أضف سؤال أو موضوع جديد          

تشغيل اضاءه االسيارة الصباح

up 32 down 20
صوت العزاوي 523
قبل 7 سنه و 3 شهر



 السلام عليكم ورحمه الله وبركاته  
ان شاء الله انكم بتمام الصحه والعافية      حبيت ااشكر 
كل من دخل على مواضيعي السابقة  وعطاني لايك بذات ابراهيم  وابو يزيد لاهنتو وشكرا لكم 
واقول الي يمشي على مواضيعي وينزل نقاطي  الله يرزقك بميه مليون ريال ويشغلك بنفسك ويخليك ما عاد تدخل المنتدى
   

ياخوان مثل منتم ملاحضين مع الصباح الباكر الاجواء تكون بارده  وتنخفض درجة الحرارة بليل  
والنتيجة تحصل   ماء على سيارتك  على الزجاج  يحجب الرؤية او تحصل ناس سهرانه  وما تشوف 
او ضباب الجو يكون قبيس وللاسف بعضهم ما يشغل انواره  وماادري ليه  مع ان بامريكا 
 لو تلاحضون اغلب سياراتهم الانوار شغاله على طول  حتى لو بالنهار وهذا يخفف من الحوادث 
قبل فترة جاءها ضباب كثيف  جدا اختفت بيوت وعمائر ومحطات وما عاد تنشاف وحتى السيارات 
ما تنشاف الا الي مشغل نوره 
 انا  قبل فترة قبل لا تطيرر نقاطي   صورت  زجاج سيارتي  الامامية   ثلج شغلت المساحات وما نفع 
 وخفت اكب ماء حار فيه شعر شطبه على الزجاج خفت يتوسع  طلعت بمكان مشمس وما نفع 
ارش ماء ولا نفع وتوكلت على الله الى ان وصلت للكلية  ولسى الثلج موجود
 واترككم مع الصور  ووللاسف اكثر من 70% محد مشغل نوره ولا ينشاف  ماادري كيف عايشه العالم ذي
    اخوكم محمد العنزي محافضة حفر الباطن 

ونقطة اخيرة الي بيضحك يكتب بمجاال البحث عن عضو اكتب الناطل فقط واستمتع بعضويات 





















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


محمد وين نقاطك!!!!! 

وصادق أحيان تكون الأجواء ضباب ومحد يشغل الانور وتلقاه مسرع 


up 1 down 1
احمممممدها 1117
قبل 7 سنه و 3 شهر



إذا ما تبي تصب ماء حار على القزاز جب ملح وافركه على الثلج ..
يذوب بسرعه 


up 0 down 3
أبو درعان 522
قبل 7 سنه و 3 شهر



 ابو درعان الناس رايحه للدوامات وشغلها ما هو وقت ملح وفرك 
   a h y     طارن بسبه موضوعين  
الموضوع الاول النكته عن اليماني 
والموضوع الثاني صورة  نادرة لمهندس شوارع السعودية 
 ونسيت لا اصور الموضوعين  وقت الحذف  
وشاكر مروركم 


up 6 down 11
صوت العزاوي 523
قبل 7 سنه و 3 شهر



انت بالرس ؟

الأماكن تقل مألوفة


up 0 down 2
a_aa_ma 1
قبل 7 سنه و 3 شهر



بالنسبه للسيارات الآمريكيه مثل الجموس والسيارات اللي فيها خليه بنص الطبلون يصير فيه بمفتاح اللمبات وضع اوتو auto

هذي ياخوي حساس للضوء إذا جاها نور طفت الانوار واشتغلت الانوار النهاريه الصغيره

وإذا ماجاء نور او نور خفييف تشتغل الانوار على طول من نفسها ، وهذي ميزه حلوه بالسيارات الأمريكيه


up 2 down 1
hmada1213 2018
قبل 7 سنه و 3 شهر



صوت العزاوي كل يوم اعطيك لايك حبة مساء حبة صباح مدري ليه أي واحد اشوف نقاطه قليله اصكه بلايك احسه مزنوق <<<<راعي فزعات


up 5 down 6
عبداللطيف الحبيب 81
قبل 7 سنه و 3 شهر



اخوي مدري بس الصوره السادسه حي المحمديه صح .. وبنسبه الحل هو تشغيل مدفئ القزاز الى علامته اسهم
في اغلب السيارات موجود دايم اسويها


up 1 down 1
مهراس الزهراني 1338
قبل 7 سنه و 3 شهر



بالنسبة للقزاز الامامي 
اذا جاها ضباب وزي كذا ماعاد تشوف
شغل المكيف ع الحاااار وارتفع التوجيه للاخير وبتدعون لي 


up 2 down 1
فوازالعمري -44
قبل 7 سنه و 3 شهر



يعطيك العافيه أبو حميد على النصايح الثمينه وملاحظ بعض الناس مايشغل اللأنوار في مثل هذي الضروف ولو تسأله يقول أنا أشوف

