أضف سؤال أو موضوع جديد          

شركآت التأمين في الظاهر عسل وفي الباطن نصب وأحتيال

up 4 down 0
hack1 2915
قبل 8 سنه و 4 شهر







بسم الله والصلاة والسلام على أشرف الأنبياء والمرسلين سيدنا محمد
وعلى آله وصحبه أجمعين 
أما بعد 
بكون صريح جدا في طرحي هذا ووالله لم تكن صراحتي إلا لراحتك أيها المتظرر 
المسكين
وأتأسف منكم ع الإطاله ولاكن تحملوني شوي عشان تعرفو تطلعو حقكم من شركات التأمين




حوادث السيارات وشركات التأمين 
شركات التأمين وأستغلالها لو ضع النظام في مؤسسة النقد
شركات التأمين وإذلال المواطن 
شركات التأمين وكيفية الإحتيال عليها وإخراج حقك منها بالقوه








أولا: حوادث السيارات وشركات التأمين 
من المعلوم أن من يتسبب لك في حادث ويكون مأمن ما يخطط الحادث 
إلا نجم 
والمرور ماله أي دخل أبدا 
فلذالك تأكد إنك راح تتسحب على وجهك مع إنك أنت المسكين 
ومن من راح تتسحب .! من شركة التأمين 
إلا في حالة إنك شغلت مخك












ثانيا: شركات التأمين وأستغلالها لنظام مؤسسة النقد البطيئ  




في حالة إنو أرتفع الكيل عندك على شركة تأمين جابت لك الجنان
أكيد بتقول إنك راح تشتكيها طيب الجهه المسؤوله عن شركات التأمين
هي مؤسسة النقد 
طيب نقول إنك رحت تبغى تشتكي ودخلت مؤسسة النقد 
أول ماتدخل تحصل شخص يقولك أمر تقوله سالفتك يقول سجل الرقم وأتصل عليه 
طبعا الرقم هذا رقم مختص بمشاكل شركات التأمين وهو يعتبر كوساطه بينك وبين الشركات المماطله




طيب في حال إنك كلمتهم وشافو إن شكواك ما تستاهل يقولو لك 
خذ الي جاك والباقي بكيفه وفي حال إنك رفضت وتريد رفع شكوى 
يقولو لك توجه لأقرب مكتب لنا وطبعا فالمنطقه الغربيه مافيه إلا فجده لهم مكتب
وفالرياض وفالمناطق الرئيسيه فقط لا غير يعني فلوسك الي تطالبها من شركة النصب ( التأمين ) راح تروح خسائر 
مراجعة 




طيب إذا رحت لهم راح يقولو لك راح نتواصل مع الشركه في 30 يوم 
ونرد لك بعدها ( أسلوب تطفيش ) 
ومن بعد ذالك إذالم نستطيع إرجاع حقك سوف نحول موضوعك لهيئة الفصل 
ويقول لك بالعربي الفصيح يمكن بعد كل هالإنتظار هيئة الفصل ما تحكم لك 
تحطيم عيني عينك 












ثالثا شركات التأمين وإذلال المتظرر 
شركت التأمين تبحث عن أي مخرج عشان تخصم عليك ولو ريــــال حتى ولو غلطه في أوراق التقدير 
حتى ولو قطعه لم تسجلها الورشه الأولى وسجلتها الورشه الثانيه 
مع العلم إن الشيخ مصدق علليها
بس يقولو ما تنفع لا زم تكون مثبته فجميع الأوراق 
ولو لم تكن مثبته يسقطوها عيني عينك وبدون مايرجعو لك




شركةالتأمين من وجهة نظري أشوف مؤسسة النقد حاميتها 
وكلام سحب الترخيص في حالم لم تسدد للمتظرر كامل حقه
ووووووو بل بل بل بل بل بل كله كلام فاضي وبلبله ع الفاضي








