أضف سؤال أو موضوع جديد          

كفرات قودير لكزس ال اس 430 .. حسبي الله و نعم الوكيل ..

up 9 down 0



السلام عليكم و رحمة الله و بركاتة .. صباح \ مساء الخير للجميع .. قبل 3 شهر اخذت 4 كفرات قودير حجم 245×45 مقاس 18 لسيارتي لكزس 430 LS مديل 2004 و كان سعر الكفر الواحد 840 ريال و الضمان مفتوح، أول ما ركبتهم كانت تجيني رجه بالسياره في سرعه فوق 130 رصصتهم 3 مرات و أخر ترصيص كان بوكاله الراشد ((قودير))، و مع هذا ما تغير شيئ ،، قلت يا ولد شكلي موسوس فيهم، بعد شهرين من تركيبهم لاحظت ان أحد الكفرات بدأ يطلع فيه تحبيل ( بروز في منطقه صغيره) و زادت الرجه، شيكت الكفرات و أكتشفت ان في كفر غير، يعني كفرين بنفس المشكله، رحت للوكاله الراشد في الخبر قسم الضمانات،كشف على الكفرات و فكها و شيك و عطاني عذر اقبح من ذنب. قال : << وكاله قدير ماتضمن كفراتي لاني دايس علي مطبات بطرف الكفر و تكسرت الألياف الداخليه و اطلعت التحبيلات >>> طيب قلت لا اله الا الله، و كيف مع كفرين و غير انها توها 3 شهور، رد و قال ما بيدنا شيئ نسويه لك بدلها على حسابك .. حاولت مع المدير و نفس الكلام قاله بكل بروده من المطبات .. يعني يتوقع اني بتمشى بالسياره و هي فوق سطحه .. اسوق من 20 سنه و أول مره اشوف كفرات في هذا المستوى .. مع العلم اني من الناس المحافظين على السياره .. كان على السياره كفرات برجوستن و كانت مستهلكه و تعبانه شوي .. و استخدمت على السياره اكثر من سنه و ست شهور .. ومع هذا كانت السياره راسيه و ما فيها رجه حتى على سرعه 250 عدا انها كانت كفرات مو ناعمه حيل بالمطبات و سعرها 680 ريال .. فرق كبير و الله .. و ربي اني انقهرت بالحيل و ما اقول الا حسبي الله و نعم الوكيل فيهم و أجري على الله .. يعني لو الكفر معدي سنه كان اقول يمكن يبرد القلب .. بس ما كمل 3 شهور و هذي النتيجه .. و وكاله الراشد ما عندهم اي تساعد مع الزبون و لو انهم قالوا لي خذ كفرات و نسوي خصم 50% على الأقل ،،، عطوني من الاخر : ان الوكاله ما تضمن كفراتي لانها من سوء استخدامي. أنا كتبت موضوعي هذا بقصد أخذ الحيطه و الانتباه من هذي الكفرات و خصوصا المقاس نفس اللي عندي .. و راح اوصي ولد ولدي انه ما يركب كفرات قودير .. ارجو من اصحاب الخبرة ما يقصرون و يعطوني نصايحهم بخصوص مشكلتي و كيف أتصرف مع وكاله الراشد و كيف اطلع حقي منهم .. و شاكر و مقدر لكل من يساعدني ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


روح الغرفه التجاريه مكافحة الغش التجاري او اتصل عليهم لكن الافضل انك تروح وتكتب الطلب بيدك 
لايقولون للك ماينفعون ومن هالكلام صدقني اذا للك حق بتاخذه غصب عنهم . سلطتهم الان اقوى من السابق 


up 4 down 0
pt 2011 1389
قبل 9 سنه



انا لي تجربه مع كفرات قوديير       ياريت تنزل الصور بشكل واضح           لاني ركبتها على سيارتي ولاحظت انه فيه تحبيل مايظهر الا باللمس  رحت لاكثر من محل كفرات     كلهم قالوا هذه طبيعي ماهو تحبيل    وغالب يكون في كفرات قوودير     الكفرات لها 3 شهور وكل شوي امسكها خطوط  وماعليها خلاف                         سؤال ؟                           .....     هل التحبيل عندك ظاهر بشكل واضح يرى بالعين !!               ....          ولا لازم تحط يدك عشان تحس بمكان التحبيل ؟                                                ...  لعلمك   عالميا  التحبيل ماعليه ضمان هل قريت شروط الضمان ؟


هلا بك اخوي pt 2011 رجعت لهم اكثر من مره و نفس الكلام .. هاليومين بروح اطارد للغرفه التجاريه و الله يكتب لنا حق ..