زين .... طيب صحيح أنك تشوف زين لكن من المهم أن تشغل اللأنوار والإشارات حتى غيرك يشوفك 


up 0 down 2
ابــو ســنــد 10639
قبل 7 سنه و 3 شهر



موضع يستحق النشر والتقييم 
لان الضباب يحجب الرؤية كليا في بعض الاحيان والانوار اكيد لازم تشتغل


up 1 down 0
مكرشم 59
قبل 7 سنه و 3 شهر



السلام عليكم 

 اخوي صوت في سيارات خصوصن جديده فيها هويات حقت قزاز  تهويه 

 بحيث اذا جاء ضباب  هوايه وضيفتها  تمنع تبخر وتهوي اماكن قزاز   




up 1 down 1
سكودر 14928
قبل 7 سنه و 3 شهر



اذا جاء طل على القزاز حط شغل المكيف اللي في الطبلون على البارد


up 0 down 1
التاجر الموفق 404
قبل 7 سنه و 3 شهر



لامو ع البارد يالتاجر
حطه ع الحار 


up 0 down 1
فوازالعمري -44
قبل 7 سنه و 3 شهر



مساء الخير.صباح الخير
مازدا 6 2014
شباب انا استأجرتها من عند ذيب لتأجير السيارات
مشيت فيها 900 كيلومتر
وطبعا كنت ناوي اشتريها لأن منظرها الخارجي خرافي
بعطيكم رأيي الشخصي.وقناعتي.حتى لاأظلم الشركه ولا ملاكها
طبعا الستاندر
المميزات/
ثبات اكثر من باقي فئتها من السيدان
مانع انزلاق + مانع انغلاق
تكييف شيء فوق الممتاز
كانت درجة الحرارة 48-47
تحكم بالتسجيل بالدركسون
يابانية الصنع بالكامل
مرايا تغلق للداخل بالكهرباء
تشغيل بزر مكان مفتاح السويتش
امسك بريك واضغط ستارت وتشتغل وتطفيه بنفس الزر
زر تشغيل وليس بصمه
وسيعه من الداخل أقصد 
( غرفة السياره )
مطبها حلو وناعم مايكسرك
صرفها للبنزين جيد ﻷني كنت جالدها وداعس ومو دعسه وحده
لذلك ماأقدر أحكم بشكل دقيق
لكن رغم ذلك مافي استهلاك عالي
طبعا 6 ايرباج.حسب كلامهم
ههههه
الحمدلله ربي ستر علي ماجربتهم
الأهم واللي محمسني ومحمس أغلب الشباب للسياره ونكون صريحين
الشكل الخارجي الشرس
اللي فيه شويه من اللكزس 300
وشويه من ال امبالا
بصراحه منظر كل الناس تلتفت عليه
وتتأمله حتى لو كانوا يملكون سيارات سعرها أعلى
ماحد يتجرأ انه يحط نفسه معك في تحدي سرعه لاخط ولاقومه
مو لأنها الأسرع
بالعكس وربي تماما
بس الشكل له هيبه ياشباب
.. ...
نجي للعيوب^او مالم يعجبني/
الداخليه للسياره
داخليه أقل من أقل مستوى للشركات الصينيه فما بالك باليابانيه
والله الجيلي الصيني افخم منها
انا اقول فخامه وليس متانه
يعني تدفع حوالي 94000 قيمتها اقساط
ستاندر ماعليش
بس مافيها ذرة فخامه
ازرار مكيف تافهه
طبلون مدري ايش ييغى
اسود وبسسسس
تقول مميعين بلاستيك محروق وصابينه في بيتهم على شكل طبلون
المسجل غبي 
يقولون ست سماعات
والله السيراتو الستاندر افخم منه
وصوت أبدا مو حق حجم للسياره
كراسي تقول كراسي سبورت مشدوده بشكل غريب التنجيد
وغير مناسبه أبدا
العزم لايرتقي لفئتها ولاحجمها
بيطرحونك لاتهايط
انا مجرب اكورد وكامري وسيراتو
من 2010 على 2014
واوبتيما 2014 فقط
المازدا عزمها ماهو مناسب أبدا
أتكلم عن الستاندر 2000 CC
أنوارها الأماميه وقوة الإضائه سيئه
يعني تمشي على العالي
معي سيارة افيو2013 نسخة 2014
من العمل ماشاء الله أنوارها تتعدى نور المازدا بكثير
المصيبه الأكبر فيها
العزل الخارجي
سلاااااااامات راكب موستينج؟؟؟
أسمع صوت المكينه وحنتها
أسمع صوت الشارع
احتكاك الكفرات بالإسفلت ويزيد اذا اختلفت خشونة الاسفلت
مدري بس لاحظت انها الأقل بالعزل الخارجي بفئتها




باختصار
1-انا كنت اتمنى شوية فخامه من الداخل
2-وزياده بسيطه بالعزم عن ماهي عليه
3-وعزل خارجي أفضل بقليل
وعلى طوووول رح أخذلي تعريف راتب من الشركه وأخلص مع الوكالة حتى قبل تسليم موتر الأجار




هذا مامنعني عنها
من يقرأ كلامي يركز على اخر ثلاث نقاط
ان لم تكن تهمه فليتوكل على الله ويستخير .
بالنسبه لي لاتهمني المتانه لدرجة اني اتنازل عن باقي المواصفات الثلاث اللي ذكرتها
واللي بيسألني طيب ايش قررت
بقولكم انا مستخدم
لذلك مايهمني ابيع السياره بدون خسارة كبيرة دامها اقساط اساسا مابكون خسران بعد مدة الاستخدام
بجرب البيجو 508 مبدئيا مواصفاتها غير معهوده
ولكن لابد اجربها قبل اتورط بقسطها 3 سنوات


up 0 down 1
صوت العزاوي 523
قبل 6 سنه و 9 شهر



يا اخوان والله ما ادري ليش النقاط السلبية , ودي اكتب شيء وما اقدر من ها النقاط , اعوذ بالله

أقول الله يرزقنا نقاط ايجابيه , بس


up 0 down 0
sir.shaki -9
قبل 5 سنه و 5 شهر