أضف سؤال أو موضوع جديد          

هذا ما حصل معي

up 6 down 1
ابو فهد الشمالي 100
قبل 9 سنه و 3 شهر



السلام عليكم ورحمة الله وبركاته
ابحث عن لكزس is  من موديل 2007 الى 2009 ولقيت مطلوبي 2007 استخدام امريكي ماشيه 112 الف ميل وتصلت على صاحبها وتواعدنا لفحص السياره وكان تكلفت الفحص 200 ريال ودفعتها انا المشتري  وتم البيع وقلت له خذ عربون حتى بكره اصرف الباقي قال ...لا خليها بكره مرره وحده قلت تم وبارك لي بالسيارة. دقيت عليه من بكره مارد حاولت معه بالاتصال مارد ولا مقفل وبعد يومين رد. قال أبويه ماوافق .... قلت له طيب رجع ال 200 ريال حقت الفحص والى الان ياخوان يماطل بحقي  انتبهو هذا رقم إعلانه  1132925







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السياره ماشيه 132 وانت تقول 112 !!! السياره شكلها نظيفه ومتعوب عليها يبدو انه صاحبها لغى البيعه وسحب عليك وتردد في اخر لحظه ... على العموم اصبر على الرجال شوي يمكن صارله ظرف لانه لحد الان عارض موتره للبيع ولو بيهرب كان حذف اعلانه ... وان ماتمت البيعه لاتزعل نفسك يمكن تكون خيره لك من ربك والله صرفها عنك


مساكم الله بالخير .

اذكر زميل ليا راح يشتري تريلا قلاب المهم , الرجال شاف الموتر وفحص وكل شي تمام فمد يدة للرجال وقاله شريت .

رد عليه صاحب التريلا وقاله بعتك . يقول زميلي لما جيبت الفلوس وخلاص ناوي اوقع المبايعة الى وصاحب التريلا غير راية

وقالوه زميلي انتا بعتني قاله انا هونت . واكلت مع زميلي لأن باعه الرجال المرة الاولى ..سبحان الله بعد ماراح زميلي يدور

موتر ثاني الا وسمع خبر عن التريلا الي صاحبها رجع في كلامة بعد اسبوع خرب الدفرنس حق التريلا .

عسا ان تكرهو شيأ وهو خير لكم وعسا ان تحبو شيأ وهوشر لكم .. الزبدة

يمكن لك فيها خير انها ماتمت البيعة وصاحب السيارة تجيه من الله دام انة خلف وعده واخذ منك 200 الكشف ولاباعك موتره

تحياااااتي *


up 2 down 0
أبو ميان . 154
قبل 9 سنه و 3 شهر



احمد الله واشكره انها بس ميتين ريال بعدين قدر ضروف الرجال لو يعني هو بيسحب عليك كان خذا العربون منك والله يعوضك
بانظف منها وارخص


up 2 down 0
عبدالله فريح 837
قبل 9 سنه و 3 شهر



كلمة حق ... المفروض ترجع فلوسك , الرجال باعك وتمم والرفض جاء منه بعد ماعطاك كلمة ( والشراء والبيع من كلمة ) .
بس لو وقت الفحص لقيت خراب جامد هل تكمل ولا تنسحب وهل تدفع ولا تتركها له ويدفع مع العلم انك انت المشتري ولازم تدفع وتتأكد من سلامتها.
وكلامي ان الرجال عطاك كلمة وتمم ومازال عارض السيارة
والصراحة تحز في النفس بس احتسبها عند الله صدقة عن عمرك :)


up 2 down 0
roooma 724
قبل 9 سنه و 3 شهر



مادام اتفقت خلاص المفروض يرجع المبلغ اذا بطل لنه اعطا نية البيع وتهاون فيها والمفروض انت بما انه عجبك الموتر اقرب معرض وسوي مبايعه ولايقدر ياخذ السياره بس ان شاء الله انها خيره لك ويعوضك الله بموتر انضف منه 


up 2 down 0
princ 18873
قبل 9 سنه و 3 شهر



يمكن تكون خيره لك ولاتتحسف ولاعاد تفكر بسيارته يمكن يرجع بكلامه ويبيع لك الموتر وماله نيه بالبيعه ويمكن وقتها كان متردد بالبيع لكن ربي يعوضك بأحسن منها
فيه شي مهم اي سياره مستورده من امريكا خذ رقم الهيكل حقها وطلع تقريركامل عن السياره يمكن تكون تعرضت لحاودث او غيره


up 1 down 0
ابو نواف 954 1771
قبل 9 سنه و 3 شهر



والله العض مدري وش يحس...طيب اسال ابوك قبل ماتربط الرجال معك


up 2 down 0
الهن...ا 1712
قبل 9 سنه و 3 شهر



يسر على الناس ولا تعسر ترى الوقت هذا وانا اخوك وقت مناسبات زواج ههههههههههه

والمدات قطعت قلووبنا هههههه لكن ان شاء الله ما يضيع حقك


up 1 down 0
أبوعوض 2209
قبل 9 سنه و 3 شهر



لو تركنا حقنا ولو قل ... لفتحنا باب للسرقة والاختلاس لهذي الأشكال 

تحياتي لكم ولردودكم اثلجت صدري 


up 3 down 0
ابو فهد الشمالي 100
قبل 9 سنه و 3 شهر



صح لصانك ابو فهد . فعلا لو تركنا حقنا ولو قل لفتحنا باب للسرقة
:)


up 1 down 0
roooma 724
قبل 9 سنه و 3 شهر