طيب كيفية الإحتيال على الشركه وأخذ حقك منها بالقوه وبنفسك












أولا : إذا حصل لك حادث ومعاك تأمين شامل أو مع الي صدمك تأمين وهو الغلطان عليك 
سوي الخطوات التاليه 
مثلا الصدمه ماجات قويه ومثلا جات فمؤخرة السياره 
وماتضررت السياره بشكل قوي 
ولاكن تضررت بشكل جزئي 
مثلا الأسطب الخلفي تحكك بس ما أنكسر فالحاله ذي أكسره قبل مايجي نجم 
لأن لو خليته على حالته ما تعوضك الشركه عليه حتى لو الورش أثبتت إنه يتغير
الصدام أنعفص ولا أنكسر أقولك أمسكه وأكسر أبوه
مثلا أبسط شيء البطانه جا فيها شق بسييييييييييط جدا أمسكها وكمل عليها
وخلي الشق واضح
عشان تطلع بحقك من الشركه ولا والله ما تاخذ ريـــال 
وأهم شيء شيك على السياره قبل ما يجي نجم عشان تخلي وضعك فالسليم
لأن نجم يصور السياره بالكامل والصور تثبت المتظرر 
فلذالك خلي نجم يصور أي ثطعه جا فيها تلف حتى لو كانت داخليه 
ترى الموظف يتكاسل بعض الأحيان يقولك ما يحتاج قوله لا صورهها 
















ثانيا : 
وقت التقدير والورش 
شيك على السياره بشكل دقيق عند كل ورشه 
ومثلا الورشه الأولى شاف الأشياء الواضحه قدامه وسجلها 
رحت للي بعده أتضح له شيء ثاني ما سجله الورشه الأولى 
فلذالك خليه يسجله وأرجع للورشه الأولى وخليه يسجله بعد فالورقه حقته
وبنفس خطه وبنفس القلم
والورشه الثالثه نفس الحكايه 








رابعا : 
إذا جيت تسلم أوراق التقدير مكتب شركة النصب ( التأمين ) 
صور كل الأوراق صور واضحه وأحفتفظ فيها لك 
لأن ما تدري يمكن تنرمي أوراقك فالزباله ويقولو لك ضاعت 
وقتها راح تقرش بصل لو مامعاك صور 
وأخير في حالة إنك بتصلح سيارتك صور كل جزء تضرر بصوره واضحه حتى لو كان
داخلي وأحتفظ فيها 
وصلح سيارتك 








هذا وحسبنا الله ونعم الوكيل في شركة بروج للتأمين التعاوني 
الي أبتزتني وقهرتني فحقي وخصمو عليه من حقي مبلغ كبير ولم أستطيع 
إخراجه منهم بسبب جهلي في نصب شركات التأمين
والمصيبه أقول للموظف راح أشتكيكم يقول ماراح تطلع بشيء 
وللأسف كلامه صحيح
ولاكن لن أسامحهم لا في الدنيا ولا في الأخره 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخوي أنا معاك شركات التأمين نصب و إحتيال لكن ما تكون أنت مثلهم و تسوي فيها نصب و إحتيال ..

أنا لي أصحاب واجد أحس إنهم خسروا شركات التأمين !!! يصيرون طفرانين و يبغون فلوس يروحون يسوون حادث ..

و مثلاً: الشمعة صار فيها كسر بسيط أو شطب يروح يقلعها كاملة عشان ياخذ حق جديدة و يرجعً الشمعة القديمة
الصدام صار فيه حكات يقلعه عشان ياخذ حق جديد و يرجعً الصدام القديم ..

يعني مو بس التأمين نصاب !!! حتى الناس ينصبون و ياخذون شي مو لهم , حتى بعضهم يروح شيخ المعارض
أكثر من مرة عشان يعطيه تقدير عالي مع إن شيخ المعارض ما نقص حقه بالتقدير , بس في ناس يحبون ياخذون
الفلوس و إعذروني على اللهجة هذي !!! ولو بذنب الحمار و أنتم بالكرامة , فأنا أشوف الشغلة مشتركة بيني و بينك
حتى أخونا إبراهيم التركي نزلً موضوع قبل فترة عن سيارته (الليموزين) طاحت في حفرة البلدية و راح فكك الشمعات
و مدري إيش عشان ياخذ تعويض و سيارته ما جاها شي !!! يعني هي بالنهاية شغلة ذمة و ضمير و شكراً .


