ادفع زيادة واشتري راحتك...قصتي مع ورشة
18
2
إضغط هنا للإخفاء
اعضاء ومشرفي منتدى حرآج...السلآم عليكم ورحمة الله وبركاته
حياكم الله جميعا..اتمنى تكونون بخير وصحة
بخش في الموضوع او القصة اللي صارتلي...طبعا بعضكم يعرف ان في مشكله في سيارتي "السير والشداد" بما اني نزلت موضوع هنا عن هالشي..المهم..يوم الاربعاء الماضي رحت ل"موزع" قطع تويوتا ولكزس واشتريت القطع ورحت لورشة "اثق فيها" <<< ركزو على ذي
طبعا راعي الورشة كان شايف السيارة من اول وقلي يبيلها سير وشداد...جيته وقلتله هذي القطع كم يبيلها وقت؟؟ قال حوالي ساعتين... قلتله خلاص بتكي في الورشة الين تخلص
وبدا يشتغل ومن هنا بدا الفلم...
انا اناظره وهو يشتغل واحس انه متوهق...يشد من هنا...ويطرقع من هناك...اسمع انواع الاصوات واشوف الموتر يهز
جيته وسألته اش السالفة؟؟ قاللي لا عادي مافي شي انت ارتاح
انا ماارتحتله وجلست جنبه عشان اشوف الشغل...المهم ويمضي الوقت وانا وخويي سوالف...ويجيني الميكانيكي ويعطيني الخبر العاجل يقوللي السير ماركب!!
قلتله شلون يعني ماركب؟؟!! قال السير قصير مايركب!
انا وقتها استغربت! قلتله والحل؟ عشان يثبتلي رجع السير القديم وركب
طبعا بعد مارجع السير القديم للسيارة عطاني المفاجأه الثانية وقال ترا حتى الشداد الجديد مو للموتر! <<< مدري كيف فجأه اكتشفها!
انا وقتها اتشت معي قلتله شلون يعني الشداد مو حق السيارة وهذا هو راكب على المكينة ولك ساعة تركبه!! بدا يصرف وقال انه هو نفس القاعدة بس البكرة تختلف
قلتله رجع القطع القديمة خلاص وعطيته شغل يده
ثاني يوم رجعت للمحل للي جبت منه القطع عشان ارجعها قالي راحي المحل الشداد معدوم ووراني البلاستيكة الي ورا البكرة كيف لونها اسود وشوي وتنكسر قالي "شكلك رحت لميكانيكي حمار" الله يكرمكم
المهم رجت القطع وخذت فلوسي بعد ماعرفت ان الميكانيكي بعد ماتوهق قللي القطع مو للسيارة
المهم امس رحت للعضيب بما انه متخصص لكزس طبعا شوفو الفرق
جا الفني يفحص الموتر فك السير بثواني "عكس هذاك اخذت معه حوالي عشر دقايق عشان يفكه"
وقالي السير متقطع واللي قطعه هو الرمانه وسير الكرنك...قلتله طيب والشداد؟؟ قاللي سليم مافيه شي ومو هو اللي قطع السير!
يعني لو انا مصلح عند الورشه الاولى مان ماستفدت شي وتقطع السير مرة ثانيه...غير غير القطعة اللي قالي اغيرها وهي سليمة
في الاخير صحيح اني بدفع اكثر في التصليح..لكن والله مرتاح وعارف ان الموتر عند ناس تفهم وتنهيلي مشكلتي
عشان كذه ياجماعة الخير...خصوصا في الاشياء الميكانيكية لاتسترخصو..ادفع زيادة واشتري راحة بالك
عارف اني فليتها وطولت عليكم.. بس حبيت اشارككم بتجربتي عشان تعم الفائدة
شاكر لكم جميعا والله يعطيكم العافيه وييسر اموركم جميعا
تحياتي لكم
إبلاغ
سيارات للبيع
الردود
وين افحص العكس و اصلح الجلدة ؟
0
0
حراميه
وشي طبيعي يكون فاهم الشغله لانه متخصص مو زي الاول الي رحتله يصلح ما هب ودب فشي طبيعي ما يكون خبير زي المتخصص
, لكن انت المفروض الي ما صلحلك شغله لا تعطيه ريال واحد ورح لغيره
,وانا صارتلي كثير
, مرح انقطعت علي جلدة العكس للكزس رحت للعضيب متخصص لكزس وقالي الجلده مع الكس تالف يبيلها عكس وجلده يعني تقريبا بتكلف القطع 800 ريال غير شغل اليد الي اتوقع اقل شي ياخذله 800 زيها يعني بطلع ب 1600, قلتله غالي ومشيت من عنده
, ولقيت ورشه صغيره بنغالي ومكتوب على لوحته متخصص عكوس دخلت عنده وريته الجلده المنقطعه قال بيغيرها لي وبيشوف العكس سليم او لا بعد الفك , المهم فكها قال العكس سليم ميه ميه وغيرلي الجلده فقط وطلع الحساب القطعه مع شغل اليد ميه ريال فقط والله على ما اقول شهيد , والان لي تقريبا اربع شهور من غيرت جلدة العكس والامور ميه ميه عندي مافي اي مشاكل والعكس سليم
, الي بوصله لك ترا مو شرط الغالي فاهم او خبره
, الفاهم يبيلك تدور عليه من ورشه لورشه , الورش الغاليه الي زي العضيب وطقتها هذولي حراميه تدخلك سيارتك عنده يسلخك لانك ما هميته صلحت عنده او لا زباينه واجد ما يخافون الله جاهم رزق من الله قامو يسلخون العالم
قبل 11 سنه و شهر