أخوي
شاقح بن مشقوح الشقيحاني هم كفرين واحد فيه تحبيل من جهتين و مو باينه الا مع التركيز و لمس الكفر .. بس الكفر الثاني تحبيله واضحه و بدأ يرج كثير ..
التحبيل في الكفر مو مذكور بالضمان هذا صحيح بس لو السياره ما ترج ,, للمعلوميه من اول ما ركبت الكفرات هذي كانت ترج فوق 150 و رصصتها اكثر 3 مرات و ما في فايده .. أخوي كان على السياره كفرات بورجستن لها فوق سنه و نص و عمرها ما رجت مع اني امشي عليها فوق 240 و غيرتها لانها تعبت .. و كان فيها عيب واحد انها قاسيه في المطبات و مو ناعمه .. و سعرها اقل ب 230 في الكفر الواحد بينها و بين القودير ..


up 0 down 0



اكيد ركبتها عند البناشر....ياخوانم اشتروا من الوكلاء شلكم بهالبناشر النصابين يجيك مخزن وطريقة تتخزينه تعبان بالشمس وينقلونه بين المدن بالشاحنة مكشوف غير هذا شوفة عيني اشوفهم الكفرات فووووق يصعد ويقطها بالارض ينطنط الكفر ههههههههههه شلون بذمتك تبيه بعد ماتركبه يصير زين!!!
انا ركبت جوديير من الراشد وركبت بريدجستون من الطلائع من اروع مايمكن خدمة ممتازة وسعر نفس اليمنيين وتقدر تجيهم تسوي تدوير مجانا وترصيص


up 0 down 1
talal abdullah 5421
قبل 9 سنه



والله ياحبيبي واش نصلح في الغش التجاري كثيرمن الناس عانى الويلات من هل الغش التجاري محمايت المستهلك في سبات عميق ولاعليهم لارقيب ولاحسيب وشيء طبيعي من امن العقاب اساء الادب مااقول غير الله يعوض عليك اخوي في فلوسك بس تقبل مروري.


انا مركب قودير امريكي على فورد وله معي 4 شهور تقريبا حلوه الكفرات يمكن الغلط 
من يوم شريت الكفرات خطأ صناعي او تقني او نفس اللي باعك اياها كانت مستعمله او او احتمالات كثير 

لاكن صراحه انا مركب قودير وجدا ماشاء الله مريحه  


على فكره كثيرين سمعتهم يشتكون من القودير والقوديير نوعين الماني وامريكي والافضل الامريكي نفس اللي يجي على الفوردات من بلدها


أخوي أن مريت وكالة الراشد للكفر وكنت بغير كفر جمس من نوع قوديير وجاب لي كفر وبعد التدقيق في الكفر أتضح أن الكفر الجمس الوكالة يختلف عن إلي عند وكالة الراشد  وبعد نقاش طويل قالي هذه المعلومة ( كفر قوديير نوعان نوع أصلي وهو غالي جدا سعر الكفر ٢٠٠٠ - ٣٠٠٠ وهو يجي مع أغلب السيارات الوكالة لكن النوع الذي ينباع في وكالة الراشد نعم هو قوديير لكن قليل الجودة جدا (الصيني أفضل منهً)  الخلاصة أن وكالة الراشد تبيع كفر مغشوش تحت مسمي الكفر قوديير وهم كذالك يبعون النوع الاصلي أسئل عنه عندهم ويطلعون لك. 


