حافظ ع رشه الوكاله الام قد ماتقدر

يمكن الرشة هي اللون الاصلي الي يكون اللون فاتح وخالي من الشوائب

والمكان الي ما رشيته اكيد ما تلمع من فترة وعليه شوائب ومتغير لونه ويحتاج تلميع عشان يرجع لونه؟

احتمال كلامي صح واحتمال غلط .. اترك الجواب لاهل الخبرة

بس عشانه جديد 
سو له تلميع ومع الوقت والشمس يرجع زي القديم

الرد الاول اقرب لصح،،
في نوع من التلميع اسمه تلميع مـــــــــائي سوه ع الجنب القديم لانه يكون بالصنفرة وتلميع ،،،

وتلميع عادي للجنب الجديد...

للاسف مافي حتى الان ورشة رش بوية بالمملكة تضبط رش الوكالة 100% نادرا جدا ورش تنعد على الاصابع وغالين مررره 

اذكر رشيت جنب السيارة كامل, وبعد فتره صار فيها بقع صفرا تقول بزر توه متغدي :(

أنا واحد صدمني ورشيت الرفرف عند ورشة أبو تركي بالشفاء ماشاء الله تبارك الله زبطوا الرشه مزبوووووط واللون يختارونه بالرقم مو شفلك لون مطابق له ورش زي بعض الورش أنا لوني أسمه ثري دي تورش وهالورشه يمدحونها ناس كثير والكبوت عندي ألمنيوم وعدلوه بالحراره حتى الرفرف عدلوه بالحراره بدون معجون لأن المعجون تبهت معاه البويه مع الزمن وتتقشر وكلفت 3000 ريال طبعا تأمين لأن اللوح اللي صدمني الغلط عليه ميه في المائه 

 الورشه الي رشيت عندها فاشله  اسمح لي  اقولك  ان  الي رش لك بويه ماعنده  سالفه  فيه ورشه عندنا اسمها الجزيره 

 رش عنده راعي جيب لكزس 2011  رشوف له بيبان  رشوها رشدت وكاله حتى من قوه رشه الي يشوف سيارته من شريطيه يقول هذي ماقد رشت  

أنا بالدمام ورشيت سيارتي لون لؤلؤي يعني صعب يضبطونه تقول 90% زي حق الوكالة ولا يبين الفرق الا من واحد محترف ,, ولو لمعتها أتوقع ما يكشفها الا الجهاز

أنت شكل اللي رش لك الموتر ما عنده سالفة ,, فيه عندك ورشه اسمها برج العرب اذا لفيت من عند سهم يمين بتحصلها على طول على يسارك جنب المنصور شغلهم مضبوط بس غويلي شوي
وفيه ورشة القارات قدامها تقريبا ,, ما جربتها لكن كثير يمدحونها.

شاكر مروركم اخواني وانا والله اول موتر ارشه لانه هو الوحيد الي طول معي 
ورشيت صحيح عند ابو هنود واقلقني ميه ميه 
وفي الاخير نص الدراهم ما اعطيته وسحبت عليه 
مريت القارات لكن سعرهم اغلى من الوكاله وبعد مارشيت ندمت والله ورجعت  الليله لهم واتفقت معهم بعد العيد 
ماشا الله شكل شغلهم مضبوط حصلت عنده لكازس وانفنتي مواتر تثبت ان سمعته طيبه وشغله مضبوط 

وين موقع الاهلي لاهنت

يعطيك العافيه ماقصرت

انا معي كيا ريو وقدر الله علي وصدمت بالواجهه الاماميه ( كبوت وصدام فقط ) وطبعا وديتها للوكاله على حساب التأمين المهم السيارة وقفت شهر عند والوكاله على ما تجي الموافقة  رحت اشيك على الموتر واتفاجئ ان الرفرف اليمين مصدوم ودخلت على مدير الورشة واهاوش قالي بكل برود بنغيره لك  دخلوا السيارة  واجيهم بعد 3 اسابيع والاقي الموتر جاهز  واخذ لفه حول الموتر والاقي الرفرف مسمكر والسمكره واضحه زي وجههم وارجع لمدير الصيانه واقوله الرفرف مسمكرينه قالي ماعليك  بنغيرة لك بس تعال بعد يومين قلت الشكوى لله ماشي واجيهم بعد يومين  لقيتهم مغيرين الرفرف قلت الحمدلله واستلم الموتر ويوم اروح عند البيت والاقي الباب اليمين في اختلاف في اللون واضح جدا واشيك على الربلات حقت الباب والا في اثار بويه قلت حسبي الله ونعم الوكيل الحادث كان كبوت وصدام خلوه كبوت وصدام ورفرف وباب والمشكله فرق اللون واضح حتى في الليل وما اقول الا حسبي الله على وكاله الجبر شغل زباله ولا كني موديها وكاله ولا شي واسف على الاطالة لكن من القهر على الموتر توه جديد

مواد البويه تلعب دور كبير
اهم شي اللون يكون مطابق للوكاله لان شركات البويه كثيره
وكل شركه تنافس الشركه الثانيه
واغلب اصحاب الورش الي ما يخاف الله ولا يخاف على سمعته قدام الزباين يشتري بويات ابو كلب ويرش فيها سيارتك
قبل فتره يمكن اسبوعين مريت ورشة الوفاء بالصناعيه القديمه
قلتله ابي ارش صدام امامي فقط
قالي بالفين ريال هههه يالهوووي
قلتله ليه قالي المواد الي عندي مش موجوده عند اي احد ويمكنه صادق بس شي مبالغ مررره

ياشباب انا عندي مشكله عندي الصدام الخلفي رحت ارشه بسبب خدوش فقط الصدام ! ويوم جيت ابيع الموتر حصلتهم راشين الرفاف عشان يطبقون اللون وش الحل

هذي الحركه يسونها الشركات عشان اللون يجي مطابق مع أني أشوفها حركه غبيه