الحذر عند تغيير زيت السيارة

السلام عليكم ورحمة الله وبركاته

اليوم يا اخوان صار معاي موقف وحبيت اذكرة لكم للتذكير فقط واخذ الحيطة والحذر الناس ذبحها حب الدنيا ...

بحكم اني مسافر بكرة للديرة قلت خلني اغير زيت السيارة واشيك عليها ,, طبعاً رحت للبنشر وبعد اخذ وعطى وسحب الفلتر وتنظيفة بالهواء ومحاولاته المستميته أني اخذ واحد جديد من عنده مارضيت قال وش نوع الزيت قلت سوبر جيتي فوكس العلبة السوداء البلاستك .... طبعاً مثل ماتعرفون فيه ثلاث او اربع عمال بالمحل .. واحد من العمال طق الميانه واخذ يسولف معاي ويسحبني بالكلام الين طلعنا برى البنشر بيوريني محل زينه يبني اشتريه وهو بيتقبله ..

الشاهد بالموضوع بعد خمس دقايق جاء خويه وقال الحساب 80 ريال قلت كم اخذ علبه قال ست قلت لا سيارتي خمس ونص بدون سيفون وبالسيفون ست علب .. قال اوك اشوف الباقي لك رحت وسألت عن العلب البلاستيك اللي تم تعبئتها لي قال رميتها ؟؟!!!!!! قلت وينها فيه قال شوف هنا بالكرتون قلت ياشيخ مايمديك وحصلت علب حديد فوق عدد ثمان علب تقريباً وباين توهم مفتوحات ..

تهاوشنا واخذ وعطا بالكلام وكنت بكلم الشرطه قال تبي الصدق نسيت وعبيت لك حديد قلت غيرة او بكلم الشرطة ,, غير الزيت القديم وعبى زيت علب بلاستيك قدامي بدون مايتكلم ولا كلمة والمشكلة الزيت يوم نزله والله تقول كأنه زيت دوار الشمس مو زيت سيارة خفيف مرررة

انتبه يسحبونك عن سيارتك ويطق الميانه معاك راقبة بكل صغير وكبيرة كذلك علبة الزيت تحصل تحت الغطاء طبعة علامة فوكس مصمغه بشكل قوي

إبلاغ

سيارات للبيع

الردود

عندكم مراكز بترومين و ون ستوب زود 15 _20 ريال اضمن لك وشغل نضيف

ناصر الأحمري 855
قبل 11 سنه و 3 شهر

تسبب لي عامل غيار الزيت بتهريب وخراب صره زيت المكينه طبعا مابي اظلم اي واحد لاني اتعامل مع محلين مره هناء ومره الثاني على حسب المهم خربت وغيرتها واشك في واخد من المحلين الغريبه انه كويس ويسولف معي ويبين اهتمامه بسيارتي واحيانا ينصحني لا تغير كذا مايحتاج وكانه صاحب السياره بصراحه ارتحت له المهم شكيت فيه لانه مره وانا اسولف عليه قلت انا اغير عند محل ثاني اذا انا قريب من المنطقه وفي وقتها يوم خلص غيار زيت وسكر الصره ويوم قام يشد عليها بقوه الى ان السياره تهزهزت قلت وش فيه قال السره مغيره ثم عاد هو اقولك خفيف نفس كان الموتر له خدوم يقوم ويعط على السره تيب شطرطون حق السباكه وقلت ليه خربت قال مغيره السره قلت شلون قال مايحتاج خلي عليها تيب بس ولا ابي احقد ولا احط في ذمتى بس زينتها في الصناعيه المهم في المستقبل باكد عليهم يتتبهون على الصره طبعا مع تغير المكان اللي اتعامل معه مع تغير نوعيه العمال الى العماله الهنديه

بوسعد123 180
قبل 11 سنه و 3 شهر