مساعدتكم لي رجائا

الكزس الكل يشهد له انه موتر  قوة وتحمل
وقطعه غالية شوي بس مقبولة لانه موتر يستاهل
واذا نظيف توكل على الله وخذه

سياره غنيه عن التعريف  مايحتاج 

بس هل انت رجال عندك فلوس تقدر تصلح الخربات والصيانه والقطع الاستهلاكيه 

ترا مو كامري ولا افلون ولااي سياره عاديه  قطع غياره نارررررررررررررررررررررررررررررررررررر 

اللكزس تعتمد على من كانت معه   خذها مني  ( حسب قيادة )
اذا كانت مع واحد  يعفس ابوها يوميا مشاوير وسرعه  عز الله انك بتتعب وراها 
اذا كانت استخدام حشمه  انصحك فيها 
اهم شي وانا اخوك ابحث عن وحده  مافيها صدمات ولا رش ممشا قليل وابحث عن الاستخدام الزين  وتعرف هالشي 
من نظافه السيارة الداخليه وصوت المحرك ومشيها وعزمها 
والله يوفقك 

انا استخدم الجي اس من 10 سنوات استخدمت جي اس 300 موديل 2002 ثمان سنوات وبقول لك الخلاصة والحين معاي 2008 430

ممشى السيارة يوم بعتها اللي هي 2002 كان 638 الف طبعاً هي خبطت على 580 الف تقريباً ,, السيارة من يوم اخذتها مارحتها نهائي كرف كرف بشكل غير طبيعي وسرعتي المعتاده من 200 وفوق وعزم بطل ورساوه غير طبيعيه والله ضربت علي كفرات في كل الجهات الاربع وانا امشي 200 وربي انها راسية .. بالمختصر سيارة حقة كرف وعزم ..

نجي للمشاكل :

المساعدات ماتطول ما ادري ايش السبب وبعدين غاليه جداً مساعداتها بالتشليح تحصلها نص عمر 400 ريال والجديد حدود 1000 ريال طبعاً للمساعد الواحد ..

الاقمشة تكفيك من 3 الى 6 أشهر اذا كنت تضرب فرامل كثير وسعرها غالي شوي الامامي 300 تقريباً والخلفي 240 ريال تقريباً

نظام مانع الانزلاق او الـ ABS يخرب عليك فجأه بدون ماتدري غيرته مرتين والثالث فيه تهريب زيت وسعرة بالتشاليح 2500 ريال والتركيب 300 ريال

الفرامل لك عليها يبي لك كل شوي توزنها وتخرط هوبات او تمسحها بشكل بسيط عند تغيير الفحمات ..

طقم الشمعات الامامي 1200 ريال والكشافات 300 ريال

البواجي فيه 40 ريال دنسو وفيه حقة الوكالة 680 ريال والنهدي حدود 600 أو اقل بشوي
كهربائية او ليزر كل شوي لها مسمى بس ام اربعين ريال حلوه وتمشيك سنتين كحد اقصى


سعر المكينة بالتشاليح 3500 ريال مكينه كاملة بالدينمو والكمبروسر والبخاخات واسلاك البواجي و الصدر او نص مكينه 2000 ريال هذا بتشاليح الصناعية القديمة


هي سيارة كرف للأمانه وخراباتها قليله مررره ولكن قطعها غاليه جداً

الله يستر على عرضكم يارب و يسهلكم من كل خير والله انكم رجال  ما عليكم خلاف الله يسعدكم 

وخصوصا انت يا ابو ناصر قسم بالله ريحتني يوم قلت الماكينه كلها ب 3000 

الله يسعدك ما اخفيكم انا لسه في بداية حياتي و راتبي ما يتعدي ال 3000 الاف 

بس والله اني رغبان فيها من قلب 

كان معي دايو ليغانزا دفعت فيها لحد 18 الف ريال اصلاحات وبرضو نفس المشكله تعبتني بهذلتني وربي 

اللكزس اشوفها تستاهل كل ما يجيها الشكر وربي كثير الشكر

السلام عليكم.    هههه ذكرتني بالدايوو.  كانت معي  طلعت عيني في يدي    صراحه اهم الشي النضيف 
محركات وعضلات. وشاصي  اهم شي.  رش تجميلي. ممتازه   اشتر وتوكل علي الله. وفحص. الفحص لا تنساه