كثره بيع او عرض لكزس 570

ادخل على اي سياره بتلقى لها اعلانات للبيع ... الناس عندنا مزاجيات اللي تجيه ظروف واللي عنده زيادة فلوس وحب التغيير واللي متعود على سياره مريحه وماعجبه الجيب ولاتنسى الشريطيه يشترون مجموعه من الوكالات ويبيعونها

صحيح 2008 دوورت ما لقيت مره في الموقع بس من 2009 الى 2011 كثير

لاكن خذ نصيحه اللكزس معروف انه حق كرف وياباني ياباني

وشكل ما شاء الله ان بغيت شبابي خذ وان بغيت رسمي كذالك وان بغيت عند الشيبان عز الله انهم مغرزين عنده

لاكن انت ابحث في المواقع عن عيوبه اذا لم يوجد فا توكل على الله واستخير والله انه موتر بر ولا خط

ومبروك مقدماً

الكزس ونا اخوك لا تدور فيه عيوب جميع الفئات انت توكل واستخر الله واقدم وانت مغمض وخاصة بتطلع وكالة اصفار يعني حط ببطنك بطيخ صيفي لو صار شي ترجعه لهم ويبدلونك بواحد جديد حسب علمي وفقك الله ورعاك

يجيبوه من امريكا بسعر ارخص من هنا ويكسبو فرق حدود 15 الف ريال

اخوي الله يعطيك خيره ويكفيك شره حط في بطنك بطيخ صيفي
زين ما اخترت جيب لـــكزس ارقد وآمن وفالك طيب 

انا بالنسبة لي ماقدر الله وركبته ... لكني ركبت لاندكروزر في اكي ار 2012 مكينة 5,7 (مكينة اللكزس) موتر موتر ... انا لو افكر اخذلي لكزس ب400الف باخذلي في اكس ار ب280الف وشوف كم بتوفر

وعليكم السلام ورحمة الله،،، ما شاء الله تبارك الله ،،، توكل على الله أخوي ومثل ما قالوا لك الأخوان السيارة رقم بالسوق1 وهي فخر الصناعة اليابانية حقيقة ,,, أما بالنسبة لكثرة العروض فالسبب الأول لأن أكثر اللي يشترونها ضعوف في الحقيقة يأخذونها للفشخرة الكذابة شهر أو شهرين ويبيعها أو يتنازل عنها بخسارة بسيطة ، والبعض يبيع لدواعي التغيير والبعض الأخر للسفر ! والبعض يبيع ليستفيد من قيمة الجيب في شراء أرض أو عقار ’’’ لكن الغالبية مهايطية بالعامي.

وين ا حصلته ياشهر 07 بهذي القيمه 280الف اذا كان سعودي وغير موجود في الوكاله وبسعر 296الف او في المعارض 305الف والخليجي الفل مواصفات لكزس 365الف يمكن قصدك في اكس ار 2012 مكينه4.6 خليجي في هذي نعم السعر هذا موجود