اليوم رحت لمعارض النسيم وحصلت تفاوت في اسعار لكزس es 2014
2
2
إضغط هنا للإخفاء
السلام عليكم
اليوم يالربع رحت لمارض النسيم كنت أبحث عن لكزس es2014 350 cc وكالة اصفار وارد البريمي
طبعا قبل لااروح المعارض رحت عند ابو جميل وحصلت عنده لكزس اقل من الفل بدرجة قيمتها 183الف ريال او 182الف ريال ماني متأكد
واليوم رحت المعارض وشفت تفاوت بالاسعار عجيب جداً وهي كالتالي :
171الف ريال شامل ضمان ابو جميل 3سنوات او 100 الف كيلو واللوحات والرسوم وكل شي وممكن ينقص 1000 ريال يعني يصير المبلغ 170 الف
المعرض الثاني 170 الف ريال شامل كل شي
المعرض الثالث 176 الف شامل كل شي
المعرض الرابع واللي صدمني حقيقه 165 الف ريال بدون رسوم .. لكن اذا بغيتهم يتحملون الرسوم فيصبح السعر عليك 166 الف ريال شامل كل شي
طبعاً انا جاهل وعليمي بالسيارات وعلى هذا سألنا 3 اشخاص عن الفرق بين البريمي وابو جميل .. وكل شخص وعنده معرض :
الشخص الاول قال : مافيه فرق غير ان اللكزس بالخليج رخيص ومتشبعين منها ويجون يدخلونها السعودية ويبيعونها بأرخص من جميل ( يعني اساسا سعر الخليج ارخص من ابو جميل )
الشخص الثاني قال : الفروقات في بعض المواصفات .. قلنا كيف ؟ قال البريمي يجيك جناح والسعودي(ابو جميل ) بدون جناح !! طبعا ماقتنعت بكلامه لاني شايف عند ابو جميل لكزس نفس طلبي وبجناح !
الشخص الثالث قال : تبي اضمن ولا مش حالك ؟ قلنا اكيد اضمن .. قال اضمن لك عبداللطيف جميل .. قلنا ليه ؟ قال لان اللي تجي من برا ويستوردونها من البريمي ماتدري عنها تجي الميناء ويتلقطونها .. كل احد ياخذ ويجي يبيعها لك وارد البريمي ولا تدري عنها ( انا هنا ماقتنعت ولاخش مزاجي كلامه لانه صاحب معرض متعاون مع ابو جميل ) لكن قال شف :
فيه مشكلة بتصير من ناحية ضمان الصيانه بيني وبين البريمي وانا أبيك تصبر اسبوع لاني راح انزل عرض قوي وهو ( ضمان 6سنوات او مليون كيلو متر / بمعنى عدد الكيلوات لامحدود ) وبسعر 170 الف ريال واقل من الفل بدرجة وجناح وكل شي
انا بيني وبينكم قلت دام ضمان 6 سنوات او كيلوات لامحدوده وبسعر 170 الف وبنفس المواصفات اللي ابيها فرحت وانبسطت وقلت انتظر اشوف نهايتها مع ابو 6 سنوات هذا .. ( لكن جاء ببالي شي : ان دام بينزل الى هذا السعر فمعناته المعارض الاخرى اللي بالنسيم بتصير اقل منه ب10 الاف تقريباً )
الأمر اللي فاجأني ياجماعة الخير : اني لقيت لكزس فل كامل dd 2014 بسعر 183 الف ريال بمعارض النسيم شامل الضمان وكل شي ( بريمي ) وهذا بنفس سعر نص الفل عند ابو جميل!!!
الله ييسر ياجماعة والله ثم والله ان المعارض لحسسسسة مخ خاصة اذا كان الواحد محتار قسم بالله راسي قفل مالنا الا الاستخارة والله يكتب اللي فيه الخير وصالح ان شاء الله
إبلاغ
الردود
1
0
حذ لك وكالة خل يزيد السعر ولا يغشونك
قبل كم يوم فية لكزس جديد في معارض النسيم المهم واحد راكب يجرب الموتر وجالس بكل ووقاحة يدعس فية وتسمع صوت المكينة وانت في الحي الثاني بعدها ينزل من السيارة ويجي المقرد الي بعده يشتري السيارة على اساس انها جديدة وهي ملعبو فيها لعب
0
3
0
1
0
1
0
0
بالنسبة لاصحاب الديسلايك الله يصلحهم : يعني يقالك الحين اني اكذب ؟ هههههههه ياخوي الله يصلحك انت وياه رح شغل موترك ولايردك الا معارض النسيم وشف بنفسك ويمكن بعد تحصل اقل مما حصلته انا ..
وفقكم الله اينما كنتم جميعا والله يحييكم واحد واحد للي حط لايك او الديسلايك
2
0
وتأخذ سيارة كاملة المواصفات وبدون تشليح وتلفيق وبسعر اقل .
وعبدالطيف بيقبلها غصب حتى لو قلت مدة الضمان لأن بعد 100 الف حرام تشيك بالوكالة لأنهم نصابين والأسعار نار تشوف لك ورشة محترمة وتشيك
عندها وقدام عينك
0
0
0
0
0
0
0
0
واللي يبي تويوتا او لكزس انا اشوف البازعي من افضل الخيارات
اولا المواصفات مثل الخليجية وافضل من عبداللطف
ثانيا موجود عندك وعنده صيانه لو ظهر اي مشكله بالسياره تعرف وين تلاقيه وهو مؤهل لحل المشكله
0
0
الله يعينك وتحصل سياره الي تريحك وسعر زين
لكن بقولك شغله معارض نصابين + شريطيه
بتكلم لك عن وكاله العيسى نيسان
الماكسيما مسوين عليها عرض بسعر 89 الف طبعن نص فل طبعن ماكسيما 2013 2014 فئه الاستاندر تجي حساسات اماميه وخلفيه وتجي كشفات بعد
الفرق بين النص فل والاستاندر مافيه فرق الى بتحكم بسرعات القير بدركسون وزينن بس هذا الفرق بيننهم
المعارض وش يسون يشترون الاستاندر ويبعونها 90 الف طبعن يقولك هذي نص فل وهي بي الاساس استاندر
يعني شف كيف النصب لن الناس متعودين على ماكسيما من موديلات 2010 الى 2011 ان فئه الاستاندر تجي بدون كشافات وحساسات
يعني شف وين وصلوو للكذب وحمايه مستهلك وزاره التجاره في نوم عميق
على قولت مصري صاحب معرض العب ياعم ماحد حولك
قبل 10 سنه و 9 شهر