وش رأيكم باللكزس

بخصوص اللكزس لاتسأل سيارة عملية وتحفظ قيمتها بعد البيع وكذلك سيارة كشخة

بخصوص ابو جميل اللي تشفع له حاجة وحده وهي سرعة توفر قطع الغير ومستحيل تروح لأي وكالة لتويوتا ويقولك نجيب القطعة طلبية فيهم توفير للقطع بشكل عجيب ...

الصيانة ماعمري شفت احد يشتكي منهم للأمانه وابحث بقوقل نادراً تحصل مشاكل في الصيانة ..

ابو ناصر
واضح انك ما استخدمت تويوتا ابداً
انا طالب دينمو مروحه كامري 2005 كملت الان 6 شهور مابعد امنه لي الوكيل
اول ما طلبته كان في الشتاء والحرارة عندي اذا مشيت ماعليها الدنيا براد
بس يوم جاء الصيف تورطت ولا حصلت تشليح 6 سلندر وبعد البحث طبقت عليه دينمو هوندا وطبق نفس الشي
وارخص من تويوتا المهم الان ابي استرجع الـ 500 ريال اللي اعطيتها وكاله تويوتا عربون عشان يطلبون لي من اليابان على حد قولهم ورفعت طلب وصار لي اسبوعين انتظرهم يتصلون علي وما اتصلوا مادري الـ 500 حقتي بتفقرهم لو رجعوها لي

اخوي بايع كامري 2010 ما يحصل لها فحمات كل مره يطلب ينتظر من شهر إلى شهر ونصف
والا رح اشتر من السوق صناعه هنديه مضروبه تصفر بعد إستخدام اسبوعين

نصيحتي لك اشتر هونداي سنتافي يشبهه بالظبط وقطعه أرخص 80%

والله انصحك نصيحة أخو..ونت كيفك

خذ الكزس وتوكل على الله يشهد الله أني أحط القطعه  ف سيارتي وأنسى منها وصدقني لو تستخدم الكزس معد تدور غيره ،،،

عموما اللكزس سياره راقيه وتتحمل ومن ناحيه القطع موجوده وبكثره .
بس ما افيدك في ال RX ,

ابو كيان انا معاي لكزس جي اس والحمد لله ماعمري طلبت قطعه الا واحصلها عندهم وكل اللي اعرفهم مايشتكون من توفر القطع هذا بخصوص تويوتا واتحدا

اما انك ماتحصل فحمات كامري 2010 قوية ترى مر النهدي وكيل ابو جميل وراح تحصل عنده حتى دينمو الكامري راح تحصله

وياصاحب الموضوع اشتر كوري وقطع الغيار اقل بـ 80% ولكن بعد سنتين بيطيح سعره 80% ولكن اللكزس ماراح يطيح ولا 10% من سعرة بلااش نكذب على انفسنا عشاننا نكره ابو جميل لأنه ناجح يا اخوان السوق يحكم لاتقولي شريطية ومن هالكلام

بالمختصر : الزين غالي والناجح محارب

^^^^^^^^^^^^^^^^^^
اعجبني اسلوبك الناجح محارب ترا الناس تبي جوده مو نصب وتلميع لشركه فاشله كل قطعه من ديره وتركيب ابو هنوده وتقول ناجح ناجح من الخبول الي يقتنعون ان تايوتا باقيه على جودتها مثل اول 

خذلك سنتافيا هونداي ب120 الف وكاله افضل 

حبيبي ابو ناصر
انا ماعنيت لكزس بكلامي بس انت جمعت تويوتا وتكلمت عنها ككل
انا معاي لكزس ولله الحمد مابعد اشتكيت منه عشان اعرف قطع الغيار موجوده او لا
بس انت عممت على تويوتا كلها ورديت بناءً على كلامك وحشى ماكذبك وانا عند ربي صادق
لكن انا ذكرت انت ما استخدمت تويوتا وانت قلتها استخدمت لكزس وقلت تجربتك بس تويوتا انا مستخدمها وقلت تجربتي
انا مو من النوع اللي تقوله الزين غالي والناجح محارب والله ما يهمني بشي ولا لاحقني شي من مدحي او ذمي له
انا إنسان قضاي لزوم كل اللي يهمني لابغيته لقيته ياباني امريكي كوري ما يهمني
لكن كلمه حق وانا مجرب انت جربت لكزس وتقول موجود عند الوكيل
انا عندي كامري 2005 تورنق 6 سلندر حقتي لاحظ معاي مو سمعت احد انا صاحبها ولاني كاذب وبيني وبينك الوكيل
قطع غيارها اذا بغيتها مستحيل الاقيها بسهوله لا عند عبداللطيف ولا عند النهدي
وبإمكانك تمر النهدي او عبداللطيف وتسأل عن فحمات كامري 09/10

اللكزس افضل شياره بالعالم. وشف سعره غالي مومثل الالماني رخيص. 

الأخ بندر ١ انت صاحى ولا ايش ايش جاب كراتين اللكزس لمرسيدس مركب الشيوخ و الملوك 

صح الي مايعرف الصقر يشويه 

ترى رفعوا سعر السنتافي الى 133الف للفل الكامل