up 0 down 0



ياساتر اذا كفر جديد وبهذا الجودة الحمد لله اذكر مرة كنت بركب كفرات قوديير على فورد صناعه امريكية طلعت علي2400 ريال جنط17 وهونت وركبت كفرات تويو وربي احسن مايكون كفرات التويو ركبتها على ست سيارات لي لخوياي واخواني ومحد اشتكى منها وناعمة بالخط بس اهم شي تعبيها نيتروجين يفرق معاك


up 1 down 0
موووت احبك 1625
قبل 9 سنه



الاندنوسي الجي تي ماعليه كلم


up 0 down 1
سبحان الله وبجمده 53
قبل 8 سنه و 11 شهر



شخصياً تجربتي مع الجوديير ، ملاحظتي عليها من ناحية الثبات خاصة أوقات المطر ، جات وكالة على سيارتي مقاس 245/45 مقاس 20"
استخدمت بعدها هانكوك نفس المقاس دعسة رياضية فرق ملحوظ في الثبات ، بالنسبة لراعي الموضوع قدم شكوى والله يرد لك حق.


up 0 down 0
charger r/t 43
قبل 8 سنه و 11 شهر



انا مركب كفرات جودير على جمس قبل 6 سنوات ب 1800 ريال وبعد شهر طلع فيها كل الكفرات زي التحبيل

من الجنب رحت الوكاله على الضمان قالي واحد مصري انتى بتمشي في حفر وانا والله ماعندي غير الزفلت
حاولت يمين يسار مافي فايده 

ورحت ركبت هانكوك كوري والله 3 سنوات مابنشر حتى البنشر انا وكل مواترنا اخوي لكزس 400

مغير هانكوك انا كامري هانكوك ابوي فورنتشر هانكوك واخوي الثاني فورد هانكوك 

ممتااااااااااااااااازه وماعليها كلام


up 0 down 0
ibrahime 1196
قبل 8 سنه و 10 شهر



ما غير الهانكوك كفر متوسط السعر و جوده عالية الله يعينك يا خوك غالبا يكون ظروف التخزين سيئة وهي سبب المشكلة اصلا
غريبه 3 شهور بس وحبلت !!!! ممكن تصنيعها قديم ؟ 

انصحك تراسل الشركة الأم بإيميل فيه معلوماتك ورقم التواصل توضح لهم المشكلة و ترفق صورة من الفاتوره و ان الوكالة ما تجاوبت معاك .. صدقني بيطلعون
حقك غصبن عليهم 

الله يساعدك ..


up 0 down 0
بـو سـارة 179
قبل 8 سنه و 2 شهر



انا ياشباب جربت جميع انواع الكفرات مثل الماشيلان .. الهانكوك .. تويو وغيرها من الانواع ﻻاذكرها 
واخر شي استقريت على نوع ممتاز جدا جدا ورخيص واستعملته منذ 5 سنوات 
وهو نوع ماكسس صناعه تايلاندي ... لين وماله صوت 

انا معي فورد 2009 كان عليه كفرات ماشيلان جديده واستخدمتها سنه ونص وكنت متضايق جدا من السياره وتوقعت ان عزلها سيء .... كنت مقرر اني ابيع السياره لهذا السبب 
لكن ظروفي الايام هذي ماتسمح .. طبعا انمسحت الكفرات واضطريت اغيرها ومافي بالي الا الماكسس بحكم تجربتي السابقه لها 
وسعرها الرخيص وجودتها ماعمري ﻻحضت عليها شي كنت امشي عليها بالكزس 240 في طريق القصيم - المدينه في الحر والبرد وصامده 

بعد ماركبتها على الفورد الحين ندمت اني ماغيرتها من زمان وتمتعت بالهدوء والراحه والله اني اكتب لكم هذا الرد واتمنى دعوات طيبه 
فيه بعض الملاحضات المهمه ﻻزم تحطها ببالك ... الكفرات الرياضيه الي يجي ضغطها واطي ﻻتشمل كلامي اﻻ بنسبة 20% 
وبالنسبه الي يركبون كفرات عراض ترا العرض ماراح يفيدك الا بالمنعطفات ولكن راح تخسر انسيابيه وتخسر هدوء 

كفر الفورد 17/55/235 
انا ركبت 17/60/225 

سعر الميشلان 520 ريال 
سعر الماكسس 370ريال 
سعر الهانكوك 450 ريال 

اتمنى الي جرب الماكسس يدلي بدلوه للفائده .. 
الشركه ناشئه وتبحث عن الشهره 


up 0 down 0
ابوعبدالله400 140
قبل 6 سنه و 8 شهر