أضف سؤال أو موضوع جديد          

جيب لكزس يبهج النفس ويشوق النظرلاعطا الخط المزفلت ودار محركه

up 23 down 21
أنيق 17573
قبل 8 سنه و 4 شهر



مساكم الله بالخيييير 

كيييف الحال كيف الحال آآآآووووه ياحبي لكم صدق من قال ( الحب عذاب ) 

والله أني مشتاق لكم مره مره مره قربت أنفجر ههههههه

اليووم حسيت أني فاضي في العصريه 
قلت ياولد خلني أمر وكالة لكزس أشووف عشقي الاول والأخير 
المهم خذيت سيارة الوالد 
وعلى الوكالة 
وأول ماوصلت الوكالة قلت ،، صالة لكزس مايدخلها إلا عيال النعمه هههههه 
الحين يحسبوني مطففر 
المهم وأوقف السياره حقت الشايب بعيد 
وفتحت كرتون المناديل وأسحب 40 حبه 
حطيت 20 منديل في الجيب الايمن 
و20 منديل في الجيب الايسر 
عشان يحسبونها قرووش ثمن يحترموني ههههههههه مناديل محطات البنزين حذيك أبو كلب الي تقل كراتين 

وأخش الوكاله على بركة الله 
وركككض عالجييب ههههههه حتى ساهر مايجيبني كل الناس كذا *_* يطالعون الله يكفينا عيون الحاسدين قاموا يناظرون جيوبي حسبوها قرووش مادروا أنها مناديل وأبو كلب بعد مغبره 
وأفتح الجلكسي وأصوور لكم الجيب يالبيييه  
وأنا قاعد أصور جاني بدوي رجال طيب شرواكم 
وجلسنا نسولف أنا وياه يقول عنده واحد 2009 جاه هديه 
يقول ماترتاح وأنت ماشي 120 تخخاف 

لامشيت 210 تحس براحه ورساوة عجيييبه وتحس الجيب يثقل وعزله 100% أنواع الهدوء 
ويقول لي جاه واحد يبي يشريه منه وجاب له سعر وعيا يبيع 
يقول ماتعديت 800 متر إلا وتجي ذيك الناقه وتضرب الجنب الايمن كامل ويقول غيرته 75 ألف *_*
يقول الناس ماخلوني بحالي بس والله ما أبيعه  قال 

الخلاصه خلاني أموووت تخيل يمدح في سياره تحبها وأنت متكي عالكبوت وهي جنبك لكن ماتقدر تاخذها محروووم ههههههههه قهر »}¥¿_€_

وسعره فل كامل DD الي ورى المراكي شاشات ب (400ألف ريال صافي ) 

أتمنى أني كفيت ووفيت مع أني ماجبت شيء جديد لكن عاد أعذرونا ربي يسعدكم حبايبي 

تحياتي لكم 
&أنيق& 

 http://www.youtube.com/watch?v=Ee4iywEjSO0&feature=youtube_gdata_player

 http://www.youtube.com/watch?v=5mG6stHvb3M&feature=youtube_gdata_player
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لايجي الحين احد يقارن النيسان باترول به ترى الفرق واضح بس شف جودة الداخليه بينهم وتعال عطني ديس لايك لاطلع النيسان افضل غير عن امور كثيره والشعب ترى ماينضحك عليه ولا كان ماشفتو الكوري ماشي اكثر من تويوتا هالحين



يازينه زيناه لوانه بس ب200 الف


up 1 down 2
استثنائي 790
قبل 8 سنه و 4 شهر



400000 تاخذ شقة بحي غرناطة


up 2 down 1
مقرن 93 369
قبل 8 سنه و 2 شهر