أضف سؤال أو موضوع جديد          

رحله استكشاف بين الواقع والخيال .........

up 15 down 1
ماجد mot 10851
قبل 8 سنه و 11 شهر



.
 رحله استكشاف بين الواقع والخيال بطلها مخرج 9 بالرياض
.
عندي دوام اليوم الساعه 10.30 الصبح 
المهم قلت أطلع أمر فرع تويوتا في مخرج 9
بما أني لابس صح وكاشخ قبل الدوام 
قلت أمر وأسحب وجيههم
على بالي بأطق من عندهم لكزس 2013م
المهم وقفت عند فرعهم
طبعا من يوم تقبل على البوابه .....
تحس أنها مهجوره الصاله ماتدري ليش .....
وأدخل مع الباب ....لا ياشيخ تنكت أجل مع الجدار بتدخل  هههههه
المهم وألقي نظره عامه على الموظفين بالصاله ....
قلت بشوف اللي أرتاح لخشته ...
عشان أروح أسحبه على وجهه يقالي بشتري لكزس .. ايه هين يابومطلق تبطي عظم
المهم السعوديين كالعاده ... مكشرين والنفسيات تجاريه واليد عالخد وينش ذبان
قلت ما نبي سعودي ... خاف اتلاقط معه وانا وراي دوام 
وأطلق العنان للنظر علي صاله مره اخري
فإذا بالمصري يناظرفيني
والكشره حول ما تتقطع من الأبتسامه
شافني اتلفت واناظر ... فقال نضحك له عشان يجي
المهم قلت يالله نروح للمصري .. مافيه مشكله ... الشخص المبتسم ..
ومن يوم اقبلت عليه
اهلين واسهلين يافندم اخدمك بيه 
أنا الصراحه قمت اتلفت وراي ....
يمكن يقصد واحد يعرفه
وإلا ابو الشباب طاقها صداقه ويمون معي وانا مدري
المهم .... سألته بكم الكزس 460
قال المصري ...ب350 الف  ومدري كم نسيت
من هول الصدمه بالسعر
المهم قلت غالي السعر
أبي اعطيه مجال للنصب علي ...
ويقوم ينصب علي نصب
ما يدخل المخيخ .... المخيخ أصغر من المخ معلومه مفيده
من نصباته يقول دي 2012م محركها جديد والناقل(القير)اتماتيكي برضو جديده...
قلت ليه عندكم سيارات محركاتها مستخدمه وهل يوجد قير عادي  ... عاد تخيل لكزس وقير عادي
قال ياعمي لا مش كدا لله
أنا أؤصد أنه محرك بفئه ومواصفات أعلى ....
المهم وأكتمه بسؤال
قلت اللحين أحنا بشهر 12 ميلادي
قال ايوه
قلت متى بينزل 2013م
.
اسمعو النصبه العالميه
قال حينزل في العشر الايام الاخيره من شهر 2/ 2013م  ..... أنا زي كذا نصب ما شفت
ومو كذا وبس
حتى أأكد لي أنه الشكل هو نفسه 2012م ما راح يتغير والله من النصب
على باله يحاول يقنعني اشيل من عندهم ولو سياره  من 2012م
.
عاد ومير الاحظ ملاحظه
خارج الموضوع ........
لاحظت بطاقته اللي معلقها بمخباته ......
أنه طاق ذيك الشخصيه بالثوب والشماغ والعقال بالصوره
ومير افطس ضحك .... وهو يستغرب
مالك يابش مهندس 
قلت انت اللي بالصوره 
قال ايوه
قلت والله انك ضابط الشخصيه صح 
بس طالع كنه عمه اللي موظفه
املط ....خالي من الكسترول /اقصد خالي من الشعر
ومير اودعه واقوله ارجع لك بس بعد العصر  ما تنزل من اسعاركم شوي ياباشا
أبتسم ابتسامة مكرا 
.
بس الصراحه واضح من اسلوبه انه يحاول يصرف ولو سياره وحده بس قبل 2013م
.
وهذا كل الحكايه  ....
.
.
.
.
تحياتي واشواقي لكم ........
فاصل ونواصل غدا بمواضيع جديده
.
ابومطلق ....
.














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أضحك الله سنك يأبو مطلق أسلوبك أكثر من رائع ولك أحلى لايك.


up 4 down 0
nnmm 1414
قبل 8 سنه و 11 شهر



صارت مع واحد زيك وحطها بالمنتدى مع مازدا  سوو معاه العن منك 
كذا اساليب الوكالات  وشاكر مرورك


up 4 down 0
ابوعابد_1414 1201
قبل 8 سنه و 11 شهر



هههههههههههههههههههه حلوه والله حركة البطاقة ، واتوقع لو باع لك من الشكل القديم يمكن له بونص او مكافأة اكبر


up 3 down 0
غريباوي 714
قبل 8 سنه و 11 شهر



هذا الموظف مجتهد لأنه راح ياخذ عمولة 
وبعض الوكالات تعطي الموظف عمولة اذا صرّف سيارة قبل ما ينزلون الشكل الجديد 

بالنسبة للسعر 
350 ألف احطها في ألماني أو رنج افضل 
ولو انجبرت ازود المبلغ على الاقل الالماني والرنج مركب ورزه 


up 6 down 0
naac 2387
قبل 8 سنه و 11 شهر



أحلى لايك يا أبو مطلق ومانحرمش من استكشافاتك هههه .


up 4 down 0
مستر بن . 10377
قبل 8 سنه و 11 شهر



ههههههههههههههههههههه 


up 4 down 0
salmanalotaibii 1153
قبل 8 سنه و 11 شهر



والله صارت خطيره اللكزز بــ 350 ألف 


up 3 down 0
ابــو ســنــد 10639
قبل 8 سنه و 11 شهر



350 نص السعر اشتري فيه هيونداي جنسس سيدان V8 او سنتنيال 
والنص الثاني احطه في جيبي 


up 6 down 0
t_7z 791
قبل 8 سنه و 11 شهر



احسن سياره نزلته لكزس بس السعر اللهم لا شماته,,,

هونها تهون يابو مطلق واهنيك على الرحلة النصبيه..


up 3 down 2
acura 3755
قبل 8 سنه و 11 شهر



مبدع كعادتك يبو مطلق


up 3 down 0
سبحانك يارب119 964
قبل 8 سنه و 11 شهر



 nnmm 
ابوعابد
غريباوي
naac
مستر بن
صقران
ابوسند
 t_7z
acura
سبحانك يارب
ركاب الاماني

شكرا علي الاضافتكم بارك الله فيكم وعلي مروركم العطر
أسعدني وجودكم ....
.



up 0 down 0
ماجد mot 10851
قبل 8 سنه و 11 شهر



الله يخارجنا 350 اشتري فيها شقه تمليك اربع غرف وصاله ومطبخ وثلاث دورات مياه وانتوا بكرامه واريح راسي من الاجار


تسلم على الموضوع يالغالي

وعبداللطيف جميل عساها تخرج من جنبه هذه الاسعار


up 2 down 0
aboamani 1148
قبل 8 سنه و 11 شهر



اسلوب قصصي رائع 



up 0 down 0
امتى الجريحه 3
قبل 8 سنه و 2 شهر