أضف سؤال أو موضوع جديد          

كتمه وتفتفه مع زياده الدعس

up 0 down 3
maldkheel 521
قبل 8 سنه و شهر



السلام عليكم ومساكم الله بلخير

كما في العنوان عندي مشكله في لكزس es سته سلندر

موديله 2003 حبيت اعرف هل قطع الكامري القراندي تركب عليه والاريون والافلون كبعا المقصور القطع الكهربائيه والميكانيكيه



عندي مشكله ضعف في عزم السياره والسياره واقفه امبير ظغط المكينه نازل وتحس بتطفي واذا دست علي دعست البنزين تحس زي مايغبل وتتفتف الي غايه 3 ومن بعدها تصفى طبعا والسياره واقفه


واذا مشيت السياره بطيئه جدا وتمشي تدريجيا وعزمها طايح بلمره واذا دست عليها زياده في اول التسارع من 20 وطالع السياره تقطع خفيف وتلل وزي الي تفقع داخل المكينه مثل طع طع طع ومعها تلتله وعزمها جدا ميت واذا مشيت 120 وثبت السرعه من اقبل على طلعه ك كبري مثلا تبدى في التلتله وتغل السرعه ومن ثم ينزل نمره





فرحم الله والديكم لاهل الخبره لمن مرت عليه هلاعراض في سيارته وحصل الحل يفيدنا رحم الله والديكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الكويلات 100% حصلت لي نفس مشكلتك بالضبط وصوت من الشكمان مثل الفرقعه ... 


up 0 down 0
ابو سعود629 4708
قبل 8 سنه و شهر



طيب يا ابراهيم مايصير من دبات التلوث ولا من طرمبه البنزيم ولا تهون يبو سعود


الشكمان مافيه صوت الفرقعه قدام صوب المكينه


up 0 down 0
maldkheel 521
قبل 8 سنه و شهر



شوف طال عمرك انا صار لي شهر ماني بعارف وش مشكلتها كانت لما ادعس بنزين بقوه تتفتف وتقطع لازم اسايس الدعسه + اذا وقفت عند اشاره كأنها بتطفي وعداد ال rpm ينزل ويرتفع وخاصه مع تشغيل المكيف +لما ابغى اتجاوز بعد سرعة 120 تحس فيها تقطيع بسيط لازم تدوس بنزين بشويش , وافحص كويلاتك وتأكد وصوت الفرقعه كان من عند المكينه لكن من الحماس قلت لك عند الشكمان ههههههههههه


up 1 down 0
ابو سعود629 4708
قبل 8 سنه و شهر



تسلم والله يبوسعود والله اني كاره اللكزس بسبت هلمشكله

الورش عطوني احتمالات كثيره نفس اعراض سيارتي تنطبق على مشكلت سيارتك


up 0 down 0
maldkheel 521
قبل 8 سنه و شهر



جرب غير الكويلات وترا الورش نصابين كل واحد بيفتي لك بشي , طرمبة البنزين لو سخنت السياره ماتشتغل معك على طول لذلك انا استبعدها المشكله عندك 80% من الكويلات 


up 0 down 0
ابو سعود629 4708
قبل 8 سنه و شهر



شوف اسلاك البوجي 
اللي يوصل لرأس المكينة الثاني
اللي في الخلف 


up 0 down 0
majedeln 139
قبل 8 سنه و شهر



رحم الله والديكم


طيب ان شاء الله مومن طرمبه البنزين


طيب ماتصير من دبات التلوث



وان شاء الله في حال حل المشكله بعطيكم العلم الاكيد


up 0 down 0
maldkheel 521
قبل 8 سنه و شهر



حبيبي شغلتك بسيطه جداحبيب قلبي مشكلتك بسيطه جدا جدا ولا تكلف شي ومعلومه مهمه لك انت ولاعضاء
ولا تكلف شي وانت تعملها واذا ماصلحت قول ابومطلق مايفهم شي في المكانيكا 
لاكويلات ولا بخاخات ولا طرنبه بنزين اكثر من شخص تصادفه المشكله ويخسر فوق ٣٠٠٠ ريال علي غير نتيجه المشكله الوحيده عندك حساس الشكمان عدد ٢ يمين ويسار عند الكنداسه غيرها جديد باذن الله ترجع مثل اول وسعر الحساس بحدود الاصلي ٤٢٠ ريال وكاله للواحد
 


up 0 down 1
ماجد mot 10851
قبل 8 سنه و شهر



نصيحة من اخوك المجرب. رح افحصها كمبيوتر و ريح راسك. هناك أكثر من خمسين سبب محتمل :) 


up 1 down 0
nezarnuaimat 733
قبل 8 سنه و شهر



رحم الله والديكم


البشاره يا اخوان



انحلت المشكله طلع عندي الربلات الي تربط بين الثروتل وقربه الهواء فيها قطوع وغيرتها بحق كامري 6 سلندر جديد اصلي ب 65 ريال وربي لك الحمد ضبطت ميه في الميه ماقصرتوا


up 6 down 0
maldkheel 521
قبل 8 سنه و شهر



وين تكون الربلات حقة الهواء لان المشكله عندي


up 0 down 0
عبود الوافي
قبل 5 سنه و 6 شهر



ربلات الهواء المقصود فيها


الربلات او الاهواز الموصلة بين قربة الهواء والثروتل


up 0 down 0
maldkheel 521
قبل 5 سنه و 6 شهر



شكرا لك
نفس المشكلة


up 0 down 0
adil433 51
قبل 4 سنه و شهر



ممكن حساس الايرماس هذا يخلي دعسة السياره ضعيفه وتحس انها بتطفى


up 0 down 0
اتعبتني جرووحي
قبل 2 سنه و 8 شهر