نصيحه لوجه الله

اي والله صدقت



والواحد يأمن افضل شئ من التعاونيه حتى لو كلفه الكثير علشان يريح باله

لاقدر الله صار عليه حادث التأمين يغطي


ولك لايك ياااوااافي

انا من اهل الشمال وشغلي بالرياض واخوي جاني مره وحنا بالدائري كانت قدامي بنتلي وربي اول شي قاله معك تامين واتفقده طلع باقي 4شهور وانتهت وجددتها

المشكلة يا غالي يجيك واحد يقول التأمين حرام و ما أدري إيش !!!! وبعدها لا صار له حادث يقول ليتني مأمن بدل ما أدفع و أتخسر

و أنا بيني و بينك ما أفتي لا بتحليل التأمين ولا تحريمه  , الله يستر علينا من الحوادث ولا يحيجنا لشركات التأمين , والله إن شركات

التأمين أغلبها سيئة و ما بها خير , أسعارهم عالية و شروطهم صعبة !!!! و لامن إحتجت لهم لطعوك و أخروك عشان يطفشونك

مفروض اللي سواقته زينة و لا يسوي حوادث يسوون له خصم , و الشباب الطايرين اللي كل شوي يسوون حوادث يخلون التأمين

عليهم دبل !!!! أنا ولله الحمد لي سنين مأمن و لا أذكر سويت إلا حوادث بسيطة و تنتهي بسماح حتى بدون ما نجيب التأمين .

صدقت يالوافي والله التأمين ضروري ولا تقعد انت والعسكري في طلبات والظروف والاقساط ........... الخ علشان يتنازل
تستاهل لايك

صدقت وانا من فتره بسيطه نصحت اخوياي على التأمين وقلت لهم انتبهوا للتأمين وتاريخه اشد انتباه

من فتره واحد راعي كيا سيراتو 2012 رجال كبير بالسن عمره 50 تقريبا
صدم كابرس 2012 من الجنب ومن قوة الصدمه دخل الكابرس بالشارع الثاني ودعم سيارتين واقفات !!

راعي السيراتو الشايب طلع الغلط عليه وقال عندي تأمين ويوم شيك عليه نجم لقاه منتهي
سعروا الكابرس بدون السيارات الاخرى فقط الكابرس . طلعت التسعيره قطع غيار + اصلاح 39.000 الف
وقال ماني راضي ابي شيخ معارض ودوها لشيخ المعارض وطلعت 30.000 الف صافي !
والرجال قال ماعندي وعطوه مهله اسبوع وماسدد ودخلوه بالحجز وطلع بكفاله وصاحب الكابرس طلب تحويل على التامين
وقالوا خلو الرجال يتفاهم مع التامين .. يعني التأمين الشامل اللي على الكابرس يصلحه وبعدين التامين يطالبون الرجال

طبعا 30.000 الف + رسوم اداريه تقريبا 2.000 ريال للتامين يعني 32.000 الف على كابرس من غير السيارات الثانيه
نصيحه التأمين اهم شي والله له فايده كبيره وتفكك من المشاكل والمطالبات . الله لايبلانا

الواحد يترك عنه العجله والسرعه اللي مالها سنع وقبل يمشي يسمي بالرحمن وماعليه خلاف ان شاء الله 

اكثر اسباب الحوادث حاجتين ( العجله - والسرعه الزايده والتخييط بين السيارات والثالثه هي الفرمله الفجائيه اللي بعض الاحيان يسوونها حقين التكاسي كانهم اول مره يسوقون الله يهدينا واياهم ) 


موفقين ان شاء الله 

أنا ما أمشي إلا وأنا مأمن مع أني أدري التأمين حرام

لكن المشكلة لا صار حادث وتجلس بالتوقيف وتدفع وإذا طاح الواحد ما يلاقي من يفزع له

والله ودي اامن بس علي مخالفات 17000 ولا معي رخصه يعني ما استفيد من التأمين الله يعين

ابو راشد التامين طال عمركك ماله دخل بالرخصه والمخالفات ابد عطهم بس الاستماره والاثبات والتامين طالع لكك    

آلآخ آللي يقول آن آلتآمين مّ يحتآج رخصه غلطآآن يّ غآآلي ..


آذآ مّ معك رخصه و عندك تآمين .. آلتآمين مّ يشملك .. آنآ آلحين مآمن ضد آلغير بّ 650 حق تحت 18 سنه و لكن مّ عندي رخصه لذلك تآميني مّ منه فآيده ..

واحد من اعيال عمي ماخذ له لاندكروزر 2013 بريمي زوايد وفللل وفي الليل صدم صبيييات بسبب ان فيه كلب الله يكرمكم طلع علييه وانعدمم المووتر وتحمل تصليحه والسبب انه مومأمن شامل ،،، كان يقول مابي أأمن الحي ابي أأمن مع الصيفيه قبل انزل اسافر به الجنوب عشان استفييد من التأمين مرتين صيفيين لكن قدرة الله اسرع

نسسيت اقوكم فيه تأمين كويس اللي هو تأمين التعاونيه سند بلس قيمته ب 1100 ريال ميزته يكون ضد الغيير ويكون شامل لسيارتك بقيمة 10.000 ريال يعتبر حلييو في حال سمح الله صار لسيارتك شي يعوضونك ب 10000 افضل انك ما تأمن ب 600 ريال ضد الغير

الله يعينه يارب 

سالفه انك مابتسرع ومابيجيك شيء ان شاء الله ذي كلام والله العظيم اني ماشي في شارع حدود 80 والسرعه اظن 90 او 100 ويطمر واحد فالخط وهو مخطي 100% وصدمت فيه ها وش اسوي ذلحين .! ماهو كل شيء على السرعه بعض الاحيان بيتليك واحد بعمره

المهم امنوا تاامنوا هه هه وثانيا التامين يكفيك الشحاذه اذا ماكان عندك وانت مقتدر خاصة لا ازهقت ارواح يا كم شفنا في السابق قدر الله عليا وسويت حادث ومات مدري كم والان مطالب بديات ومن هذا الكلام بس التامين يحفض كرامتك ويقيك خطر كبير قد يعكر حياتك وينهيها