up 3 down 1



والله ي غالي 
أنا لو الله كتب لي حادث وصدمني واحد مأمن 
وأخذت تأمنيه 
وهجولتني شركة التأمين شهرين وفالأخير مايعطوني حقي كامل هذا مو حرام 



up 2 down 0
hack1 2915
قبل 8 سنه و 4 شهر



دام الموضوع عن التأمين .. انا عندي تأمين التعاونية شامل .. وووكنت واقف في المواقف والظاهر في شخص يبي يوقف بالمواقف ورجع سيارته وضرب صدام سيارتي الامامي.. المهم الضرر من الصدمة في الصدام الامامي فقط ماتعور كثير لكن مشووه فيه اثر حكات .. هل لو رحت للتأمين ابي اصلحها يستبدلوا لي الصدام او رش فقط؟

ومن ناحية شركات التامين بامريكا هناك مافي لف ودوران يعطونك حقك مو مثل هنا


up 1 down 0
lumina ss the best 81
قبل 8 سنه و 4 شهر



ونسيت اقوول احد اخوياي احترقت سيارته من 2010 والى اليوم مادفعوا له التأمين شي يماطلوون


up 1 down 0
lumina ss the best 81
قبل 8 سنه و 4 شهر



فعلا محتالين 
انا في عام 1428 انصدمت سيارتي واقفه ولا دريت الا الصباح ولقيت ورقه من المرور 
والصدمه من الخلف قلت زين اللي صدمني ما انحاش طلع مأمن عند شركة ليدرز للتأمين 
وباقي عن تأمينه يوم وينتهي المهم رحت المرور قالو قدم شكوى على مؤسسة النقد قدمت شكوى 
ومن جلسه في جلسه والمبلغ اللي اطالبهم فيه 12060 والله ما استلمته الا قبل خمسه شهور 
بالصدفه مريت من عند مؤسسة النقد قلت خلني امرهم خمس دقايق قالو شيكك جاهز 
والحمدلله . 


up 1 down 0
وسم 6wasm 1178
قبل 8 سنه و 4 شهر



ي رجال عندنا المفروض يسمونها شركات النصب والإحتيال 
حكات ما هي شاقه الصدام ما أعتقد يغيرونه أبدا بس أنت وقف فمواقف وأتصل على نجم وخليه يجيك وأسأله وشوف ترى بعض موظفين نجم
كويسين يخدموك 



up 0 down 0
hack1 2915
قبل 8 سنه و 4 شهر



من يوم فرضوا علينا التامين وانزاحت البركة وتلقى الوراعين والاجانب ماخذين راحتهم حتى التريلات تلقاهم طايرين وماسكين اليسار
هزلت والله


up 1 down 0
ابو عبدالله احمد 3514
قبل 8 سنه و 4 شهر



صدقت أخوي 
لأن الي غلطان يطلع منها زي الشعره من العجين 




up 0 down 0
hack1 2915
قبل 8 سنه و 4 شهر



شركة بروج للتامين نصابين اول ما تروح لهم يكاسرونك ولازم ينزلون من السعر وكل شي يقولون ما لة داعي تغيرر تخيلو يقولون ركب قطع من التشليح حسبي الله علي الي مرخص لهم يلعبون علي الناس


up 0 down 0
الشرقية ماركت 152
قبل 7 سنه و 7 شهر



حسبي الله على شركة التأمين فعلا انا عندي اودي R8 سار علي حادث و الغلط ميه في الميه على الطرف الثاني المهم طلبوني شركة التأمين لتحقيق في قسم القانويه و قالو الحادث صحيح بس بنحولك لنجم لاعادة التحقيق حولوني و قالو نجم ان الحادث صحيح ١٠٠ بالميه و رفعوها لشركة الاتحاد التجاري تكلمة ادارة الشركة مع ادارة نجم و قالو لي الحين ان الحادث غير صحيح و برفع في مؤسسة النقد بس مدري بيعطوني حقي ولا لا 


up 0 down 0
siisn
قبل 4 سنه و 5 شهر



اقسم بالله يا غبنه لا بعدها غبنه 


up 0 down 0
siisn
قبل 4 سنه و 5 شهر