هل في مشاكل في لكزس es350 موديل 2013 اشوف عليها عروض وانا كن

2014 نزل ويبون يصرفون اللي عندهم

هاذا حركات ابو جمل اللي هو ابو جميل يسوي عروض عشان ذا العالم تنهبل وينكبون عليه يطقطق عليهم يارجل ينزله بغالي يطيره لكبد السماء ولين جاء نهاية السنة وبينزل الموديل اللي بعده نزلها لسعرها الاساسي عشان يبيع ذي ويفتك ويتفرغ للجديده ولا يبقى عنده دفعات من السيارات وبعدين هو يسوي كذا لانه شاف العالم سحبت عليه وكلن التفت للكوري حتى شركات التاجير والشركات بشكل عام صاروا يشترون هونداي فكل شارع تلقاها ... زبدة الموضوع الموتر مافيه شي ان شاء الله معي اخوي واحد فئة cc مافيه الا العافية اشتر وتوكل على الله كانك معزم بس حط في بالك ان مراتبه صغار ومهيب مريحه نصيحة مجرب ... تحياتي

يبي يصفي مسوي تصفيات 

كل الوكالات تسير على هذا المنهج

وماهي الا خطه تسويقيه

اول ماينزل الموتر يكون سعره مع المربح الحقيقي مثلا 130

الوكاله تخلي سعره مع زيادة ربح اول مانزل ب140

يعني بدل ماتبيعه ب130 وتكسب 10 الالف

تخلي سعره 140 وتكسب 20 الف


نهاية السنه يقولون سوينا عرض وتخفيض وصار سعره ب130

والمفروض انه يباع من اول السنه ب130


بس بدل مايبيعونه ب 130 ومكسب 10 الالف ونهاية السنه لازم يخفضون عشان المديلات الجديده ويصير قيمته 125 فيصير المكسب عنده 5 الالف


فلازم يشحطون السعر فالبدايه

ويتوهم العميل انه سعر الموتر نزل الى 130 بعد ماكان ب140


وفي الحقيقه المكسب الاصلي لهم هو 130


وكل سنه لابد يصير عروض في جميع الوكالات لتصريف المديلات القديمه

ياليت تفيدنا بالعروض 


وتفاصيل الاسعار

لا انا اقولك السبب كيف تشتري لكزس وهي 4سلندر كامري اطلق وسعرها فوق 160الف

على 4سلنر وغير كذا مواصفاتها ناقصة جدا

يارايق السيارات الرجال يقول لك es350 تقول له 4 سلندر هاذاك 250 الله يصلحك

وبالنسبة لاخوي شاقح فعلن كلامك صحيح 100 بالمية وللاسف حنا مستغفلين يا الشعب وقليلن منا الصاحي واللي يفكر بالشي هاذا نشتري وبس وقصد 2000 وطواعين وسدد ياذيبان والعالم مستانسه واخرتها يطلع عليك الموتر ب 200 الف مع تامينة ويقولون لك مسوين تخفيض الا قل رجعته لسعره الاساسي ياحرامي تدري عاد واحد يقول لي والله اعلم ان اللكزز es350 في امريكا طبعا مافيه الا فئة cc , dd بس ابو جمل هو اللي يلفق من عنده وسعره عندهم فل الفل بعملتنا 135 الف ... ممكن يكون كلامه صحيح وابو جمل لاعب على العالم يبيعه ب 182 والناس تشتري

والله اللكزس حق عبداللطيف جميل تلفيق في تلفيق...
اجل اللكزس es350 فئة cc سماعاتها زي سماعات الكامري...وسعرها ١٧٠ والله مبالغ فيه...
بأمريكا سعر السيارة ١٤٠ الف ومع الإضافات تقريبا ١٥٠ الف وفل كامل ياباني ١٠٠%

السبب العمله نازلة حقت اليابان والمستودعات ملايانه حتى لو باع براس المال هو كسبان الى الان ىالناس مانتبهو للعملة 

اشكر كل ما تفاعل مع الموضوع ولكن اقصد ان هناك عروض هنا في حراج ومستعمل وغيرها من اشخاص ماشية قليل 3000 الى 10000 الف كيلو ومالها عنده اكثر من خمس اشهر ويعرضها بفارق سعر حوالى 20000الف من مشتراه ؟؟؟ وكل ما سلت احد منهم يقول جاني ابتعاث او يقول ابي اجدد رغم عدم نزول الجديد

اشتر و توكل على الله 

يا شباب الكزس 350 فيها عيوب واعطال ومن العيوب تسمع صوت الهواء وقيادتهم مونفس قيادة الموديل القديم اما الا اعطال كثرة احتراق الشمعة الا امامية نظام التشغيل عن بعد لا يعمل في بعض الا اوقات

الكزس 350 من 2013 حتئ 2016 Es مشاكلها وعيوبها كثيرة في البنوراما وفي بعض القطع والعزل سيئ