استفسار عن صوفة المكينة لـكـزس 96

ياخوي

غاليه

تلقى بالموقع ايرباج سليم وشاص سليم

ب 14-15 الف

بعد 
لفلفة الورش..
نصيحة..
خد المتكلف ولا يكلفك ..

المساعدات 1250 وطقم كفرات أقل حاجة 1000 وصوفة المكينة في حدود 60- 100 + 200-400 شغل يد 
لان لازم ينزل القير - حسب حد علمي 

وبهدلة الورش أنت في غنى عنها 

زود عليها لو تقدر 
وخد نظيفه أحسن لك 

شوف يا الحبيب

صوفة المكينة الخلفية سعرها 140 ريال عند وكالة ابو جميل

و لازم تغير معها صوف الجير الأمامية عشان ترتاح مرة وحدة سعرها 70 ريال

شغل اليد 300 الى 400 ريال لأن تحتاج تنزيل الجير

المساعدات ارخص شيء 250 ريال ياباني KYB للمساعد الواحد يعني اربع ب 1000 ريال شغل اليد يوصل ال 500 لأن المساعدات الخلفية يقولون شغلتها معقدة المساعدات الأصلية الوكالة قيمة الواحد 800 ريال في الوكالة اظن حول 600 عند الموزعين

الكفرات قيمة الكفر الكويس حول ال 400

فيعني حول 1600 لأن جنط اللكزس 16

انتبه لعدة اشياء دايم تخرب في اللكزس

علبة الدركسون يا الطارة ثقيلة يا تهرب زيت

المقاعد و التكايات ونفس الدركسون في الغالب تلقاها مقطعة و تحتاج تنجيد

قيمة التنجيد اقل شيء 1500 جلد الماني

السي دي عطلان و شاشة المسجل عطلانه

تصليحها يكلف حول 1500

فتحة السقف تعلق

انتبه لحرارة المكينة و لا يكون تخلط زيت و موية خراب شائع ( شوف عيار الزيت لا يكون زايد )



واذا الأيرباق طلع فمعناة السيارة جايتها صدمة في الواجهة و تلقى الشاص مشي حالك ملووح

و ما ادري عن وضع المكيف و الكمبروسر

و وضع الأستمارة و الفحص و التأمين



باختصار دور على سيارة ثانية لكزس انظف منها لأن من سعر السيارة باين انها مستهلكة

و راح تتعب وانت تلفلف في الورش و الصناعية و ما هو اي واحد يصلحها


السيارة ممتازة جدا من ناحية الرساوة و العزل و التكييف و الكرف

بس الي يبغى الدح لا يقول اح

و انصح اذا اشتريت غيركل الليات المتعلقة بتبريد الجير

و ليات علبة الدركسون لأن تحصلها منتهية و تجنبك مشاكل كبيرة


و الله ييسر لك امورك

اشكركم جميعا على ردودكم ..

طيب كم تستحق السيارة ؟