بيشتري سيارة عشان يدعس بها ويدرفت ؟؟
ما اشوف انه شي مهم تكون السيارة دفع امامي ولا خلفي 

كلامي نفس كلام اخوي سكودر

الاي اس صيانتها مثل الافالون والاوريون 
وفيها لمسة فخامة وغير كذا بتصير جديدة على يدك 

الـ LS قطعها غالية وصيانتها مكلفة 
لكن راحة وفخامة لأبعد حد

الـ ES خيار مناسب 
موفق

الجديـــد لذيـــذ

لو إنك مانت في حفريات وشوارع الرياض كنت بنصحك بالـLS

لكن بما إنك بالرياض وحفرياته
وتبي تشم ريحة الوكالة خذ ES ومبروك مقدماَ


أو انتظر شوي وتاخذ جينيسس 2015 الشكل الجديد
ينافس E-Class و 5-Series وGS وسعرها فل كامل 175 ومواصفات لا تنتهي!!!
لكن إذا أنت مستعجل الـES

شكرا للجميع.. ولا زلت بانتظار أراء بقية الإخوة
الأخ : علي.. تصدق كنت تو أشوف موضوع عنها...
لست مستعجلا.. أستطيع الانتظار حتى شهر رمضان... كم سعر السيارة ومتى يتوقع وصولها

انتظر جينسيس الجديده 

طيب متى بتطلع؟؟؟؟

والله الجنسيس الجديدة شي خرافي 

ألماني بحت

الجنسس وصلت الرياض انصحك وبشده فيه مقطع باليوتيوب منزله شخص في صالة الوعلان بالرياض يعرض لك جميع المواصفات وتصوير وتوضيح رائع

بس يقولون 200000 ريال !!

ارشح ال GS اما ال ES فاشله اللي محليها علامة اللكزس فقط انصحك بالجي اس خصوصا ان المويدلات الجديدة كلها ٦ سلندر يعني صيانتها نفس الافلون والاوريون وال اي اس 

وموديل ٢٠١٣ او ٢٠١٢ مااتوقع يمدي صاحبها يستهلكها وماراح تكون ماشيه كثير وافحص زين واستخر قبل كل شي 

الجديد حبه شديد
جديد يعزك ولا مستخدم يذلك 
انصحك بes ماراح تفكر في خرابات اقل شيء 4 سنين

انت دراهمك في حدود 200الف اواقل حرام تشتري سياره مستعمله بهذالمبلغ وله خمس سنين فك وكاله احسن اوخذ2013 gs ماشي قليل وافحصه بالوكاله اذاالموترشبه جديد وماشي اقل من 50الف خذه غيركذا لا ابعد عنه ولاخذ الاي اس جديد احسن

جينيسس استاندر يقال ب149 الف ريال
ويمكن يوصل من 179-190 الف ريال

ومواصفات الفل كامل مثل الالماني
4 كاميرات و6 سلندر وتبريد تسخين مراتب وعدسات ولمبات LED امامي وخلفي
ورادار وشاشة مقاس 9 الظاهر وشاشة بالعداد وتحكم بالخلف وكثير ما اقدر اذكرها
يعني بالاختصار مواصفاته افضل من LS 

طيب وش رايكم بالكرايلسر ؟

لوكنت مكانك اخذت LS 2010