أضف سؤال أو موضوع جديد          

تأخير في تشغيل السياره

up 1 down 0
abuturkie3 299
قبل 8 سنه و 11 شهر



بسم الله

السلام عليكم ورحمة الله


اولا اسال الله ان يبارك لنا ولكم في شعبان وان يبلغنا ويبلغكم رمضان ونحن بخير وعافيه يارب



انا ياجماعة الخير ودي باستشارة اهل الخبرة ولا يهونوا الجميع
معايا لكزس es350 موديل 2007

قبل اسبوع غيرت البواجي ونظفت البخاخات والبوابة وغيرت فلتر البنزين وصرت بعدها كل ماشغل السياره تطول سواء كانت بارده او حاره يعني اول تشغيله او بنص المشاوير تتاخر
سالت مهندس قالي اللي ركب فلتر البنزين ماركبه تمام .. مادري وش القول هنا او وش الحل

الله يجزاكم خير اللي مرت عليه هالمشكلة او يعرفلها يعلمني وش السبب بالضبط ولا يبخل علينا



والله يوفقكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تأكد من الديلكو ممكن يحتاج لوزنية
لو في اختلاف شعرة في وزنية الديلكو يسبب تاخير التشغيل
لانه هناك عدم انتظام في وصول الكهربا للبواجي
شيك كمان على الاسلاك والكويلات


up 0 down 1
العمدة 1434 1189
قبل 8 سنه و 11 شهر



الله يجزاك خير ياطويل العمر

هل في طريقة اشيك عالوزنية بنفسي ولا لازم ورشة؟


up 0 down 0
abuturkie3 299
قبل 8 سنه و 11 شهر



وعليكم السلام ورحمه الله وبركاته
اللهم آمين

اخوي افتح السويتش بدون تشغيل وانتظر لمده 3 ثواني تقريباً بعدين طفه
وسو نفس الطريقه 3 مرات ورا بعض
المره الرابعه افتح السويتش نفس الشي وانتظر 3 ثواني وبعدين شغل
اذا اشتغل على طول معاك يعني عندك مشكله في طرمبه البنزين

المشكله هذه بالعاده سببها بلف الراجع مكانه برأس طرمبه البنزين لإغلب مديلات 2003 وفوق
2003 وتحت مكان البلف بالمحرك قرب الثلاجه
وظيفتة في السيارات الحديثة والمضخة (الطرمبة) الكهربائية
يحتفظ بالوقود بعد اغلاق المحرك ووقوف عمل الطرمبه واطلق عليه بلف الراجع لإحتفاظه بالوقود وعدم إرجاعه للتانكي مره اخرى ولو حصل فيه خلل اذا طفيت السيارة فتره بسيطه رجع البنزين اللي بالليات للتانكي وصار صعب التشغيل بسهوله خصوصاً بالشتاء ويتأخر لحين دفع الطرمبه للوقود مره اخرى واكتمال دوره الوقود إلى المحرك
لكن في مثل مشكلتك حار او بارد يسويها فتوقعت البلف والطرمبه ايضاً

سو الطريقه اللي قللت لك او افحص ضغط الطرمبه عند ورشه مختصه
كان الله في عونك وبلغنا وش يصير معاك ان صلحت العطل
في امان الله


up 0 down 0
abo kayan-55 652
قبل 8 سنه و 11 شهر



انتبه لا تلمس الديلكو ترا ان لمسته انعفس موترك فوق تحت واسال مجرب الله لا يوفقه اللي عفس علي الديلكو وعقبها  عزمه ضعف وصار ينتفض علما بان الموتر حق البيت من نوع كابرس

بس يا اخي العزيز بما ان الموتر طبيعي ولا فيه شيء فالافضل انك ما غيرت فلتر البنزين وكان غيرت البواجي وخلاص ولو الموتر فيه مشكله انا معك بس تغيره والموتر مافيه شيء اشوف انه مبالغه في التصليح

بالتوفيق  


up 0 down 1
camry grandi 99 7274
قبل 8 سنه و 11 شهر



اخوي انا نزلت مقطع فيديو قبل فترة عن تنظيف البوابه ومن ضمن كلام الاخ محمد الغامدي صاحب المقطع ان السيارة بتتغير عليك لمدة اسبوع بعد التنظيف وبعدها ترجع طبيعي 
يمكن يكون منها السبب وانتظر كم يوم وشوف 
اما اذا ما طلعت السبب الله يعينك ارجع للي سويت عندهم التنظيف وعلمه وخله يشيكلك او يكشف عليها كمبيوتر 


up 0 down 0
ابوخلوودي1 5070
قبل 8 سنه و 11 شهر



اخوي تأكد من طرمبه البنزين طرمبه البنزين هي سبب 

تأخير تشغيل السياره خذ العلم 


up 0 down 0
مستشار ابوي 404
قبل 8 سنه و 11 شهر



حياكم الله جميعا وبيض الله وجيهكم

انا غيرت طرمبة البنزين قبل 7 شهور تقريبا واعتقد اعراض خرابها تاخير في التشغيل والسياره بارده فقط لكن اذا سخنت ماتطول


وانا ارجح كلام اخوي في البلف الراجع والله اعلم بروح اليوم للمهندسر اللي اشتغل بسيارتي واعلمكم بالسالفه


بس انا خلال لفتي بالمنتديات كاني شايف ان ممكن البخاخات يكون لها سبب في ذلك انها تدخل بنزين زياده لكن الله اعلم


جزاكم الله خير مره ثانيه


up 0 down 0
abuturkie3 299
قبل 8 سنه و 11 شهر



تأخير التشغيل من فلتر البنزين شكله تجاري او ماطبقه كويس لك


up 0 down 0
saad053399
قبل 4 سنه و 2 شهر



تأخير التشغيل من فلتر البنزين شكله تجاري او ماطبقه كويس لك


up 0 down 0
saad053399
قبل 4 سنه و 2 شهر



بعدين الديلكو اكتروني في السيارات الجديده وعلى كمبيوتر السياره لا احد يلعب فيه والله انك تكره السياره بعده


up 0 down 0
saad053399
قبل 4 سنه و 2 شهر



عن اذنك ياصاحب العلان
عندي مشكله اذا شغلت تتاخر في التشغيل اذا فتحت السويتش ونتضرت خمس ثواني تشتغل ارجو من الديه خبر يفيدني جزاه الله خير


up 0 down 0
أبوفوا
قبل 2 سنه و 6 شهر