أضف سؤال أو موضوع جديد          

محتار بين التغيير او البقاء على نفس السيارة

up 8 down 5
histyria 572
قبل 8 سنه و 3 شهر



السلام عليكم ورحمة الله وبركاته

اسعد الله اوقاتكم بكل خير


اليوم حبيت استشيركم يالغالين ... انا عندي سيارة لكزس جي اس 2002 له معاي سبع سنوات وماشيه فوق 600 الف ماشاء الله تبارك الله اذكروا الله يالغالين

السيارة خلال هالمده لم تطلب الكثير قماشات ثلاث مرات و abs مرة وحده ونص مكينة بـ 2000 ريال ومساعد يمين والكفرات ثلاث مرات هذا فقط اللي سويته فيها رغم اني كادها مكدة مو طبيعية والموتر للحين ماشي صحيح البدي فيه مخوش بس رشيتها مطفي مؤقتاً

الحين انا طالب منكم النصيحة هل اغير السيارة او لااا علماً اني مو راعي فشخرة وكلام فاضي ابي موتر بطل موتر حق خطوط مايهمني الموديل وغيره ولكن حباً للتغيير فقط هل تنصحوني اغير او ابقى على نفس السيارة علماً ان باقي فيها عمر طويل والحمد لله ولاتشتكي من شي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


محتار مدري وش اقولك
  
بس أشوف ال ٦٠٠ واجد وخلاص الموار كفى ووفى
 
 وبعدين بعد كل هالممشى راح  كل فتره وفتره راح تجدع مبلغ للموتر صيانه 
 
يعنى خسران بالسالب مع الوقت 

 لذلك فكر بهدوء وروية وأبحث عن أكثر سيارة تستاهل سعرها 

 وعليك بالجديد أكيد


up 1 down 0
فكوك 1684
قبل 8 سنه و 3 شهر



يالغالي خلك عليها والله أنها موتر كفؤ كان معي وحده واخذتها بعد ما مرت على اخواني الكبار وكدوها واعطوني وكديتها انا تقريبآ ثلاث سنوات وخبط القير ووقفتها بالحوش واشتريت أختها وماشيه معي زي الساعه مشاء الله نصيحه إذا بتغيرها فخذلك ls400 أو ls430 تقبل مروري


up 0 down 0
العسيري85 184
قبل 7 سنه و 11 شهر